II Samuel 18:19 - Nau Brah Ndu Ngơi 2023

¹⁹ Y-Ahimas, kon bu klâu Y-Sadôk, lah: “Ăn gâp nchuăt mbơh nau maak ma hađăch pô aơ Brah Yêhôva tâm rklaih jêh hađăch tă bơh ti phung rlăng păng.”

II Samuel 18:19 Iomraidhean Croise

II Samuel 15:27

Hađăch lah tâm ban lĕ lah ma kôranh ƀư brah Y-Sadôk: “Pônây, plơ̆ sĭt hom ma ƀon ma nau đăp mpăn, ndrel ma bar hê kon bu klâu khân may: Y-Ahimas, kon may, jêh ri Y-Jônathan, kon Y-Abiathar.

II Samuel 15:36

Bar hê kon bu klâu khân păng jêng Y-Ahimas, kon bu klâu Y-Sadôk, jêh ri Y-Jônathan, kon bu klâu Y-Abiathar, hôm gŭ ndrel khân păng ta nây. May mra njuăl khân păng mbơh ma gâp lĕ nau may mra tăng.”

II Samuel 17:17

Y-Jônathan jêh ri Y-Ahimas gŭ kâp ma nau mhe ta Ên-Rôgel, khân păng mâu hăn lăp tâm ƀon yorlah klach bu saơ. Du huê oh mon bu ur hăn văch mbơh ma bar hê ăn khân păng gay khân păng mbơh tay ma hađăch Đavit.

II Samuel 18:20

Ƀiălah Y-Jôap lah: “Nar aơ, may mâu di jêng bunuyh mbơh nau răm maak. May mra mbơh nau răm maak tâm du nar êng, ƀiălah nar aơ mâu jêng ueh ôh, yorlah kon bu klâu hađăch lĕ khĭt jêh.”

II Samuel 18:23

Y-Ahimas lah: “Kđôi lĕ moh nau tât, dăn ăn gâp nchuăt.” Y-Jôap lah ma păng: “Nchuăt hom.” Pôri, Y-Ahimas nchuăt tĭng trong neh lâng jêh ri păng rlet Y-Kus.

II Samuel 18:31

Aơ, Y-Kus tât đŏng jêh ri lah: “Dăn hađăch jêng kôranh gâp tăng nau ueh aơ. Nar aơ, Brah Yêhôva tâm rklaih jêh may tă bơh ti lĕ rngôch phung dâk tâm rdâng đah may.”

Nau Mprơ Ơm 10:14

Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Mprơ Ơm 10:18

Gay ƀư nau di ma phung kon đơi jêh ri phung bu tŭn jot, Ƀư ăn kon bunuyh ơm tă bơh ndruyh neh, mâu hôm klach đŏng ôh.

Nau Mprơ Ơm 7:6

Ơ Brah Yêhôva, dăn dâk hom jêh ri ji nuih; Dăn tâm rdâng đah nau ji nuih ma phung rlăng gâp. Kah rngăl hom jêh ri kơl gâp; May hŏ nal jêh nau phat dôih.

Nau Mprơ Ơm 9:16

Brah Yêhôva tâm mpơl êng Păng Nơm rgăn đah nau di; Phung mhĭk geh dăk yor ti khân păng nơm sân jêh. (Higaiôn. Sêla)

Nau Mprơ Ơm 9:4

Yorlah Kôranh Brah koh dŏng nau dơi geh di ma gâp; Kôranh Brah gŭ ta klơ sưng hađăch jêh ri phat dôih ma nau sŏng.

Yêrêmi 51:31

Tahan gak rmlak aơ tâm mâp ma rmlak ri, Lĕ nơm ntuh bâr aơ tât ma nơm ntuh bâr êng, Mbơh nau ăn ma hađăch Babilôn pô aơ Ƀon hađăch nây rai lĕ rngôch jêh.

Samƀŭt Pôl Njuăl Ăn Ma Phung Nsing Ta Ƀon Rôm 12:19

Hơi phung oh nâu gâp rŏng ơi, Lơi ta khân may lơi plơng bu, ƀiălah ăn ma nau Brah Ndu ji nuih; yorlah geh nau Kôranh Brah lah jêh: “Nau plơng bôk jêng nau Gâp. Gâp mra plơng bôk.”