II Samuel 19:17 - Nau Brah Ndu Ngơi 2023

¹⁷ Du rbăn nuyh phung Benjamin hăn ndrel ma păng. Geh đŏng Y-Siba, oh mon tâm ngih Y-Sôl, ndrel ma jât mprăm nuyh kon bu klâu păng jêh ri bar jât nuyh phung oh mon, khân păng hăn ndal tât ta dak krong Yurdan lor panăp hađăch.

II Samuel 19:17 Iomraidhean Croise

II Samuel 16:5

Tơlah hađăch Đavit tât ma ƀon Bahurim, geh du huê bunuyh bơh băl mpôl ngih Y-Sôl văch tât, amoh Y-Simei, kon bu klâu Y-Gêra, hăn văch tă bơh ntŭk nây. Păng rak rtăp nkre hăn.

II Samuel 19:18

Khân păng rgăn ntŭk dak krong suăt gay ran mâp phung tâm ngih hađăch jêh ri ƀư lĕ moh ndơ hađăch ŭch. Dôl hađăch ntơm rgăn dak krong Yurdan, Y-Simei, kon bu klâu Y-Gêra, chon mon ta neh tra năp hađăch,

II Samuel 3:16

Sai păng hăn ndrel ma păng, nhĭm ma păng du njăr trong, tĭng tât ta Bahurim. Dôl nây, Y-Apner lah ma păng: “Hăn sĭt hom ngih may!” Y-Paltiêl plơ̆ sĭt.

II Samuel 9:10

Pôri, ăn may ndrel ma phung kon bu klâu jêh ri oh mon may jik kai mir nây ma păng, jêh nây sŏk play kao gay ma kon sau kôranh may dơi geh ndơ sông sa. Bi Y-Mêphibôset, kon sau kôranh may, mra sông sa mro ta sưng sông gâp.” Rnôk nây, Y-Siba geh jât ma prăm nuyh kon bu klâu jêh ri bar jât nuyh oh mon.

II Samuel 9:2

Geh du huê oh mon tâm ngih Y-Sôl, amoh Y-Siba; bu kuăl păng hăn ma Y-Đavit. Hađăch ôp: “May jêng Y-Siba lĕ?” Păng plơ̆ lah: “Di ngăn, gâp aơ, jêng oh mon hađăch.”

I Phung Hađăch 2:8

Rlau ma nây, hôm geh Y-Simei, kon Y-Gêra, bunuyh Benjamin ta Bahurim, jêng nơm hŏ sŏk lĕ nau ngơi janh ƀai gay rak rtăp gâp tâm nar gâp hăn rlet ma Mahanaim. Ƀiălah yorlah păng trŭnh văch tâm mâp đah gâp ta Yurdan, rĭ dĭng gâp sŏk amoh Brah Yêhôva gay sơm ton ma păng pô aơ: ‘Gâp mâu mra nkhĭt ôh may ma đao.’