II Samuel 19:13 - Nau Brah Ndu Ngơi 2023

¹³ Khân may tâm ban lĕ lah hom ma Y-Amasa pô aơ: ‘Mâu di hĕ may jêng nting gâp jêh ri nglay săk gâp? Tơlah ntơm aƀaơ rlet panăp, may mâu ƀư kôranh ma phung tahan gâp ntrok ma Y-Jôap, dăn Brah Ndu rmal ma gâp jâk ngăn.’”

II Samuel 19:13 Iomraidhean Croise

Nau Ntơm 29:14

Y-Laban lah: “Di ngăn mon jêng noi deh du mham đah gâp.” Y-Yakôb gŭ ndrel ma păng du khay.

II Samuel 17:25

Y-Apsalôm dơm njêng Y-Amasa jêng kôranh ma phung tahan ntrok Y-Jôap. Y-Amasa jêng du huê kon bu klâu du huê bunuyh Israel amoh Y-Itra, jêng bunuyh hŏ gŭ nsum đah H'Abigêl, kon bu ur Y-Nahas, jêh ri yuh H'Sêruya, mê̆ Y-Jôap.

II Samuel 18:11

Y-Jôap lah ma nơm mbơh: “Moh nau! May hŏ saơ păng? Mâm ƀư may mâu sreh păng tŭp ta neh? Lah pônây, gâp mra nkhôm ma may jât glo prăk jêh ri du njăr rse vân bŭt.”

II Samuel 20:4

Jêh ta nây, hađăch lah ma Y-Amasa: “Tâm pe nar, kuăl hom tâm rƀŭn ma gâp phung tahan Yuđa, jêh ri may nơm văch ta aơ tâm ban lĕ.”

II Samuel 3:27

Tơlah Y-Apner plơ̆ đŏng tât jêh ta Hêbron, Y-Jôap djôt leo păng êng ta mpông ƀon, nâm bu ŭch nkoch bri đah păng ma nau kan ndâp. Ta nây, Y-Jôap ntâp ta ndŭl Y-Apner, jêh ri nkhĭt lơi păng gay mplơ̆ rnon mham oh Y-Apner jêng Y-Asahel.

II Samuel 5:1

Rnôk nây, lĕ rngôch ndŭl mpôl Israel văch tât ma Y-Đavit ta Hêbron, jêh ri lah: “Hên jêng noi deh du mham đah hađăch.

II Samuel 8:16

Y-Jôap, kon H'Sêruya, jêng kôranh toyh ma lĕ rngôch phung tahan; Y-Jêhôsaphat, kon Y-Ahilut, jêng kôranh kâp nchih samƀŭt prăp nau tât;

I Phung Hađăch 19:2

H'Jêsêbel prơh du huê bunuyh hăn mâp Y-Êli jêh ri lah: “Tơlah ta mông aơ tâm nar ôi taơ, gâp mâu geh ƀư ôh ma nau rêh may nâm bu nau rêh du huê tâm phung kôranh nơm may hŏ nkhĭt, dăn phung brah rmal gâp jâk ngăn.”

I Nau Rêh Jêng 12:18

Nôk nây, Huêng Brah nkŭm Y-Amasai, jêng kôranh ma phung pe jât bunuyh nây, ƀư ăn ma păng lah: “Hơi Y-Đavit, hên jêng phung may; Hơi kon bu klâu Y-Yêsê, hên gŭ mpeh ma may! Nau đăp mpăn, nau đăp mpăn ma may; Nau đăp mpăn ma phung kơl may! Yorlah Brah Ndu may kơl may!” Pônây Y-Đavit rom khân păng jêh ri njêng khân păng chiă uănh ma phung tahan păng.

Bu ur Rut 1:17

Ta moh ntŭk mê̆ khĭt, gâp ŭch khĭt đŏng Jêh ri bu tâp gâp ta ntŭk nây. Knŏng nau khĭt dơm, Lah geh nau êng ƀư ăn gâp tâm nkhah mê̆, Dăn Brah Yêhôva ăn nau tât ta gâp!”