II Samuel 14:2 - Nau Brah Ndu Ngơi 2023

² Yor ri, Y-Jôap prơh bu hăn tât ta ƀon Têkôa, joi du huê bu ur me blau mĭn, jêh ri lah ma păng: “Ay jan lah ƀư bunuyh dôl geh nau klâng ndrê, nsoh kho ao klâng ndrê, lơi mhĭng ôh dak ƀâu kah. Ƀư hom nâm bu du huê bu ur me klâng ndrê jŏ nar.

II Samuel 14:2 Iomraidhean Croise

Nau Ntơm 38:19

Jêh nây păng dâk jêh ri hăn sĭt, doh lơi bok nkŭm, nsoh kho ao bu ur ndrô.

II Samuel 11:26

Tơlah ur Y-Uri tăng nau ma Y-Uri, sai păng nơm, lĕ khĭt, pôri păng nhĭm vơl ma sai păng.

II Samuel 12:20

Rnôk nây, Y-Đavit dâk, ŭm rao, mhĭng dak ƀâu kah, jêh ri tơh rgâl kho ao păng, jêh nây păng hăn lăp ma ngih brah Brah Yêhôva jêh ri yơk mbah. Jêh nau nây, hađăch plơ̆ sĭt ma ngih hađăch, jêh ri đah bu ndrăp ndơ sông sa ma păng.

II Samuel 20:16

Rnôk nây, geh du huê bu ur blau mĭn gŭ tâm ƀon kuăl huy ma khân păng, jêh ri lah: “Iăt, iăt hom! Mbơh hom ma Y-Jôap: ‘Văch dăch hom ta aơ, gâp ŭch nkoch bri ma păng.’”

II Samuel 23:26

Y-Hêles bunuyh Palti, Y-Ira kon Y-Ikês bơh Têkôa,

I Phung Hađăch 14:2

Y-Jêrôbôam lah đah ur: “Aơ, ăn ay tâm rgâl muh măt ay gay ma bu mâu gĭt năl ma ay jêng ur gâp, jêh nây hăn tât ma Silô. Ta nây geh nơm mbơh lor Y-Ahija, nơm hŏ lah lor jêh ma gâp nau gâp mra jêng hađăch ma phung ƀon lan aơ.

I Phung Hađăch 14:5

Ƀiălah Brah Yêhôva lah ma Y-Ahija pô aơ: “Aơ, ur Y-Jêrôbôam văch tât ŭch ôp may ma nau kon bu klâu păng, yorlah păng ji. May mra plơ̆ lah ma păng kơt aơ, kơt aơ. Tơlah hăn tât, păng mra nklă n'hi săk jêng du huê bu ur êng.”

II Nau Rêh Jêng 11:6

Hađăch ndâk njêng Ƀêtlêhem, Êtam, Têkôa,

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

Nêhêmi 3:27

Jêh phung nây, geh phung ƀon Têkôa nkra du gâl êng tâm tra đah vâl tŭm toyh prêh klơ tât ta mpêr Ôphel.

Nêhêmi 3:5

Êp ta meng khân păng jêng phung ƀon Têkôa ƀư kan ndâk nkra, ƀiălah phung ndrŏng mâu ŭch kơl ôh kan phung kôranh khân păng.

Nau Mprơ Ơm 104:15

Ndrănh play krăk ƀâu ƀư maak nuih n'hâm bunuyh, Dak ngi ăn muh măt chrat ang, Jêh ri ƀănh gay ma sa bah ji ngot.

Nơm Nti 9:8

Nsoh ƀaƀơ hom nâm bu tâm nar rƀŭn mpôl jêh ri lơi chuêl ôh mhĭng dak ƀâu kah ta klơ bôk may.

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.

Amôt 1:1

Aơ nau Y-Amôt ngơi, păng jêng du huê kôranh mât biăp ta ƀon Têkôa, nkoch lĕ nau păng saơ tât ma ƀon Israel tâm rnôk Y-Usia, hađăch Yuđa jêh ri tâm rnôk Y-Jêrôbôam, kon bu klâu Y-Jôas, hađăch Israel, lor bar năm ma nau n'găr neh.

Mathay 6:17

Ƀiălah tơlah may ât sông sa, mhĭng dak ƀâu kah ta klơ bôk, jêh ri pach muh măt,

Bu ur Rut 3:3

Pônây ăn ay ŭm rao hom, mhĭng dak ƀâu kah jêh ri nsoh kho ao ueh lơn jêh nây hăn trŭnh ma ntŭk mprah ba, ƀiălah lơi ăn ôh păng gĭt năl ay tât lôch sông sa jêh ri nhêt.