II Samuel 15:31 - Nau Brah Ndu Ngơi 2023

³¹ Bu mbơh ma Y-Đavit: “Y-Ahitôpel đŏng gŭ tâm phung tâm nchră ndrel ma Y-Apsalôm.” Y-Đavit mbơh sơm: “Ơ Brah Yêhôva! Dăn ƀư ma tâm nchră kan Y-Ahitôpel jêng nau rluk.”

II Samuel 15:31 Iomraidhean Croise

II Samuel 15:12

Dôl Y-Apsalôm nhhơr mpa ƀư brah, păng prơh bu hăn jă Y-Ahitôpel, bunuyh Gilô, jêng nơm nchră ma Y-Đavit, văch bơh Gilô. Nau tâm rdâng nây lơ hâu ktang lơn, jêh ri rnoh bunuyh phung ƀon lan tĭng ndô̆ Y-Apsalôm jêng lơ hâu âk.

II Samuel 16:23

Tâm rnôk nây, bu saơ nau Y-Ahitôpel nchră jêng nâm bu nau ngơi tă luh bơh Brah Ndu nơm. Lĕ rngôch nau nchră Y-Ahitôpel geh nau khlay tâm ban ma Y-Đavit nđâp Y-Apsalôm.

II Samuel 17:14

Y-Apsalôm jêh ri lĕ rngôch phung Israel lah da dê: “Nau nchră Y-Husai, bunuyh Arkit, jêng ueh lơn ma nau nchră Y-Ahitôpel.” Yorlah Brah Yêhôva hŏ nal jêh ŭch ƀư roh nau nchră Y-Ahitôpel, gay ăn nau mhĭk tât ma Y-Apsalôm.

II Samuel 17:23

Tơlah Y-Ahitôpel saơ bu mâu ƀư tĭng nau nchră păng, păng dăp ưn seh bri păng hăn trong plơ̆ sĭt ma ngih păng tâm ƀon păng nơm. Jêh păng ƀư lôch lĕ kan ma ngih vâl păng, păng nkhĭt săk nơm. Bu tâp păng tâm môch mbơ̆ păng.

II Samuel 17:5

Ƀiălah Y-Apsalôm lah: “Kuăl hom Y-Husai, bunuyh Arkit, văch ăn he iăt moh nau păng lah đŏng.”

II Samuel 17:7

Y-Husai lah ma Y-Apsalôm: “Rơh aơ, nau Y-Ahitôpel nchră mâu ueh ôh.”

Ndrom Samƀŭt bơh Yôp 5:12

Păng ƀư rai lơi nau ndơm bơh phung blau plĕch, Ƀư ăn ti khân păng kan mâu dơi lôch.

Nau Mprơ Ơm 109:3

Nchueng jŭm gâp ma nau ngơi tâm rmot, Jêh ri tâm lơh đah gâp mâu geh nau.

Nau Mprơ Ơm 3:1

Brah Yêhôva ơi! Phung rlăng đah gâp mâm ƀư âk ngăn! Rnoh bunuyh dâk tâm rdâng đah gâp mâu dơi kơp ôh!

Nau Mprơ Ơm 41:9

Nđâp ma mĭt jiăng dăch lơn nuih n'hâm gâp rnơm nsing, Vay sa ƀănh gâp ăt yơk ndơl jâng tâm rdâng đah gâp.

Nau Mprơ Ơm 55:10

Măng jêh ri nar khân păng hăn nsong jŭm ta mpêr ƀon; Nau tih mhĭk jêh ri nau uh ah gŭ tâm ƀon toyh.

Nau Mprơ Ơm 55:12

Tơlah phung rlăng ƀư bêk gâp, Gâp dơi dơn yơh; Tơlah nơm tâm rmot gâp, sưr tâm rdâng ma gâp, Gâp mra dơi du krap đah păng.

Êsai 19:3

Phung Êjipt mra roh lĕ nuih n'hâm, Gâp mra ƀư tâm vĭ nau khân păng tâm nchră. Rnôk nây, khân păng mra ôp phung rup brah, Phung n'hŭm, phung gru rƀên, jêh ri phung mbơh nau mra tât.

Êsai 44:25

Gâp jêng Nơm ƀư roh nau tâm mbên mƀruh phung mbơh lor nklă, Ƀư ma nơm n'hŭm jêng rluk, Ƀư ma nơm blau mĭn mâu geh nau rai yot, Rgâl nau gĭt rbăng khân păng jêng nau rluk

Yôhan 13:18

Gâp mâu ngơi ma lĕ rngôch khân may ôh, Gâp gĭt năl đơ phung Gâp săch jêh. Ƀiălah nau ngơi tâm Nau Brah Ndu Ngơi aơ tât di ngăn: ‘Nơm sa ƀănh bơh Gâp, yơk jêh ndơl jâng tâm rdâng đah Gâp.’

I Kôrintô 1:20

Bunuyh blau mĭn mbah ntŭk? Phung kôranh nchih samƀŭt mbah ntŭk? Nơm blau tâm rlăch nchră tâm rnôk aơ mbah ntŭk? Mâu di hĕ Brah Ndu hŏ ƀư jêh nau blau mĭn tâm neh ntu jêng nau brŭt moih?

Yakơ 3:15

Nau blau mĭn nĕ mâu geh tât bơh klơ trôk, ƀiălah jêng ndơ bơh neh ntu, bơh nglay săk jêh ri bơh phung brah mhĭk.