II Samuel 18:14 - Nau Brah Ndu Ngơi 2023

¹⁴ Y-Jôap lah: “Gâp mâu hôm geh mông ma may kơt nĕ ôh.” Jêh nây păng sŏk pe mlâm tak tâm ti, hăn tât ntâp tâm play nuih Y-Apsalôm dôl păng hôm rêh jêh ri yông ta klơ tơm n'ho.

II Samuel 18:14 Iomraidhean Croise

II Samuel 12:10

Aƀaơ, yorlah may mưch rmot Gâp, jêh ri ntŭng ur Y-Uri, bunuyh Hitit, njêng ur may, pôri đao mâu mra rlu ôh ƀư roh-rai tât ma ngih may.’

II Samuel 14:30

Yor ri, Y-Apsalôm lah ma phung oh mon păng: “Uănh hom, mir Y-Jôap êp kêng mir gâp, păng tăm ba ôrgơ ta nây. Hăn hom su lơi mir nây ma ŭnh.” Phung oh mon Y-Apsalôm hăn su ro mir nây ma ŭnh.

II Samuel 18:15

Jât phung ndăm djôt ndơ tâm lơh Y-Jôap gŭ jŭm jêh ri lơh khĭt Y-Apsalôm.

II Samuel 18:5

Hađăch ntĭnh ma Y-Jôap, ma Y-Abisai, jêh ri ma Y-Itai: “Yor ma gâp, ăn khân may ƀư ma nau rdơ̆ ma nơm ndăm Y-Apsalôm.” Lĕ rngôch phung tahan iăt nau hađăch ntĭnh ma lĕ rngôch phung kôranh chiă uănh tahan nau ƀư ma Y-Apsalôm.

II Samuel 19:1

Bu hăn nkoch ma Y-Jôap: “Aơ, hađăch nhĭm vơl jêh ri klâng ndrê yor Y-Apsalôm khĭt.”

II Samuel 19:11

Hađăch Đavit njuăl nơm mbơh ma phung kôranh ƀư brah Y-Sadôk jêh ri Y-Abiathar: “Ôp hom ma phung bu ranh Yuđa pô aơ: ‘Mâm ƀư khân may jêng phung nglĕ dŭt njŭn leo hađăch sĭt ma ngih păng, nôk tâm nchră ma nau nây tâm lam phung Israel hŏ tăng tât ta tôr hađăch?

Ndrom Samƀŭt bơh Yôp 20:5

Nau dơi phung ƀai jêng gleh dơm, Jêh ri nau răm maak phung mâu chroh knŏng ƀât lât?

Nau Mprơ Ơm 37:35

Gâp mâp saơ phung mhĭk geh nau ktang toyh, Jêng toyh tâm ban ma tơm si jŏ năm ndrêh ueh.

Nau Mprơ Ơm 45:5

Lĕ hăr mplanh may Ntâp bluh ta play nuih phung rlăng may; Phung ƀon lan prah tâm dâng jâng may da dê.

Mathay 12:40

Yorlah nâm bu Y-Yôna gŭ tâm ndŭl ka toyh pe nar pe măng, pônây lĕ, Kon Bunuyh mra gŭ tâm trôm neh pe nar pe măng.

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.

Phung Kôranh Phat Dôih 4:21

Dôl nây Y-Sisêra lêt bê̆ch yorlah rgănh ngăn. H'Jael, ur Y-Hêber, sŏk du mlâm mâng n'gâng ngih, ti păng djôt me nôp, hăn djoch tât êp păng jêh ri pâng mâng n'gâng nây rho ndăr kleng păng, tât ta neh jêh ri păng khĭt.

Phung Kôranh Phat Dôih 5:26

Du đah ti bu ur nây djôt du mlâm n'gâng ngih bok, Bi ti ma djôt me nôp nơm chiăr. Bu ur nây dong jêh Y-Sisêra, Dong nchah bôk păng, Ƀư nchah bôk jêh ri ntâp bluh rho ndăr kleng păng.

Phung Kôranh Phat Dôih 5:31

Ơ Brah Yêhôva, mbơh sơm ma lĕ rngôch phung rlăng May rai lôch tâm ban pônây. Bi phung rŏng yơk ma May tâm ban ma luh nar chrat ral!” Jêh nau nây, n'gor geh nau đăp mpăn tâm puăn jât năm.