II Samuel 15:20 - Nau Brah Ndu Ngơi 2023

²⁰ May mhe tât nar nđaơ, jêh ri nar aơ mâm gâp dơi rom may du nsong mblêng ndrel hên, tâm nôk gâp mâu gĭt ôh ntŭk gâp mra hăn? Plơ̆ sĭt hom jêh ri leo phung oh nâu phung Gitit hăn tĭng may. Dăn ma Kôranh Brah mpơl nau ueh jêh ri nau răp jăp ngăn Păng gŭ tâm may!”

II Samuel 15:20 Iomraidhean Croise

II Samuel 2:5

Y-Đavit prơh phung mbơh hăn tât phung ƀon lan Jabes Gilêat: “Dăn ma Brah Yêhôva ăn nau ueh uĭn ma khân may, yorlah khân may hŏ mpơl jêh nuih n'hâm ueh ma Y-Sôl, kôranh khân may, jêh ri tâp păng!

II Samuel 2:6

Dăn ma Brah Yêhôva tâm mpơl nau ueh jêh ri nau răp jăp ma khân may! Bi gâp tâm ban đŏng mra ƀư ueh ma khân may, yorlah khân may hŏ ƀư jêh nau nây.

Nau Mprơ Ơm 25:10

Lĕ rngôch trong Brah Yêhôva jêng nau ueh da dê jêh ri nau nanê̆ ngăn Ma phung djôt prăp nau tâm rnglăp jêh ri nau ntĭnh bơh May.

Nau Mprơ Ơm 56:8

May kơp ăp nhuat gâp hăn nsong: Dăn May dơ dak măt gâp tâm kachok May. Dak măt gâp mâu dơi nchih tâm ndrom samƀŭt May hĕ?

Nau Mprơ Ơm 57:3

Păng ăn nau tâm rklaih ma gâp tă bơh trôk. Ăn ma phung tŭn jot mra geh nau bêk prêng, nau ƀơ̆ ƀơch. (Sêla) Brah Ndu ăn nau ueh jêh ri nau răp jăp Păng ma gâp.

Nau Mprơ Ơm 59:15

Khân păng nsong ta aơ ta ri gay joi sa; Tơlah ê hŏ hơm jêh ri khân păng mra gŭ măng ta nây.

Nau Mprơ Ơm 61:7

Ăn păng gŭ ta sưng hađăch ƀaƀơ tanăp Brah Ndu; Dăn May ntrŭnh nau ueh jêh ri nau nanê̆ ngăn May mât mray păng.

Nau Mprơ Ơm 61:8

Pônây gâp mra mprơ tâm rnê ma amoh May ƀaƀơ n'ho ro. Jêh ri ăp nar ƀư ăn nŭm lĕ nau gâp ton.

Nau Mprơ Ơm 85:10

Nau yô̆ nđach jêh ri nau nanê̆ ngăn tâm mâp ndrel jêh; Nau sŏng srăng jêh ri nau đăp mpăn hŏ tâm chŭm jêh.

Nau Mprơ Ơm 89:14

Nau sŏng srăng jêh ri nau di jêng ntur ma sưng hađăch May; Nau ueh jêh ri nau nanê̆ ngăn hăn tanăp May.

Nau Hôr 14:22

Phung tâm nchră ƀư nau mhĭk mâm mâu lĕ vĭ nhhơt? Bi ma phung ŭch mĭn ƀư nau ueh mra mâp nau ueh jêh ri nau nanê̆ ngăn.

Nau Hôr 3:3

Lơi ta ăn nau ueh jêh ri nau nanê̆ ngăn chalơi may; Văn hom păng ta trô ko may, Nchih păng tâm trôm nuih n'hâm may.

Amôt 8:12

Rnôk nây, khân păng mra hăn nsong blêng ntơm bơh dak mƀŭt aơ tât dak mƀŭt êng, Ntơm mpeh pa lơ tât mpeh luh nar; Khân păng nchuăt ta aơ ta ri gay ŭch joi nau Brah Yêhôva ngơi, Ƀiălah joi mâu dơi saơ ôh.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

I Samuel 23:13

Pôri, Y-Đavit, jêh ri phung hăn tĭng păng, geh tâm prao rhiăng nuyh, dâk nchuăt tă bơh Keila, jêh ri khân păng hăn ta bơh ntŭk nây tât ntŭk êng. Tơlah bu mbơh nau Y-Đavit nchuăt du jêh tă bơh Keila, Y-Sôl mâu hôm leo phung tahan hăn tĭng ôh.