II Samuel 14:7 - Nau Brah Ndu Ngơi 2023

⁷ Jêh ri aƀaơ ri, lĕ noi deh dâk hao tâm rdâng đah oh mon bu ur hađăch, jêh ri lah: ‘Jao hom nơm nkhĭt jêh oh păng. Hên mra nkhĭt păng gay ntrok nau rêh oh păng yorlah păng nkhĭt jêh; jêh ri nđâp lah păng jêng nơm ndơn drăp, hên mra nkhĭt đŏng păng.’ Pônây, khân păng ŭch nkhĭt nơm hôm e ma gâp, mâu hôm ôh ăn ma sai gâp kon sau thoi noi deh păng ta klơ neh ntu.”

II Samuel 14:7 Iomraidhean Croise

Nau Ntơm 27:45

Nôk nâu may bah jêh nau păng nuih ma may jêh ri chuêl jêh nau may ƀư ma păng, jêh nây gâp mra đă bu chuă vơt an may sĭt. Mâm dơi gâp ăn roh lĕ bar hê khân may tâm du nar?”

Nau Ntơm 4:14

Aƀaơ, nar aơ May mprơh gâp du luh bơh neh aơ, gâp mra pôn ndâp măt bơh May jêh ri du krap; nsong mblêng ta klơ neh; jêh nây, mbu moh mâp gâp, khân păng mra nkhĭt gâp.”

II Samuel 12:17

Phung bu ranh tâm ngih hađăch dâk êp meng gay rdâk păng tă tâm neh, ƀiălah păng mâu ŭch, jêh ri mâu sông sa n'hanh khân păng.

II Samuel 14:6

Oh mon bu ur hađăch geh bar hê kon bu klâu. Bar hê khân păng tâm djrel tâm mir, jêh ri yorlah mâu geh bunuyh sâm buay khân păng ôh, pôri du huê aơ lơh khĭt du huê ri.

II Samuel 14:8

Hađăch lah ma bu ur: “Hăn sĭt hom ma ngih ay, gâp mra ntăm di ma nau ay.”

Nau Kơp Bunuyh 35:19

Nơm har plơng ma mham mra nkhĭt nơm nkhĭt bunuyh nây. Tơlah păng mâp đah nơm nkhĭt bunuyh, nơm har plơng ma mham mra nkhĭt lơi bunuyh nây.

Mathay 21:38

Ƀiălah tơlah phung tăm krăk ƀâu saơ kon bu klâu păng, phung nây tâm nchră ndrăng khân păng nơm: ‘Aơ jêng nơm ndơn drăp. Kay lŏng, nkhĭt lơi hom păng jêh ri sŏk drăp ndơ păng.’

Nau Vay Nkah Tay 25:6

Kon bu klâu păng deh dak bôk mra ntơ săk oh nâu jêng nơm hŏ khĭt jêh, gay ma amoh păng mâu jut ôh bơh phung Israel.