II Samuel 15:3 - Nau Brah Ndu Ngơi 2023

³ pôri Y-Apsalôm lah đŏng: “Aơ, nau phong dôih may jêng ueh jêh ri nau di; ƀiălah mâu geh bunuyh sâm ntrok ma hađăch gay iăt nau may ôh.”

II Samuel 15:3 Iomraidhean Croise

II Samuel 15:4

Jêh nây Y-Apsalôm ngơi lah đŏng: “Ơ! Tơlah bu njêng gâp dơi jêng kôranh phat dôih tâm n'gor! Rnôk nây, mbu nơm geh nau phong dôih jêh ri ŭch phat nkra, mra tât ma gâp, gâp mra phat dôih sŏng ăn ma păng.”

II Samuel 8:15

Y-Đavit chiă uănh lĕ rngôch phung Israel, ƀư nau di jêh ri nau sŏng ma lĕ rngôch phung ƀon lan.

Nau Mprơ Ơm 12:2

Khân păng dŏng nau ngơi mƀruh gay nkoch bri ndrăng khân păng nơm, Sŏk bâr mbung ngơi lĕ nau nklă ƀiălah nuih n'hâm ma nau mƀruh ndơm.

Nau Ngluh Êjipt 20:12

Yơk hom ma mê̆ mbơ̆ may, gay ma may dơi gŭ rêh jŏ klơ neh Yêhôva Brah Ndu ăn ma may.

Nau Ngluh Êjipt 21:17

Mbu nơm rtăp rak mbơ̆ mâu lah me păng nơm, mra nkhĭt lơi păng.

Nau Hôr 12:2

Bunuyh ueh sŏk dơn nau yô̆ bơh Brah Yêhôva, Ƀiălah nơm nchră nau mhĭk Păng tâm rmal nơm tih.

Nau Hôr 30:11

Geh ntil bunuyh rak rtăp mbơ̆ păng nơm Mâu lĕ ăn nau ueh uĭn ma mê̆ păng nơm.

Nau Hôr 30:17

Măt mưch ma mbơ̆, Mưch ma nau tông bâr mê̆, Mra geh phung nđak tâm rlŭng chôk rloch, Jêh ri klang kon sa păng.

Êsêkiêl 22:7

Ta ntŭk may, bu tâm rmot mê̆ mbơ̆; ta ntŭk may, bu tŭn jot ma nơm njơh ƀât lât; ta ntŭk may, bu tŭn jot ma phung kon đơi ndrel phung ndrô.

Daniel 11:21

Ntrok hađăch jêng bunuyh bu tâm rmot ngăn, bu mâu ăn nau dơi jêng hađăch ôh. Păng mra văch ndal, dŏng nau ndơm plĕch rlăm gay pit in ƀon bri hađăch.

Nau Kơp Bunuyh 16:3

khân păng tâm rƀŭn ndrel tâm rdâng đah Y-Môis jêh ri Y-Arôn. Khân păng phong: “Khân may ƀư jêh rmeh ir! Yorlah lĕ rngôch phung tâm rƀŭn jêng kloh ueh jêh ri Brah Yêhôva dôl gŭ ta nklang khân păng. Pôri, mâm khân may n'hao êng khân may nơm ta klơ lơn phung tâm rƀŭn Brah Yêhôva?”

Mathay 15:4

Yorlah Brah Ndu hŏ ntĭm nti jêh: ‘Yơk hom ma mê̆ mbơ̆ khân may;’ jêh ri: ‘Mbu nơm rak rtăp mê̆ mbơ̆ păng nơm, bu mra nkhĭt lơi păng.’

Kôranh Oh Mon 23:5

Y-Pôl plơ̆ lah: “Hơi phung oh nâu, gâp mâu gĭt ôh păng jêng kôranh ƀư brah toyh lơn; yorlah geh nau nchih jêh pô aơ: ‘Lơi bêk prêng ma kôranh chiă uănh phung ƀon lan khân may.’ ”

I Pêtrôs 2:17

Yơk hom ma lĕ rngôch bunuyh, rŏng ma phung oh nâu tâm nau rnơm, klach yơk ma Brah Ndu, yơk ma hađăch.

II Pêtrôs 2:10

lor lơn jêng phung bunuyh ƀư tĭng nau kơnh ŭch djơh mhĭk, mưch rmot ma nau chiă uănh. Phung nĕ dăng bôk hâu ngăn jêh ri sưr rlau, mâu klach ôh ngơi djơh tât ma phung geh nau chrêk rmah;