II Samuel 16:12 - Nau Brah Ndu Ngơi 2023

¹² Klăp lah Brah Yêhôva mra uănh nau rêh ni gâp, jêh ri mra sŏk nau ueh lăng mplơ̆ sĭt ma gâp ntrok ma nau rak rtăp păng nar aơ.”

II Samuel 16:12 Iomraidhean Croise

II Samuel 16:13

Y-Đavit jêh ri lĕ rngôch phung tahan păng hăn na nau, bi Y-Simei hăn tĭng rŏ pŭng yôk tâm tra đah Y-Đavit. Dôl hăn trong păng rak rtăp ma Y-Đavit jêh ri klŭp Y-Đavit ma lŭ, jêh ri sui ma ndruyh neh.

II Phung Hađăch 19:4

N'hêl nanê̆ Yêhôva Brah Ndu may hŏ tăng jêh lĕ rngôch nau Y-Rabshakeh ngơi jêh ri kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng, jêh ri Yêhôva Brah Ndu may mra rmal ma khân păng yor lĕ nau ngơi Păng hŏ tăng jêh. Yor ri, dăn ma may mbơh sơm hom ma phung hôm klen.’”

Nau Mprơ Ơm 10:14

Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Mprơ Ơm 109:28

Khân păng rak rtăp gâp, ƀiălah May ăn nau ueh uĭn ma gâp. Tơlah khân păng dâk, bu mra ƀư bêk khân păng, Bi ma phung oh mon May mra răm maak.

Nau Mprơ Ơm 132:1

Ơ Brah Yêhôva! Ăn may kah gĭt ma Đavit Ma lĕ nau rêh ni păng anh.

Nau Mprơ Ơm 25:18

Dăn sek uănh nau rêh ni jêh ri nau mhĭk tât gâp Jêh ri yô̆ an ma lĕ rngôch nau tih gâp.

Nau Hôr 25:22

Yorlah nâm bu pônây, may bun sa ônh rnga ta klơ bôk păng, Jêh ri Brah Yêhôva mra nkhôm ma may.

Nau Hôr 26:2

Nâm bu sĭm srai mpăr, nâm bu rlêng mpăr her, Nau rak rtăp mâu geh kô̆ tâm ban lĕ, păng mâu mra tât ôh.

Êsai 27:7

Di hĕ May lơh păng tâm ban ma nơm hŏ lơh păng lĕ? Mâu lah geh bu nkhĭt păng tâm ban ma phung nkhĭt păng hŏ khĭt jêh?

Yôel 2:14

Gĭt lah Păng mra plơ̆ tay, rgâl nau mĭn, jêh ri ăn nau ueh uĭn pakơi Păng, Ăn ma khân may geh mông găl nhhơr ndơ ƀư brah rnih môi, ndơ nhhơr nhêt Ma Yêhôva Brah Ndu khân may?”

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

Nau Vay Nkah Tay 23:5

Ƀiălah Yêhôva Brah Ndu khân may mâu iăt ôh nau Y-Balaam, yor ri Yêhôva Brah Ndu hŏ rgâl nau rak rtăp jêng nau ueh uĭn ma khân may, yorlah Yêhôva Brah Ndu khân may rŏng ma khân may.

Nau Vay Nkah Tay 23:6

Du bông nau rêh khân may jêh ri mro mrăng pakơi taơ, khân may mâu dơi ôh joi nau đăp mpăn mâu lah nau ndrŏng khân păng.

II Têsalônik 1:7

jêh ri ma khân may jêng phung dơn nau rêh ni geh nau rlu ndrel ma hên, tâm nar Kôranh Brah jêng Brah Yêsu mra tâm mpơl bơh trôk ta nklang chiông ŭnh hit, ndrel ma phung tông mpăr bêng nau dơi Păng.

ហេឞ្រើ 12:10

Yorlah mbơ̆ he tâm nglay săk păng nduyh nkra tĭng nau mĭn păng nơm ŭch knŏng ƀât lât, ƀiălah Brah Ndu nduyh nkra yor ma nau khlay ma he, gay ma he dơi geh du kô̆ tâm nau kloh ueh Păng.

I Samuel 1:11

Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”