II Samuel 14:32 - Nau Brah Ndu Ngơi 2023

³² Y-Apsalôm plơ̆ lah ma Y-Jôap: “Aơ, gâp prơh bunuyh kuăl may văch ta aơ, gay ma gâp dơi prơh may hăn mbơh ma hađăch: ‘Mâm ƀư dĭng gâp plơ̆ sĭt tă bơh n'gor Gêsur? Ueh lơn gâp ăt hôm gŭ ta nây.’ Pôri aƀaơ, gâp ŭch hăn tanăp hađăch. Tơlah gâp geh nau tih, ăn păng nkhĭt gâp.”

II Samuel 14:32 Iomraidhean Croise

Nau Ntơm 3:12

Y-Ađam ơh: “Bu ur May ăn gŭ êp gâp hŏ ăn gâp play tơm si nây jêh ri gâp hŏ sa jêh.”

II Samuel 13:37

Y-Apsalôm nchuăt du jêh ri hăn văch ma Y-Talmai, kon bu klâu Y-Amihut, jêng hađăch n'gor bri Gêsur. Bi Y-Đavit nhhiăng nhĭm ma kon bu klâu păng ăp nar.

II Samuel 14:31

Rnôk nây, Y-Jôap dâk jêh ri hăn tât ma ngih Y-Apsalôm jêh ri lah: “Mâm ƀư oh mon may hŏ su mir ba gâp ma ŭnh?”

II Samuel 3:3

kon rơh bar jêng Y-Chêliap, kon bơh H'Abigêl, ur drô Y-Nabal ta yôk Karmel; kon rơh pe jêng Y-Apsalôm, kon bơh H'Maka, kon bu ur Y-Talmai, hađăch n'gor Gêsur;

Nau Mprơ Ơm 36:2

Yorlah păng n'gơr n'hao êng păng nơm pô aơ, Nau tih păng mâu mra mpơl jêh ri mâu geh bunuyh tâm rmot ma păng ôh.

Nau Ngluh Êjipt 14:12

Mâu di hên hŏ lah jêh ma may ta n'gor Êjipt pô aơ: ‘Kđôi phung hên, ăn hên pah kan ma phung Êjipt’ di bơh? Yorlah hên ƀư dĭk ta nây jêng ueh lơn hên khĭt tâm bri rdah!”

Nau Ngluh Êjipt 16:3

Phung ƀon lan Israel lah ma bar hê khân păng: “Ueh lơn hên khĭt ma ti Brah Yêhôva tâm n'gor Êjipt, nôk hôm gŭ dăch glah puăch jêh ri sa ƀănh kŏ hơm! Ƀiălah khân may njŭn tay hên lăp tâm bri rdah aơ gay ăn lĕ rngôch phung ƀon lan aơ khĭt nau ji ngot.”

Nau Ngluh Êjipt 17:3

Ƀiălah ta nây phung ƀon lan ji hir dak jêh ri khân păng nduyh ma Y-Môis: “Mâm ƀư may ngluh hên bơh n'gor Êjipt jêh ri gay ăn ma hên, phung kon hên jêh ri mpôl mpô mpa hên rong khĭt ma nau ji hir dak?”

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Mathay 25:44

Nôk nây, phung bunuyh aơ plơ̆ lah đŏng: ‘Ơ Kôranh Brah, ndah jŏ hên mâp saơ May ji ngot, ji hir, jêng bu năch, gŭ săk hưl, mâu lah ji kuet, mâu lah bu krŭng May jêh ri hên mâu pah kan May?’

Samƀŭt Pôl Njuăl Ăn Ma Phung Nsing Ta Ƀon Rôm 3:19

He gĭt lĕ nau vay lah, jêng lah ma phung gŭ tâm dâng nau vay gay ma lĕ rngôch trôm mbung gŭ rklăk da dê, jêh ri lĕ rngôch bunuyh ta neh ntu dơn nau tih tanăp Brah Ndu;

I Samuel 15:13

Y-Samuel hăn tât ma Y-Sôl, jêh ri Y-Sôl lah ma păng: “Dăn ma Brah Yêhôva ăn nau ueh uĭn ma may! Gâp ƀư jêh tĭng nâm nau Brah Yêhôva ntăm.”

I Samuel 20:8

Pônây, mpơl hom nau ueh ma oh mon may, yorlah may hŏ sŏk amoh Brah Yêhôva gay ƀư tâm rnglăp đah oh mon may. Tơlah moh nau tih geh tâm gâp, ăn may nơm nkhĭt hom gâp, ƀiălah mâm ƀư may njŭn leo gâp tât ma mbơ̆ may?”