II Samuel 19:24 - Nau Brah Ndu Ngơi 2023

²⁴ Y-Mêphibôset, kon Y-Sôl, tâm ban đŏng hăn trŭnh chuă vơt hađăch. Păng mâu geh rao jâng ôh, mâu lĕ kreh têp, jêh ri mâu lah pih kho ao păng, ntơm bơh nar hađăch luh hăn kŏ tât nar păng plơ̆ sĭt ma nau đăp mpăn.

II Samuel 19:24 Iomraidhean Croise

II Samuel 12:20

Rnôk nây, Y-Đavit dâk, ŭm rao, mhĭng dak ƀâu kah, jêh ri tơh rgâl kho ao păng, jêh nây păng hăn lăp ma ngih brah Brah Yêhôva jêh ri yơk mbah. Jêh nau nây, hađăch plơ̆ sĭt ma ngih hađăch, jêh ri đah bu ndrăp ndơ sông sa ma păng.

II Samuel 15:30

Y-Đavit hăn hao klơ yôk Ôlive, nkre nhĭm nkre chuat, nkŭm bôk păng jêh ri chuat jâng dơm. Lĕ rngôch phung ƀon lan hăn tĭng hađăch nkŭm bôk khân păng, jêh ri nkre nhĭm nkre hăn.

II Samuel 16:3

Hađăch ôp: “Pônây, ta ntŭk kon bu klâu kôranh may?” Y-Siba lah: “Păng gŭ ta ƀon Yêrusalem, yorlah păng lah: ‘Nar aơ ngih Israel mra mplơ̆ tay ma gâp ƀon bri hađăch che gâp.’”

II Samuel 9:11

Y-Siba lah ma hađăch: “Oh mon hađăch mra ƀư lĕ nau hađăch jêng kôranh gâp ntĭnh.” Pônây Y-Mêphibôset sông sa ta sưng sông hađăch Đavit nâm du huê tâm phung kon bu klâu hađăch.

I Phung Hađăch 2:8

Rlau ma nây, hôm geh Y-Simei, kon Y-Gêra, bunuyh Benjamin ta Bahurim, jêng nơm hŏ sŏk lĕ nau ngơi janh ƀai gay rak rtăp gâp tâm nar gâp hăn rlet ma Mahanaim. Ƀiălah yorlah păng trŭnh văch tâm mâp đah gâp ta Yurdan, rĭ dĭng gâp sŏk amoh Brah Yêhôva gay sơm ton ma păng pô aơ: ‘Gâp mâu mra nkhĭt ôh may ma đao.’

Nau Ngluh Êjipt 19:10

Brah Yêhôva lah ma Y-Môis: “Hăn hom ma phung ƀon lan, prăp êng khân păng ăn kloh ueh ta nar aơ jêh ri ôi taơ. Đă khân păng pih lơi kho ao khân păng;

Êsai 15:2

Phung Dibôn hăn hao jêh ta ntŭk yơk mbah Ta lĕ ntŭk prêh gay nhĭm nhhiăng. Phung Môap nhĭm nhhiăng Ma Nêbô jêh ri Mêdêba; Lĕ rngôch plưn bôk da dê Jêh ri têp kang poih lĕ.

Yêrêmi 41:5

pôri geh pham jât nuyh bu klâu tât tă bơh Sichem, Silô, jêh ri tât tă bơh Samari. Khân păng poih têp kang, nsoh bok ao sat, rek tor êng săk jăn khân păng nơm, ti djôt leo ndơ ƀư brah rnih môi jêh ri ndơ ƀâu kah gay nhhơr tâm ngih Brah Yêhôva.

Mathay 6:16

Tơlah khân may ât sông sa, lơi ƀư ôh muh măt rngot nâm bu phung bunuyh geh nuih n'hâm nklă, yorlah khân păng jan ƀư muh măt rngot gay lĕ rngôch bunuyh gĭt ma khân păng ât sông sa. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Samƀŭt Pôl Njuăl Ăn Ma Phung Nsing Ta Ƀon Rôm 12:15

Maak hom đah phung maak, nhĭm đah phung nhĭm.

ហេឞ្រើ 13:3

Kah gĭt hom ma phung bu krŭng tâm ban ma khân may nơm bu krŭng ndrel ma khân păng; jêh ri kah gĭt hom ma phung bu ƀư mhĭk, yorlah khân may nơm geh đŏng săk jăn tâm ban ma khân păng.