II Samuel 17:2 - Nau Brah Ndu Ngơi 2023

² Gâp mra hăn rduh ran păng dôl păng rgănh, rdja nuih, jêh ri mra nhhu nkrit păng; lĕ rngôch phung tĭng păng mra nchuăt du, jêh ri gâp mra nkhĭt knŏng du huê hađăch.

II Samuel 17:2 Iomraidhean Croise

II Samuel 16:14

Nôk hađăch jêh ri lĕ rngôch phung hăn ndrel ma păng tât ta dak krong Yurdan lĕ rgănh jêh, jêh ri hađăch gŭ mpăn suan ta nây.

II Samuel 17:1

Y-Ahitôpel lah tay ma Y-Apsalôm: “Ăn gâp săch du rmưn bar rbăn nuyh tahan, jêh ri gâp mra ăn khân păng tĭng Y-Đavit măng aơ ro.

I Phung Hađăch 22:31

Nôk nây, hađăch Aram hŏ ntĭnh jêh ma phung pe jât ma bar nuyh kôranh chiă uănh tahan ƀĭt ndeh seh pô aơ: “Khân may lơi tâm lơh ôh đah bu, nđâp lah phung jê̆ mâu lah phung toyh, ƀiălah knŏng hăn lơh du huê hađăch Israel dơm.”

Nêhêmi 4:5

Lơi ta nkŭm nking nau djơh mhĭk khân păng mâu lah jut lơi nau tih khân păng tă bơh tanăp măt Kôranh Brah, yorlah khân păng hŏ nsônh nau ji nuih Kôranh Brah tanăp măt ma phung ndâk nkra.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Mathay 21:38

Ƀiălah tơlah phung tăm krăk ƀâu saơ kon bu klâu păng, phung nây tâm nchră ndrăng khân păng nơm: ‘Aơ jêng nơm ndơn drăp. Kay lŏng, nkhĭt lơi hom păng jêh ri sŏk drăp ndơ păng.’

Mathay 26:31

Nôk nây, Brah Yêsu lah ma khân păng pô aơ: “Măng aơ lĕ rngôch khân may mra cha lôt yor Gâp, tâm ban geh nchih pô aơ: ‘Gâp mra lơh bunuyh rmăk biăp, Jêh ri biăp tâm phung biăp mra nchah rai pru pra.’

Yôhan 11:50

Khân may mâu gĭt vâl pô aơ, ueh lơn du huê bunuyh khĭt ntrok an ma phung ƀon lan, đah nau ƀư rai tât ma lĕ phung ƀon lan.”

Nau Vay Nkah Tay 25:18

Yorlah khân păng mâu klach yơk ma Brah Ndu, rĭ dĭng khân păng hăn chuă jêh ri tâm lơh đah phung tĭng groi pakơi khân may ta rŏ trong, dôl khân may lĕ huăr jêh ri rgănh.