II Samuel 16:23 - Nau Brah Ndu Ngơi 2023

²³ Tâm rnôk nây, bu saơ nau Y-Ahitôpel nchră jêng nâm bu nau ngơi tă luh bơh Brah Ndu nơm. Lĕ rngôch nau nchră Y-Ahitôpel geh nau khlay tâm ban ma Y-Đavit nđâp Y-Apsalôm.

II Samuel 16:23 Iomraidhean Croise

II Samuel 15:12

Dôl Y-Apsalôm nhhơr mpa ƀư brah, păng prơh bu hăn jă Y-Ahitôpel, bunuyh Gilô, jêng nơm nchră ma Y-Đavit, văch bơh Gilô. Nau tâm rdâng nây lơ hâu ktang lơn, jêh ri rnoh bunuyh phung ƀon lan tĭng ndô̆ Y-Apsalôm jêng lơ hâu âk.

II Samuel 15:31

Bu mbơh ma Y-Đavit: “Y-Ahitôpel đŏng gŭ tâm phung tâm nchră ndrel ma Y-Apsalôm.” Y-Đavit mbơh sơm: “Ơ Brah Yêhôva! Dăn ƀư ma tâm nchră kan Y-Ahitôpel jêng nau rluk.”

II Samuel 17:1

Y-Ahitôpel lah tay ma Y-Apsalôm: “Ăn gâp săch du rmưn bar rbăn nuyh tahan, jêh ri gâp mra ăn khân păng tĭng Y-Đavit măng aơ ro.

II Samuel 17:14

Y-Apsalôm jêh ri lĕ rngôch phung Israel lah da dê: “Nau nchră Y-Husai, bunuyh Arkit, jêng ueh lơn ma nau nchră Y-Ahitôpel.” Yorlah Brah Yêhôva hŏ nal jêh ŭch ƀư roh nau nchră Y-Ahitôpel, gay ăn nau mhĭk tât ma Y-Apsalôm.

II Samuel 17:23

Tơlah Y-Ahitôpel saơ bu mâu ƀư tĭng nau nchră păng, păng dăp ưn seh bri păng hăn trong plơ̆ sĭt ma ngih păng tâm ƀon păng nơm. Jêh păng ƀư lôch lĕ kan ma ngih vâl păng, păng nkhĭt săk nơm. Bu tâp păng tâm môch mbơ̆ păng.

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Ndrom Samƀŭt bơh Yôp 5:12

Păng ƀư rai lơi nau ndơm bơh phung blau plĕch, Ƀư ăn ti khân păng kan mâu dơi lôch.

Nau Mprơ Ơm 19:7

Nau vay Brah Yêhôva jêng nŭm rĭng, Ntop nau rêh tâm huêng Nau ntĭnh bơh Brah Yêhôva jêng nanê̆, Ƀư ma phung rluk mâl jêng blau mĭn.

Nau Mprơ Ơm 28:2

Tơlah gâp yơr ti rle mpeh ma ntŭk dĭ kloh ueh Kôranh Brah Gay dăn ma May, Dăn iăt hom bâr gâp kuăl vah vơl.

Nơm Nti 10:1

Rhuay khĭt ƀư ôm dak ƀâu kah ma nơm njêng dak ƀâu kah, Du djê̆ nau nkhơng brŭt rluk ƀư roh lĕ nau blau mĭn jêh ri lư n'găr.

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Yêrêmi 8:9

Phung blau mĭn mra prêng, Roh nau duh nđơr jêh ri geh dăk. Khân păng hŏ chalơi nau Brah Yêhôva, Mâm hôm dơi blau mĭn đŏng?

Nau Kơp Bunuyh 27:21

Ăn Y-Yôsuê tâm mâp ma kôranh ƀư brah Y-Êlêasar jêh ri yor Y-Yôsuê kôranh ƀư brah mra joi gĭt nau mĭn Brah Yêhôva ma ôp Urim tanăp măt Brah Yêhôva. Tĭng nâm nau ntăm Y-Êlêasar, Y-Yôsuê nđâp lĕ rngôch phung tâm rƀŭn mra hăn luh jêh ri hăn lăp.”

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Luka 16:8

Kôranh păng tâm rnê ma bunuyh mât uănh ngih kue nây ƀư blau gĭt mĭn ngăn kơt nây. Yorlah phung kon rnôk aơ blau rlau lơn phung kon nau ang tâm nau gŭ ngao ma phung băl khân păng.

Samƀŭt Pôl Njuăl Ăn Ma Phung Nsing Ta Ƀon Rôm 1:22

Khân păng êng mbơh khân păng nơm jêng blau mĭn, ƀiălah plơ̆ jêng brŭt rluk.

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.

I Samuel 30:8

Y-Đavit ôp ma Brah Yêhôva: “Gâp mra hăn tĭng phung tahan nây lĕ? Gâp mra tĭng ban lĕ khân păng?” Brah Yêhôva lah: “Hăn tĭng hom khân păng, nanê̆ ngăn may mra ban, jêh ri rklaih lĕ phung bu nhŭp.”