II Samuel 14:25 - Nau Brah Ndu Ngơi 2023

²⁵ Nôk nây taơ, tâm lĕ rngôch phung Israel mâu geh ôh du huê bunuyh tâm rnê yor nau ueh săk păng nâm bu Y-Apsalôm: ntơm bơh mpang jâng tât nklang bôk, mâu geh khap men ôh tâm păng.

II Samuel 14:25 Iomraidhean Croise

I Phung Hađăch 1:6

Mbơ̆ păng mâu mâp buay lơi ôh păng ma nau ôp: “Mâm ƀư may ƀư pônây?” Y-Adônija jêng du huê bu klâu ueh ngăn jêh ri bu deh ma păng groi Y-Apsalôm.

Ndrom Samƀŭt bơh Yôp 2:7

Satan du luh ro tă bơh tanăp Brah Yêhôva, jêh ri ƀư rêh ni ma Y-Yôp ma eh ok ji ngăn ntơm bơh mpang jâng tât klơ bôk.

Nau Hôr 31:30

Ray nkrơ̆ jêng nau ndơm, nau ueh jêng dơm dam; Ƀiălah mbu moh bu ur klach yơk ma Brah Yêhôva mra geh nau tâm rnê.

Êsai 1:6

Bơh mpang jâng tât ta bôk, Mâu geh du ntŭk bah ôh, Lĕ ntŭk sôt jêh ri ntŭk môr bŭr Jêh ri lĕ ntŭk mhe sôt, Mâu hŏ jĭr ôh, mâu lĕ mâp put, Mâu lĕ mâp mhĭng ma dak ngi ôlive jêh ri piăch.

Êsêkiêl 23:15

khân păng vân rse bŭt jêh ri mpân kưn rjai ta klơ bôk, bu uănh ma khân păng nâm bu phung kôranh. Lĕ rngôch khân păng tâm ban phung Babilôn geh jêng tă bơh bri Kaldê.

Daniel 1:4

Lĕ phung bu klâu ndăm aơ jêng phung mâu geh ntŭk kuet ôh, muh măt ueh, geh âk nau njêh, blau mĭn tâm lĕ rngôch, geh nau gĭt mĭn huy jêh ri gĭt rbăng, geh nau blau ngăn pah kan tâm ngih hađăch. Y-Aspênas sâm nti ma khân păng nau ngơi ueh jêh ri nau ngơi phung Kaldê.

Mathay 23:27

Rêh ni yơh ma khân may, hơi phung kôranh nchih samƀŭt jêh ri phung Pharisi jêng phung nuih n'hâm nklă! Yorlah khân may nâm bu lĕ môch mhĭng klo nglang, padih uănh ueh ngăn, ƀiălah tâm trôm bêng nting bunuyh khĭt jêh ri đah ăp ntil ƀơ̆ ƀơch.

Êphêsô 5:27

gay tâm mpơl măt ta năp Păng du Phung Ngih Brah Ndu chrêk rmah, mâu têl, mâu nsŭn, mâu geh ndơ tâm ban pônây ôh, ƀiălah kloh ueh jêh ri dŭt ueh ngăn.

Nau Vay Nkah Tay 28:35

Brah Yêhôva mra ƀư rêh ni khân may ma nau ji eh ta kômâk jêh ri ta jâng, jêh nây hao tă bơh mpang jâng tât ta klơ bôk, khân may săm mâu dơi bah ôh.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”

I Samuel 9:2

Y-Kis geh du huê kon bu klâu amoh Y-Sôl, hôm ndăm jêh ri ray nkrơ̆. Tâm phung ƀon lan Israel, mâu geh ôh du huê bu klâu ray nkrơ̆ lơn ma păng. Y-Sôl juat lơn lĕ rngôch bunuyh ntơm bơh săng nglik păng rlet klơ.