II Samuel 19:22 - Nau Brah Ndu Ngơi 2023

²² Ƀiălah Y-Đavit plơ̆ lah ma păng: “Hơi kon bu klâu H'Sêruya, moh nau gâp geh ƀư tih đah khân may, dĭng nar aơ khân may rlơ̆ jêng nâm bu bunuyh tâm rdâng đah gâp? Tâm du nar nâm bu ma nar aơ mâm ƀư nkhĭt tay du huê tâm phung Israel? Di lĕ gâp mâu gĭt nar aơ gâp jêng hađăch ma phung Israel?”

II Samuel 19:22 Iomraidhean Croise

II Samuel 16:10

Ƀiălah hađăch lah: “Hơi phung kon bu klâu H'Sêruya, moh nau gâp geh đah khân may? Tơlah Y-Simei rak rtăp yorlah Brah Yêhôva hŏ lah jêh ma păng pô aơ: ‘Rak rtăp hom ma Y-Đavit,’ pôri mbu nănh lah păng: ‘Mbah tă may lah nau nây?’”

II Samuel 16:5

Tơlah hađăch Đavit tât ma ƀon Bahurim, geh du huê bunuyh bơh băl mpôl ngih Y-Sôl văch tât, amoh Y-Simei, kon bu klâu Y-Gêra, hăn văch tă bơh ntŭk nây. Păng rak rtăp nkre hăn.

II Samuel 16:9

Rnôk nây, Y-Abisai, kon bu klâu H'Sêruya, lah ma hađăch: “Mâm so khĭt aơ nănh rak rtăp hađăch jêng kôranh gâp? Ăn gâp hăn koh lơi trô ko păng.”

II Samuel 3:39

Mpeh let ma gâp, nar aơ gâp hôm huơi nđâp lah gâp jêng hađăch bu tŏ dak ƀâu kah jêh; ƀiălah phung nây, jêng phung kon H'Sêruya, hŏ ƀư jêr ir ma gâp. Dăn Brah Yêhôva mplơ̆ sĭt ma nơm ƀư mhĭk tĭng nâm nau djơh mhĭk păng!”

Êsai 16:5

Nôk nĕ, sưng hađăch mra dơi nâp tâm nau ueh, Tâm rmlak Y-Đavit mra geh du huê nơm chiă uănh Gŭ tâm sưng hađăch nây ma nau răp jăp; Păng mra joi nau di. Jêh ri gơnh ƀư nau sŏng.”

Mathay 8:29

Khân Păng lŭng nter: “Ơ Kon Brah Ndu, moh nau hên geh đah May? Di lĕ May tât ta aơ ŭch tâm rmal hên êlor tât nar tâm nal?”

I Samuel 11:13

Ƀiălah Y-Sôl lah: “Bu mâu mra nkhĭt du huê bunuyh ôh nar aơ, yorlah jêng nar Brah Yêhôva rklaih jêh Israel.”

I Samuel 26:11

Ăn Brah Yêhôva mât mray gâp mâu yơr ti gâp ma nơm Brah Yêhôva lĕ tŏ dak ƀâu kah jêh! May sŏk lơi hom tak ta bôk bê̆ch păng jêh ri dak yăng păng, jêh nây he hăn du.”

I Samuel 26:8

Y-Abisai lah ma Y-Đavit: “Nar aơ, Brah Ndu jao jêh nơm rlăng may tâm ti may. Ăn gâp sŏk tak gay ntâp păng, knŏng du tong dơm mra rchiăt păng tâm neh; mâu hôm ŭch ntâp tal bar ôh.”

I Samuel 26:9

Ƀiălah Y-Đavit lah ma Y-Abisai: “Lơi nkhĭt păng! Yorlah mbu moh yơr ti lơh nơm Brah Yêhôva hŏ tŏ dak ƀâu kah jêh ƀiălah mâu geh nau rmal ôh?”