II Samuel 17:20 - Nau Brah Ndu Ngơi 2023

²⁰ Phung oh mon Y-Apsalôm tât ta ngih bu ur nây jêh ri ôp: “Ta ntŭk Y-Ahimas jêh ri Y-Jônathan?” Bu ur nây plơ̆ lah: “Khân păng lĕ rgăn dak n'hor jêh.” Khân păng joi ƀiălah mâu dơi saơ, pôri khân păng plơ̆ sĭt ma ƀon Yêrusalem.

II Samuel 17:20 Iomraidhean Croise

II Samuel 15:34

Ƀiălah tơlah may plơ̆ sĭt ma ƀon jêh ri lah ma Y-Apsalôm pô aơ: ‘Hơi hađăch, gâp jêng oh mon may. Kăl e, gâp jêng oh mon ma hađăch mbơ̆ may, aƀaơ aơ gâp mra jêng oh mon ma may’. Pônây, may gŭ mpeh ma gâp ƀư roh lơi nau nchră Y-Ahitôpel.

Nau Ngluh Êjipt 1:19

Phung bu ur mât deh plơ̆ lah ma Pharaôn: “Yorlah phung bu ur Hêbrơ mâu jêng tâm ban phung bu ur Êjipt ôh. Khân păng dăng ngăn, hŏ deh lor jêh dôl bu ur mât deh ê tât.”

Kan Lêvi 19:11

Khân may mâu dơi ntŭng ôh, mâu lĕ dơi ngơi nchơt jêh ri mƀruh ndrăng he.

Phung Kôranh Phat Dôih 4:20

Păng lah tay ma bu ur nây: “Gŭ hom ta mpông ngih bok, tơlah mbu văch tât ôp pô aơ: ‘Geh bunuyh lăp ta aơ lĕ?’ ay plơ̆ lah: ‘Mâu geh ôh.’”

I Samuel 21:2

Y-Đavit plơ̆ lah ma kôranh ƀư brah Y-Ahimalek: “Hađăch prơh gâp hăn geh du ntil kan jêh ri ntĭnh pô aơ: ‘Lơi ăn du huê bunuyh gĭt ôh ma nau gâp prơh may hăn, lơi ăn mbu gĭt nau gâp ntăm jêh ma may.’ Gâp hŏ tâm nal jêh mra tâm mâp đah phung bu klâu ndăm ta du ntŭk ri.