II Samuel 17:9 - Nau Brah Ndu Ngơi 2023

⁹ Nđâp aƀaơ ri, păng dôl gŭ krap tâm trôm ntu mâu lah tâm ntŭk êng. Tơlah ntơm tâm lơh, geh phung tahan he ƀaƀă chôt khĭt jêh, lĕ rngôch phung tăng mra lah: ‘Mpeh phung Y-Apsalôm lĕ roh rai jêh.’

II Samuel 17:9 Iomraidhean Croise

II Samuel 17:10

Aƀaơ, phung ktang lơn lĕ rngôch, nđâp lah janh ktang nâm bu yau mŭr kđôi, mra phit yor nau klach; yorlah lĕ rngôch phung Israel gĭt jêh ma hađăch mbơ̆ may jêng du huê janh ktang, jêh ri phung gŭ ndrel păng jêng phung janh nănh da dê.

II Samuel 17:8

Y-Husai lah tay: “May gĭt lĕ ma mbơ̆ may jêh ri phung tĭng ndô̆ păng jêng phung tahan janh ktang; khân păng ji nuih nâm bu du mlâm kau tâm bri bu nhŭp ntŭng kon păng. Rlau lơn ma nây, mbơ̆ may jêng du huê tahan vay găn jêh âk nau tât, păng mâu mra bê̆ch măng ndrel ma phung tahan ôh.

Yêrêmi 41:9

Ntu dak Y-Ismaêl, kon bu klâu Y-Nêthania, mƀăr săk phung păng hŏ nkhĭt jêh, jêng ntu dak Y-Gêdalia, nây jêng ntu dak hađăch Asa kuyh jêh gay king ma Y-Baêsa, hađăch Israel. Y-Ismaêl, kon bu klâu Y-Nêthania, hŏ plơ̆ brôi đŏng bêng ma săk jăn khĭt.

Yôsuê 7:5

Phung Ai nkhĭt klăp lah pe jât ma prao bunuyh, tĭng rgot khân păng ntơm bơh mpông ƀon tât ma Sêbarim, jêh ri lơh dôl khân păng nchuăt jŭr sop. Nuih n'hâm phung ƀon lan lĕ nchah rai nâm bu dak.

Yôsuê 8:6

Khân păng mra tĭng phung hên kŏ tât hên ndơm khân păng luh ngai padih ƀon, yorlah khân păng lah pô aơ: ‘Phung nây nchuăt du đah he kơt panăp nơh.’ Dôl hên nchuăt du đah khân păng

I Samuel 22:1

Y-Đavit hăn tă bơh n'gor Gat jêh ri du krap tâm trôm lŭ Adulam. Tơlah phung nâu păng jêh ri lĕ rnăk vâl mbơ̆ păng tăng nau nây, khân păng hăn trŭnh ma păng ta ntŭk nây.

I Samuel 23:22

Hăn hom sek uănh gay gĭt n'hêl nanê̆ rlau lơn ma ntŭk păng gŭ, jêh ri mbu moh lĕ saơ păng ta nây; yorlah bu mbơh ma gâp păng blau plĕch ngăn.

I Samuel 24:3

Y-Sôl djôt leo pe rbăn nuyh tahan săch jêh tâm lĕ rngôch phung Israel, hăn joi gay nhŭp Y-Đavit jêh ri phung tĭng ndô̆ păng ta dor yôk lŭ Be Bri.