II Samuel 15:25 - Nau Brah Ndu Ngơi 2023

²⁵ Hađăch lah ma Y-Sadôk: “Djôt leo hom Hip Nau Tâm Rnglăp Brah Ndu plơ̆ sĭt ma ƀon. Tơlah gâp mra geh nau yô̆ tanăp măt Brah Yêhôva, Păng mra njŭn ăn gâp plơ̆ sĭt đŏng, ăn gâp saơ Hip Nau Tâm Rnglăp jêh ri ntŭk Brah Yêhôva gŭ.

II Samuel 15:25 Iomraidhean Croise

II Samuel 6:17

Pônây, khân păng djôt leo Hip Nau Tâm Rnglăp Brah Yêhôva lăp dơm ta nklang ngih bok Y-Đavit hŏ ndâk jêh; jêh nây Y-Đavit nhhơr ndơ ƀư brah gŭch jêh ri ndơ ƀư brah ma nau đăp mpăn tanăp măt Brah Yêhôva.

II Samuel 7:2

pôri hađăch ngơi đah nơm mbơh lor Y-Nathan: “Uănh hom, gâp gŭ tâm ngih hađăch ƀư ma tơm si sêdar, ƀiălah Hip Nau Tâm Rnglăp Brah Ndu gŭ tâm ngih bok.”

Nau Mprơ Ơm 122:1

Gâp maak tơlah bu lah ma gâp pô aơ: “Hăn hom he ta ngih Brah Yêhôva.”

Nau Mprơ Ơm 122:9

Yor ngih Yêhôva Brah Ndu he, Gâp mra kuăl dăn nau ueh maak ăn ma may.

Nau Mprơ Ơm 26:8

Ơ Brah Yêhôva, gâp rŏng ngih May gŭ, Jêh ri ntŭk chrêk rmah May.

Nau Mprơ Ơm 84:10

Yorlah du nar tâm nkual nhuang May Jêng ueh lơn ma du rbăn nar ta ntŭk êng. Gâp hŏ săch jêh ŭch lơn ƀư bunuyh gak njrăng mpông tâm ngih Brah Ndu Rlau lơn jêng gŭ tâm ngih bok phung ƀai.

Nau Ngluh Êjipt 15:13

Ma nau May rŏng may têk ndrêng phung ƀon lan may hŏ chuai jêh; May hŏ njŭn khân păng ma nau brah May tât ma ntŭk kloh ueh May gŭ.

Nau Ngluh Êjipt 33:12

Y-Môis lah ma Brah Yêhôva: “Ơ Kôranh Brah, May hŏ lah jêh ma gâp: ‘Njŭn leo hom phung ƀon lan aơ’, ƀiălah May mâu ăn gâp gĭt ôh mbu May mra njuăl hăn ndrel ma gâp, nđâp lah May lah: ‘Gâp năl may ma amoh may, jêh ri may geh jêh nau yô̆ tanăp măt Gâp.’

Nau Ngluh Êjipt 33:13

Pôri aƀaơ, lah gâp geh jêh nau yô̆ tanăp măt May, dăn mpơl trong May ma gâp gay ma gâp dơi gĭt năl May jêh ri geh nau yô̆ tanăp măt May. Ăn May kơp phung ndŭl mpôl aơ jêng phung ƀon lan May!”

Êsai 38:22

Y-Hêsêkia ôp: “Geh nau tâm mbên gay ăn ma gâp gĭt lĕ, gâp hôm dơi hao ta ngih Brah Yêhôva?”

Yêrêmi 25:30

“Yor nây, ăn may gơnh djôt nau ngơi aơ mbơh lor tâm rdâng đah khân păng: ‘Bơh ntŭk prêh ta klơ, Brah Yêhôva hŏ nter troh, Păng hŏ ngơi, bơh ntŭk kloh ueh Păng nter huy tâm rdâng đah phung biăp Păng, Păng ntơm ngơi kuăl nâm bu phung jot play krăk ƀâu, Tâm rdâng đah lĕ rngôch phung gŭ ta neh ntu.

Yêrêmi 7:4

Lơi ta rnơm nsing ôh ma lĕ nau ngơi ndơm nâm bu: “Aơ jêng ngih brah Brah Yêhôva, ngih brah Brah Yêhôva, ngih brah Brah Yêhôva!”