II Samuel 16:21 - Nau Brah Ndu Ngơi 2023

²¹ Y-Ahitôpel lah ma Y-Apsalôm: “Hađăch hăn văch hom lăp gŭ ndrel phung ur yông mbơ̆ may, phung păng mât mray ngih hađăch. Tơlah phung Israel gĭt may hŏ tâm rmot jêh ma mbơ̆ may nây; pôri lĕ rngôch phung gŭ n'hanh may lơ jêng ktang lơn.”

II Samuel 16:21 Iomraidhean Croise

Nau Ntơm 34:30

Y-Yakôb lah ma Y-Simêôn jêh ri Y-Lêvi: “Khân may ƀư nau uh ah tât ma gâp, ƀư ma phung bunuyh ƀon lan n'gor aơ, phung Kanaan jêh ri phung Pêrisit, mưch rmot ma gâp. Gâp knŏng geh djê̆ bunuyh, tơlah khân păng tâm rnglăp ndrel gay tâm rdâng jêh ri tâm lơh đah gâp, gâp jêh ri lĕ ngih gâp ro mra rai.”

Nau Ntơm 35:22

Tâm rnôk Y-Israel gŭ ta n'gor nây, Y-Ruben hăn bê̆ch ndrel ma H'Bilha, ur yông mbơ̆ păng. Y-Israel tăng nau nây.

Nau Ntơm 38:16

Y-Yuđa hăn prot ta păng ta pĭt trong jêh ri lah: “Ăn gâp gŭ ndrel ay,” yorlah păng mâu gĭt ôh nơm nây jêng ƀăn păng nơm. Bu ur nây ôp: “Moh ndơ may mra ăn gâp lah may tât gŭ ndrel ma gâp?”

Nau Ntơm 6:4

Tâm rnôk nây jêh ri pakơi taơ geh phung dŭt toyh luh klơ neh, yorlah kon bu klâu Brah Ndu gŭ ndrel kon bu ur kon bunuyh jêh nây khân păng deh kon. Nây jêng phung bunuyh janh ktang tâm rnôk kăl e, jêng phung lư n'găr.

II Samuel 10:6

Tơlah phung Ammôn saơ ma khân păng nơm lĕ phung Y-Đavit tâm rmot, khân păng prơh phung tahan hăn lơh nkhôm klăp lah bar rmưn nuyh tahan hăn jâng bơh phung Aram ta Bêt-Rêhôp jêh ri ta Sôba, du rbăn nuyh bơh hađăch phung Maka jêh ri du rmưn bar rbăn nuyh bơh n'gor bri Tôp.

II Samuel 12:11

Pô aơ Brah Yêhôva lah: ‘Aơ, tă bơh ngih may nơm, Gâp mra ƀư ăn nau mhĭk tât ma may. Gâp mra nhŭp phung ur may tanăp măt may jêh ri jao khân păng ma nơm chiau meng may, păng mra bê̆ch ndrel đah phung ur may ta nôk nar.

II Samuel 13:5

Y-Jêhônadap lah ma păng: “Kon bu klâu hađăch lâng bê̆ch hom ta klơ sưng bê̆ch, jan săk ji. Jêh nây tơlah mbơ̆ may hăn chop khâl, lah hom ma păng: ‘Dăn mbơ̆ ăn ma H'Tamar, oh bu ur gâp, văch nkra ndơ sông sa nhêt ma gâp. Oh gâp mra ndrăp ndơ sông sa ra năp măt gâp, gay gâp dơi saơ, jêh ri sŏk sa tă bơh ti păng.’”

II Samuel 15:16

Pônây, hađăch luh hăn jêh ri lĕ rngôch bunuyh ta ngih hađăch hăn ndrel. Ƀiălah hađăch ăn gŭ jât nuyh ur yông gay mât chăm ngih hađăch.

II Samuel 16:20

Y-Apsalôm lah ma Y-Ahitôpel: “Khân may nchră hom joi moh nau he mra ƀư?”

II Samuel 17:7

Y-Husai lah ma Y-Apsalôm: “Rơh aơ, nau Y-Ahitôpel nchră mâu ueh ôh.”

