II Samuel 15:30 - Nau Brah Ndu Ngơi 2023

³⁰ Y-Đavit hăn hao klơ yôk Ôlive, nkre nhĭm nkre chuat, nkŭm bôk păng jêh ri chuat jâng dơm. Lĕ rngôch phung ƀon lan hăn tĭng hađăch nkŭm bôk khân păng, jêh ri nkre nhĭm nkre hăn.

II Samuel 15:30 Iomraidhean Croise

II Samuel 15:29

Pôri, Y-Sadôk jêh ri Y-Abiathar tung Hip Nau Tâm Rnglăp Brah Ndu plơ̆ sĭt ma ƀon Yêrusalem, jêh ri khân păng ăt gŭ ta nây.

II Samuel 19:4

Bi hađăch rdêp măt păng, kuăl nhĭm nter huy ngăn: “Hơi Y-Apsalôm, kon bu klâu gâp! Hơi Y-Apsalôm, kon bu klâu gâp, kon bu klâu gâp!”

II Samuel 19:5

Y-Jôap lăp tâm ngih hađăch jêh ri lah: “Nar aơ may hŏ ƀư nau prêng ma lĕ rngôch phung oh mon may, jêng phung hŏ sâm rklaih jêh nau rêh may nar aơ, nau rêh phung kon bu klâu may, jêh ri phung kon bu ur may, nau rêh ur may jêh ri phung ur yông may đŏng.

Êsther 6:12

Jêh nau nây, Y-Môrdêkai plơ̆ sĭt ta ntŭk mpông pêr ngih hađăch. Bi ma Y-Haman hăn sĭt ndal leo ta ngih păng nơm, rngot rvê jêh ri nkŭm bôk păng.

Nau Mprơ Ơm 42:3

Ăp nar, bu ôp ma gâp: “Mbah ntŭk Brah Ndu may?” Pôri gâp rvăn dak măt ntrok ma ndơ sông sa Ăp măng nar.

Nau Mprơ Ơm 43:5

Ơ huêng gâp, mâm ƀư may rdja nuih n'hâm jêh ri uh ah tâm săk jăn gâp? Kâp gân hom tâm Brah Ndu; Gâp mra mprơ tâm rnê Păng đŏng: Yorlah Păng jêng Brah Ndu gâp jêh ri yor mâp măt Păng gâp dơi tâm rklaih.

Êsêkiêl 24:17

Vơl êng hom lơi ta nhĭm ăn ma nơm khĭt; mpân hom bok ta klơ bôk may jêh ri nsoh ntâu jot tâm jâng; lơi ta rdêp ôh têp trôm mbung jêh ri lơi sa piăng let bu njăt.”

Êsêkiêl 24:23

Bok khân may mra dơm ta klơ bôk mro, ntâu jot khân may mra nsoh mro tâm jâng; khân may mâu kuăl nhĭm ôh, nhhiăng nhĭm ƀiălah mra huănh hươi yor nau tih khân ay may nơm, jêh ri khân may tâm vơl ndrel ndrăng nơm dơm.

Sakari 14:4

Tâm nar nây, jâng Păng mra dâk ta klơ yôk Ôlive, jêng yôk tâm tham ƀon Yêrusalem mpeh luh nar. Yôk Ôlive mra đang ta nklang, jêng rlŭng toyh ngăn bơh luh nar tât nhâp nar; n'gul yôk trơn tĭt mpeh pa lơ, n'gul ri trơn tĭt mpeh pa dâng.

Mathay 5:4

Ueh maak ngăn ma phung nhĭm rngot, Yorlah mra dơn nau bonh leng!

Luka 19:29

Tơlah dăch tât ta ƀon Bêtphajê jêh ri ƀon Bêthani, êp ta meng yôk rnha jêng Ôlive, Brah Yêsu njuăl bar hê oh mon hăn lor

Luka 19:37

Tơlah dăch tât sop ta yôk Ôlive, lĕ mpôl oh mon ntơm răm rhơn jêh ri tâm rnê ma Brah Ndu ma lĕ nau brah khân păng saơ jêh.

Luka 19:41

Tơlah văch dăch, uănh saơ ƀon nây, Brah Yêsu nhĭm ma păng jêh ri lah:

Luka 21:37

Nôk nar, Brah Yêsu ntĭm nti tâm ngih brah, tât măng Păng hăn luh jêh ri bê̆ch ta klơ yôk Ôlive.

Luka 22:39

Pakơi nây, Brah Yêsu luh hăn jêh ri hao yôk Ôlive tĭng nâm nau vay. Phung oh mon ndrel hăn tĭng Păng.

Kôranh Oh Mon 1:12

Jêh nây, phung oh mon plơ̆ sĭt ta ƀon Yêrusalem tă bơh yôk bu rnha yôk Ôlive. Yôk nây dăch ta ƀon Yêrusalem, ngai klăp lah du kilômet, hăn trong tâm du nar saƀat.

Samƀŭt Pôl Njuăl Ăn Ma Phung Nsing Ta Ƀon Rôm 12:15

Maak hom đah phung maak, nhĭm đah phung nhĭm.

I Kôrintô 12:26

Lah du kô̆ săk jăn mâp nau ji, pôri lĕ rngôch ji tâm ban da dê; tơlah bu rnê du kô̆ săk jăn, lĕ rngôch geh nau răm maak tâm ban lĕ.