II Samuel 19:10 - Nau Brah Ndu Ngơi 2023

¹⁰ Bi Y-Apsalôm, nơm he tŏ jêh dak ƀâu kah ăn jêng hađăch he, păng khĭt jêh tâm nau tâm lơh. Yor nây aƀaơ, mâm ƀư khân may mâu ngơi ôh du nau gay njŭn hađăch sĭt?”

II Samuel 19:10 Iomraidhean Croise

II Samuel 15:14

Yor ri, Y-Đavit lah ma lĕ rngôch phung oh mon păng gŭ n'hanh păng ta ƀon Yêrusalem: “Dâk hom, he nchuăt du ro. Tơlah mâu du ôh, he mâu mra klaih ôh bơh Y-Apsalôm. Hăn hom gơnh luh bơh aơ, klach lah păng mra ban, ƀư mhĭk ma he jêh ri dŏng đao ƀư rai phung ƀon lan tâm ƀon.”

II Samuel 15:16

Pônây, hađăch luh hăn jêh ri lĕ rngôch bunuyh ta ngih hađăch hăn ndrel. Ƀiălah hađăch ăn gŭ jât nuyh ur yông gay mât chăm ngih hađăch.

II Samuel 18:14

Y-Jôap lah: “Gâp mâu hôm geh mông ma may kơt nĕ ôh.” Jêh nây păng sŏk pe mlâm tak tâm ti, hăn tât ntâp tâm play nuih Y-Apsalôm dôl păng hôm rêh jêh ri yông ta klơ tơm n'ho.

II Samuel 19:11

Hađăch Đavit njuăl nơm mbơh ma phung kôranh ƀư brah Y-Sadôk jêh ri Y-Abiathar: “Ôp hom ma phung bu ranh Yuđa pô aơ: ‘Mâm ƀư khân may jêng phung nglĕ dŭt njŭn leo hađăch sĭt ma ngih păng, nôk tâm nchră ma nau nây tâm lam phung Israel hŏ tăng tât ta tôr hađăch?

II Samuel 19:40

Bơh nĕ, hađăch hăn tât ma ƀon Gilgal, geh Y-Chimham hăn ndrel ma păng. Lĕ rngôch phung ƀon lan Yuđa jêh ri du n'gul phung ƀon lan Israel hŏ njŭn hađăch hăn.

II Samuel 19:9

Tâm lĕ rngôch phung ndŭl mpôl Israel, bu nchră ndrăng khân păng pô aơ: “Hađăch tâm rklaih jêh he bơh ti phung rlăng, jêh ri păng rklaih jêh he bơh ti phung Philistin. Ƀiălah aƀaơ, păng du jêh bơh bri dak yor Y-Apsalôm.

Ndrom Samƀŭt bơh Ôsê 8:4

Khân păng hŏ njêng hađăch mâu geh tă bơh Gâp, Săch phung kôranh chiă uănh ƀiălah Gâp mâu gĭt ôh. Khân păng sŏk prăk mah khân păng ƀư rup brah Gay ma bu ƀư rai khân păng.

Phung Kôranh Phat Dôih 18:9

Prăm bunuyh nây plơ̆ lah: “He hăn hom tâm lơh đah khân păng, yorlah hên saơ bri nây ueh ngăn. Aơ! Mâm khân may gŭ dơm? Lơi mbrĕ mbrơi ôh, hăn hom pit sŏk bri nây.