II Samuel 19:41 - Nau Brah Ndu Ngơi 2023

⁴¹ Rnôk nây, lĕ rngôch phung Israel hăn tât ma hađăch, jêh ri ôp: “Mâm ƀư phung oh nâu hên jêng phung Yuđa, hăn ntŭng chuă vơt may jêh ri njŭn leo hađăch hăn rgăn dak krong Yurdan ndrel ma phung tâm ngih hađăch jêh ri lĕ rngôch phung hăn tĭng ma hađăch?”

II Samuel 19:41 Iomraidhean Croise

II Samuel 19:11

Hađăch Đavit njuăl nơm mbơh ma phung kôranh ƀư brah Y-Sadôk jêh ri Y-Abiathar: “Ôp hom ma phung bu ranh Yuđa pô aơ: ‘Mâm ƀư khân may jêng phung nglĕ dŭt njŭn leo hađăch sĭt ma ngih păng, nôk tâm nchră ma nau nây tâm lam phung Israel hŏ tăng tât ta tôr hađăch?

II Samuel 19:12

Khân may jêng phung băl mpôl gâp, jêng noi deh du mham gâp. Mâm ƀư khân may jêng phung nglĕ dŭt njŭn hađăch sĭt?’

II Samuel 19:3

Tâm nar nây, phung tahan lăp ntŭng tâm ƀon nâm phung tahan nchuăt du tă bơh ntŭk tâm lơh, plơ̆ sĭt ntŭng tâm nau prêng.

Phung Kôranh Phat Dôih 12:1

Phung tahan Êphraim rgum băl, hăn rgăn dak krong tât ta Saphôn jêh ri ôp ma Y-Jêptê pô aơ: “Mâm ƀư may hăn tâm lơh đah phung Ammôn mâu kuăl ôh hên hăn ndrel may? Hên mra su vâl may nđâp may nơm.”

Phung Kôranh Phat Dôih 8:1

Phung Êphraim lah đah Y-Gidêôn: “Mâm ƀư may ƀư ma hên nâm bu pô aơ? Mâm ƀư nôk may hăn tâm lơh đah phung Madian, may mâu kuăl hên hăn ndrel ma may?” Khân păng tâm djrel ma păng hâu ngăn ngên.