II Samuel 17:8 - Nau Brah Ndu Ngơi 2023

⁸ Y-Husai lah tay: “May gĭt lĕ ma mbơ̆ may jêh ri phung tĭng ndô̆ păng jêng phung tahan janh ktang; khân păng ji nuih nâm bu du mlâm kau tâm bri bu nhŭp ntŭng kon păng. Rlau lơn ma nây, mbơ̆ may jêng du huê tahan vay găn jêh âk nau tât, păng mâu mra bê̆ch măng ndrel ma phung tahan ôh.

II Samuel 17:8 Iomraidhean Croise

II Samuel 15:18

Lĕ rngôch oh mon hađăch hăn lor panăp hađăch da dê. Lĕ rngôch phung Chêrêthit, phung Pêlêthit jêh ri prao rhiăng nuyh phung Gitit, hŏ tĭng hađăch bơh ƀon Gat, hăn lor da dê tanăp măt hađăch.

II Samuel 17:9

Nđâp aƀaơ ri, păng dôl gŭ krap tâm trôm ntu mâu lah tâm ntŭk êng. Tơlah ntơm tâm lơh, geh phung tahan he ƀaƀă chôt khĭt jêh, lĕ rngôch phung tăng mra lah: ‘Mpeh phung Y-Apsalôm lĕ roh rai jêh.’

II Samuel 23:16

Rnôk nây, geh pe nuyh janh ktang hăn rgăn pôih tahan phung Philistin, bâk dak tâm ntu dak êp kêng mpông ƀon Ƀêtlêhem, djôt leo ma Y-Đavit. Ƀiălah hađăch mâu ŭch nhêt ôh, ƀiălah păng nkhŭt dak nây nhhơr ma Brah Yêhôva,

II Samuel 23:18

Y-Abisai, oh Y-Jôap, kon H'Sêruya, jêng kôranh chiă uănh ma mpôl “pe jât”. Păng nơm hŏ rjăng tak lơh jêh ri nkhĭt pe rhiăng nuyh, jêh ri geh nau lư n'găr tâm pe tahan janh ktang nây.

II Phung Hađăch 2:24

Păng n'gĭl uănh pakơi jêh ri sŏk amoh Brah Yêhôva gay rak rtăp khân păng. Ta nây ro geh bar mlâm kau me luh tă bơh tâm krŏng, kăp nkhêk puăn jât ma bar nuyh tâm phung kon se ndăm nây.

Nau Hôr 17:12

Ueh lơn bu mâp kau me lĕ bu ntŭng kon Rlau lơn mâp bunuyh rluk dôl păng ƀư nau rluk.

Nau Hôr 28:15

Phung djơh chiă uănh phung ndĭt trơi Tâm ban yau mŭr rđuh ngrông, mâu lah kau hăn tĭng kăp mpa sa.

Êsêkiêl 19:2

jêh ri lah: “Mê̆ may kăl e ri mâm păng jêng? Jêng yau mŭr me gŭ kuen ta nklang phung yau mŭr nkuăng; Gŭ kuen ta nklang phung yau mŭr kon Jêh rong phung kon păng.

Daniel 7:5

Aơ geh du mlâm mpô mpa êng mpơl, mpô mpa rơh bar, tâm ban ma kau, păng gŭ nkêng mpeh du đah, trôm mbung păng glŏm pe gâl nting rpaih ta nklang neng păng. Bu lah ma păng: ‘Dâk hom, sa âk puăch.’

Ndrom Samƀŭt bơh Ôsê 13:8

Gâp mra mpoh khân păng nâm bu kau me roh kon. Gâp mra sa hêk hăch ntang ntơh khân păng Jêh ri mra sa rvăn khân păng ta nây nâm bu yau mŭr; Mpô mpa bri mra hêk săk khân păng jêng hăch rhên.

Phung Kôranh Phat Dôih 18:25

Phung Dan lah ma Y-Mika: “Lơi ăn hên tăng ôh bâr may ta nklang hên, klach lah geh phung ji nuih ma may, jêh nây may jêh ri phung bunuyh tâm ngih may mra roh nau rêh.”

I Samuel 16:18

Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”

I Samuel 17:50

Pônây, Y-Đavit dơi đah bu klâu Philistin ma du găr lŭ klŭp ma na rvĭt, nkhĭt păng mâu ŭch djôt đao tâm ti.

I Samuel 23:23

Khân may sek uănh hom jêh ri joi gay gĭt ăp ntŭk păng du krap, jêh nây plơ̆ sĭt mbơh tay ma gâp ăn di. Nôk nây taơ gâp mra hăn ndrel ma khân may. Tơlah păng gŭ tâm nkual n'gor gâp mra joi păng tâm rnăk vâl phung Yuđa.”