II Samuel 15:1 - Nau Brah Ndu Ngơi 2023

¹ Jŏ djê̆ ta nây, Y-Apsalôm rơm ndrăp ma păng nơm du bôk ndeh, seh uih ndeh, jêh ri prăm jât nuyh tahan nchuăt tanăp păng.

II Samuel 15:1 Iomraidhean Croise

II Samuel 12:11

Pô aơ Brah Yêhôva lah: ‘Aơ, tă bơh ngih may nơm, Gâp mra ƀư ăn nau mhĭk tât ma may. Gâp mra nhŭp phung ur may tanăp măt may jêh ri jao khân păng ma nơm chiau meng may, păng mra bê̆ch ndrel đah phung ur may ta nôk nar.

I Phung Hađăch 1:33

Jêh nây hađăch lah ma khân păng: “Djôt leo hom phung oh mon kôranh khân may hăn tĭng, chông Y-Salômôn, kon bu klâu gâp, hao ncho seh bri gâp nơm, jêh nây njŭn păng trŭnh ta dak n'hor Gihôn.

I Phung Hađăch 1:5

Rnôk nây Y-Adônija, kon bu klâu H'Hagit, n'hao êng păng nơm pô aơ: “Gâp mra jêng hađăch.” Păng ndrăp ma păng nơm du bôk ndeh, seh tâm lơh, jêh ri prăm jât nuyh nchuăt panăp păng.

Nau Mprơ Ơm 20:7

Bunuyh aơ rnơm nsing ma ndeh, bunuyh êng rnơm nsing ma seh, Ƀiălah he rnơm nsing ma amoh Brah Yêhôva jêng Brah Ndu he.

Nau Hôr 11:2

Tơlah nau sưr tât, nau prêng ăt tât lĕ; Ƀiălah nau blau mĭn hôm gŭ ndrel ma phung dêh rhêt.

Nau Hôr 16:18

Nau sưr hăn lor, nau rai lôch groi pakơi, Jêh ri nau n'hao êng nơm hăn lor tâm nau tŭp.

Nau Hôr 17:19

Mbu nơm kơnh tâm djrel, kơnh ma nau tih; Mbu nơm ƀư mpông ăn prêh, tĭng joi nau rlâm.

Nau Vay Nkah Tay 17:16

Knŏng geh du nau hađăch nĕ mâu dơi ôh ntop âk seh, kŏ mâu đŏng yor ŭch ntop âk seh njŭn tay phung ƀon lan plơ̆ sĭt tay ta n'gor Êjipt, yorlah Brah Yêhôva hŏ ntăm jêh ma khân may pô aơ: ‘Khân may mâu đŏng dơi plơ̆ tay ta trong nây.’

I Samuel 8:11

Păng lah: “Aơ jêng nau vay hađăch mra chiă uănh khân may: Hađăch mra sŏk phung kon bu klâu khân may ăn khân păng ƀĭt ndeh seh tâm lơh, mâu lah jêng phung tahan ncho seh, mâu lah nchuăt panăp ndeh seh hađăch.