II Samuel 19:19 - Nau Brah Ndu Ngơi 2023

¹⁹ jêh ri lah: “Vơl dăn ma kôranh gâp lơi klăp ndăng ôh nau tih gâp, jêh ri lơi hôm kah gĭt ma nau djơh mhĭk oh mon may hŏ ƀư tih jêh tâm nar hađăch jêng kôranh gâp du luh tă bơh Yêrusalem. Dăn hađăch lơi djôt prăp ôh nau nây tâm nuih n'hâm.

II Samuel 19:19 Iomraidhean Croise

II Samuel 13:20

Y-Apsalôm, nâu păng, ôp: “Di lĕ Y-Amnôn, nâu ay, hŏ bê̆ch ndrel đah ay? Aƀaơ hơi oh, gŭ rklăk hom, yorlah păng jêng nâu ay. Lơi ir jâk nuih n'hâm ôh ma nau nây!” Pônây, H'Tamar gŭ tâm ngih Y-Apsalôm, nâu păng, nâm bu du huê bu ur lĕ sai păng lơi jêh.

II Samuel 13:33

Pônây, dăn hađăch jêng kôranh gâp lơi ir jâk nuih n'hâm ma nau aơ ôh, dôl mĭn ma lĕ rngôch kon bu klâu hađăch khĭt jêh; knŏng êng Y-Amnôn dơm khĭt.”

II Samuel 19:18

Khân păng rgăn ntŭk dak krong suăt gay ran mâp phung tâm ngih hađăch jêh ri ƀư lĕ moh ndơ hađăch ŭch. Dôl hađăch ntơm rgăn dak krong Yurdan, Y-Simei, kon bu klâu Y-Gêra, chon mon ta neh tra năp hađăch,

Nau Mprơ Ơm 32:2

Ueh maak ngăn ma bunuyh Brah Yêhôva mâu kơp ôh djơh mhĭk Jêh ri tâm nuih n'hâm mâu geh nau ndơm ôh!

Nau Mprơ Ơm 79:8

Lơi May kah gĭt tay lĕ nau tih mhĭk phung chô yau hên gay ma rmal hên ôh; Ăn nau May yô̆ nđach văch gơnh vơt rom hên, Yorlah hên rêh ni hâu ngăn ngên.

Nơm Nti 10:4

Tơlah nơm chiă uănh hao ji nuih đah may lơi chalơi ôh, Yorlah nau rdơ̆ rbăn dơi der lĕ nau tih toyh jêh.

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Nau Kơp Bunuyh 12:11

Y-Arôn lah ma Y-Môis: “Hơi, kôranh gâp, lơi tâm rmal hên yorlah nau tih hên hŏ ƀư tih tâm nau rluk.

Mathay 27:4

jêh ri lah pô aơ: “Gâp hŏ ƀư tih jêh yor jao mham mâu geh nau tih!” Ƀiălah khân păng plơ̆ lah: “Kan nây moh nau geh đah hên? Nây jêng nau may nơm.”

II Kôrintô 5:19

Nây jêng, tâm Brah Krist, Brah Ndu ăn ma neh ntu geh nau tâm nsĭr đah Păng, mâu hôm kơp nau tih ma kon bunuyh ôh, jêh ri Păng jao ma hên nau mbơh ma nau tâm nsĭr.

I Samuel 22:15

Di lĕ nar aơ gây ntơm ôp jêh ma Brah Ndu yor păng? Mâu geh ƀư pônây ôh! Dăn hađăch lơi đing nau tih nây ma oh mon hađăch mâu lah ma bunuyh êng tâm ngih mbơ̆ gâp ma ăp nau, yorlah oh mon hađăch mâu gĭt du ntil ôh, djê̆ mâu lah âk ma nau nây.”

I Samuel 25:25

Dăn kôranh lơi rkêng tôr tât ta bunuyh janh ƀai nây jêng Y-Nabal, yorlah amoh săk păng tâm di ma păng nơm, jêh ri tâm păng geh nau brŭt rluk. Bi gâp, jêng oh mon bu ur may, mâu tâm mâp đah phung bu klâu kôranh hŏ prơh hăn jêh.

I Samuel 26:21

Rnôk nây, Y-Sôl ngơi: “Gâp geh nau tih! Hơi Y-Đavit, kon gâp, plơ̆ sĭt hom! Gâp mâu mra ƀư mhĭk ma may đŏng ôh, yorlah nar aơ may hŏ uănh yơk nau rêh gâp. Ngăn yơh, gâp hŏ ƀư jêh nau brŭt moih, hŏ ƀư tih toyh ngăn.”