II Samuel 2:7

Ăn ti khân may jêng ktang, mpơl hom khân may jêng phung nanh janh; yorlah Y-Sôl, kôranh khân may lĕ khĭt jêh, ƀiălah ngih Yuđa hŏ tŏ dak ƀâu kah ta gâp ăn jêng hađăch ma khân păng.”

II Samuel 20:3

Tơlah Y-Đavit plơ̆ sĭt tât ma ngih hađăch ta ƀon Yêrusalem; jêh ri hađăch sŏk jât nuyh ur yông păng hŏ ăn mât mray ngih hađăch, ăn ma khân păng gŭ krŭng tâm du ngih êng geh tahan kâp njrăng. Hađăch ăn ndơ sông sa ma khân păng dŏng, ƀiălah mâu hăn tât ôh ma khân păng. Tâm ban pônây, bu krŭng khân păng, gŭ rêh nâm bu bunuyh ndrô kŏ tât nar khân păng khĭt.

I Phung Hađăch 11:25

Lĕ du rnôk rô̆ Y-Salômôn, Y-Rêson tâm rdâng mro đah phung Israel, ƀư âk nau mhĭk tâm ban Y-Hadat ƀư jêh. Tơlah ƀư hađăch ta Aram, Y-Rêson tâm rmot ngăn ma phung Israel.

I Phung Hađăch 2:17

Y-Adônija ngơi: “Dăn ma ay sâm ngơi an ma Hađăch Salômôn — yorlah hađăch mâu mra dun moh nau ma ay — dăn hađăch ăn ma gâp H'Abisak, bunuyh Sunamit, jêng ur gâp.”

I Phung Hađăch 2:22

Ƀiălah hađăch Salômôn plơ̆ lah ma mê̆: “Mâm ƀư mê̆ dăn ăn H'Abisak, bunuyh Sunamit, ma Y-Adônija? Mâm dĭng ay mâu dăn ƀon bri hađăch aơ ăn ma păng, yorlah păng jêng nâu gâp! Mâm dĭng ay mâu dăn ăn păng kôranh ƀư brah Y-Abiathar jêh ri Y-Jôap, phung kon bu klâu H'Sêruya ma păng!”

Kan Lêvi 18:8

Lơi bê̆ch nsum đah ăp ur mbơ̆ may; yor ƀư kơt nây jêng bêk prêng ma mbơ̆ may.

Kan Lêvi 20:11

Tơlah mbu nơm bê̆ch ndrel đah ur mbơ̆ păng nơm, jêng hŏ ƀư bêk mbơ̆ păng, lĕ khân păng bar hê bu mra nkhĭt lơi, mham khân păng mra nkhŭt tay ta khân păng nơm.

Sakari 8:13

Hơi ngih Yuđa jêh ri Israel! Mâm jêng nau bu rak rtăp khân may tâm ăp bri dak, pôri Gâp mra tâm rklaih khân may, jêh ri ƀư ma khân may mra jêng du nau ueh uĭn tâm ban lĕ. Lơi klach ôh, ƀiălah ƀư hom ti khân may ăn jêng dăng!”

I Kôrintô 5:1

Geh nau bu nkoch tâm phung khân may geh nau văng tĭr, nau văng tĭr tâm ban pônây bu mâu saơ ôh tâm phung bu năch; yorlah geh nơm hŏ bê̆ch ndrel đah ur yông mbơ̆ păng!

I Samuel 13:4

Pônây, lĕ rngôch phung Israel lĕ gĭt jêh Y-Sôl dơi lơh pôih phung tahan Philistin, jêh ri phung Philistin tâm rmot đah phung Israel. Rnôk nây, bu kuăl phung ƀon lan hăn tĭng Y-Sôl ta Gilgal.

I Samuel 27:12

Yor ri, hađăch Akis nsing ma Y-Đavit, yorlah gŭ mĭn: “Păng ƀư ma păng nơm jêng ndơ tâm rmot ngăn đah phung Israel, jêng phung ƀon lan păng, jêh ri păng mra jêng oh mon gâp mro mrăng.”