II Samuel 2:19 - Nau Brah Ndu Ngơi 2023

¹⁹ Y-Asahel nchuăt tĭng Y-Apner, mâu rle n'gĭl teng pa ma mâu lah pa chiau ôh tâm dôl păng tĭng.

II Samuel 2:19 Iomraidhean Croise

II Samuel 2:18

Ta nây, geh pe nuyh kon H'Sêruya, jêng Y-Jôap, Y-Abisai, jêh ri Y-Asahel. Y-Asahel nchuăt ngăch ngăn nâm bu yơng tâm bri.

II Samuel 2:20

Y-Apner n'gĭl pakơi, jêh ri ôp: “Di lĕ may jêng Y-Asahel?” Păng plơ̆ lah: “Di ngăn, gâp yơh aơ.”

II Samuel 2:21

Y-Apner lah ma păng: “Teng hom pa ma may mâu lah pa chiau may, rduh dăch du huê tâm phung ndăm nây jêh ri pit sŏk ndơ tâm lơh păng.” Ƀiălah Y-Asahel mâu ntlơi nchuăt tĭng Y-Apner.

II Samuel 3:27

Tơlah Y-Apner plơ̆ đŏng tât jêh ta Hêbron, Y-Jôap djôt leo păng êng ta mpông ƀon, nâm bu ŭch nkoch bri đah păng ma nau kan ndâp. Ta nây, Y-Jôap ntâp ta ndŭl Y-Apner, jêh ri nkhĭt lơi păng gay mplơ̆ rnon mham oh Y-Apner jêng Y-Asahel.

II Samuel 3:30

Kơt nĕ, Y-Jôap jêh ri oh păng jêng Y-Abisai, hŏ nkhĭt lơi Y-Apner, yorlah păng nkhĭt oh khân păng jêng Y-Asahel, tâm nau tâm lơh ta ƀon Gibêôn.

II Phung Hađăch 22:2

Păng ƀư nau sŏng tanăp măt Brah Yêhôva, hăn tĭng tâm lĕ trong Y-Đavit, chô yau păng, jêh ri păng mâu teng mpeh pa ma mâu lah mpeh pa chiau ôh.

Nau Hôr 4:27

Lơi teng ôh pa ma mâu lah pa chiau; Ăn jâng may der hom bơh ntŭk nau mhĭk.

Yôsuê 1:7

Ăn may janh ktang, nănh nanê̆ jêh ri blau njrăng ƀư tĭng lĕ rngôch nau vay Y-Môis, oh mon Gâp, ntĭnh jêh ma may; lơi teng pa ma mâu lah pa chiau ôh, gay moh ntŭk may hăn mra dơi geh jêng.

Yôsuê 23:6

Pônây, ăn khân may nâp nuih n'hâm mât mray jêh ri ƀư tĭng kơt lĕ ntil nau hŏ nchih jêh tâm ndrom samƀŭt nau vay Y-Môis, lơi teng pa ma mâu lah pa chiau ôh.