II Samuel 18:2 - Nau Brah Ndu Ngơi 2023

² Y-Đavit prơh hăn phung tahan, du kô̆ tâm pe Y-Jôap mât uănh, du kô̆ tâm pe Y-Abisai, kon bu klâu H'Sêruya, oh Y-Jôap mât uănh, du kô̆ tâm pe Y-Itai bu klâu Gitit mât gai. Jêh ri hađăch lah ma phung tahan, “Gâp nơm tâm ban lĕ mra hăn ndrel ma khân may.”

II Samuel 18:2 Iomraidhean Croise

II Samuel 17:11

Pôri, gâp nchră kơt aơ: Ăn lĕ rngôch phung Israel tâm rgum ndrel may, ntơm bơh Dan tât ta Bêr-Sêba, jêng âk nâm bu choih tâm dak mƀŭt, jêh nây may nơm mra leo phung tahan păng hăn ma nau tâm lơh.

II Samuel 21:17

Ƀiălah Y-Abisai, kon H'Sêruya, hŏ văch kơl hađăch, lơh bu klâu Philistin, jêh ri nkhĭt păng. Ntơm bơh nây, phung tahan Y-Đavit sơm ton jêh ri lah ma hađăch: “May mâu mra hôm hăn nau tâm lơh ndrel hên, om ŭnh kađen Israel mâu geh ôh nhhât.”

II Samuel 23:18

Y-Abisai, oh Y-Jôap, kon H'Sêruya, jêng kôranh chiă uănh ma mpôl “pe jât”. Păng nơm hŏ rjăng tak lơh jêh ri nkhĭt pe rhiăng nuyh, jêh ri geh nau lư n'găr tâm pe tahan janh ktang nây.

II Samuel 8:16

Y-Jôap, kon H'Sêruya, jêng kôranh toyh ma lĕ rngôch phung tahan; Y-Jêhôsaphat, kon Y-Ahilut, jêng kôranh kâp nchih samƀŭt prăp nau tât;

I Phung Hađăch 2:28

Tơlah tăng nau nkoch aơ, Y-Jôap du krap ro ta Ngih Bok Brah Yêhôva jêh ri kuăn ta lĕ nke nơng ƀư brah, yorlah Y-Jôap hŏ hăn tĭng mpeh Y-Adônija, nđâp lah păng mâu hăn tĭng mpeh Y-Apsalôm.

Nau Mprơ Ơm 3:6

Gâp mâu mra klach ôh ma âk rbăn bunuyh Nchueng jŭm gâp puăn mpeh.

Phung Kôranh Phat Dôih 7:16

Păng tâm pă pe rhiăng nuyh nây jêng pe phung, păng ăn nŭng, jêh ri yăng nsoih ndrel ma ŭnh chai tâm yăng ma ăp nơm.

Phung Kôranh Phat Dôih 7:19

Y-Gidêôn jêh ri du rhiăng tahan hăn ndrel ma păng tât ta bôk rmlak tahan dôl klong măng, nôk tâm rgâl phung gak. Khân păng uh nŭng, jêh nây mbang nchah yăng khân păng djôt tâm ti.

Phung Kôranh Phat Dôih 9:43

Păng njŭn leo phung tahan păng, tâm pă jêng pe phung jêh ri gŭ kâp dâp ta mir. Dôl saơ phung ƀon lan hăn luh tă bơh ƀon toyh, păng dâk ro jêh ri rduh lơh khân păng.

I Samuel 11:11

Ang ôi taơ, Y-Sôl tâm pă phung ƀon lan jêng pe phung, dôl dăch luh nar, rduh lăp ta nklang pôih tahan jêh ri nkhĭt phung Ammôn tât nklang bôk nar. Phung hôm e nchuăt du pru pra, pôri mâu geh ôh tâm phung khân păng hôm gŭ ndrel bar hê.