II Samuel 14:14 - Nau Brah Ndu Ngơi 2023

¹⁴ Lĕ rngôch he mra khĭt yơh, tâm ban ma dak lĕ nkhŭt jêh klơ neh, mâu hôm blau rƀŭn ndrel ôh. Ƀiălah Brah Ndu mâu mra sŏk lơi ôh nau rêh; ƀiălah, Păng gĭt tĭng joi trong gay nơm bu mprơh jêh mâu ăn du ngai đah Păng.

II Samuel 14:14 Iomraidhean Croise

II Samuel 11:25

Y-Đavit lah ma nơm mbơh: “May lah hom ma Y-Jôap kơt aơ: ‘Lơi ir rngot mơ nau aơ, yorlah đao geh tơ̆ nkhĭt nơm aơ, geh tơ̆ nkhĭt nơm ri. Nsrôih nsram hom gay dơi lơh ƀon nây jêh ri ƀư rai păng. Bi may sŭk nsôr păng ăn nâp nau mĭn n'hao nuih păng.’”

II Samuel 14:15

Aƀaơ aơ, gâp văch tât lah nau aơ ma hađăch jêng kôranh gâp, yorlah phung ƀon lan nhhu gay ăn gâp klach. Oh mon bu ur hađăch mĭn: ‘Ăn gâp ngơi ma hađăch, klăp lah hađăch mra ƀư tĭng nâm nau oh mon bu ur păng dăn.

I Phung Hađăch 11:39

Tâm ban pônây, Gâp mra ƀư nau bêk prêng ma noi deh Y-Đavit, ƀiălah mâu geh mro mrăng ôh.’”

Ndrom Samƀŭt bơh Yôp 14:14

Tơlah kon bunuyh khĭt, dơi lĕ khân păng dâk rêh tay? Du bông lĕ nar kan hŏt r'ah, Gâp mra gŭ kâp kŏ tât nau rêh ni rlau lôch.

Ndrom Samƀŭt bơh Yôp 30:23

Gâp gĭt Kôranh Brah mra njŭn leo gâp lăp nau khĭt, Jêng ntŭk tâm nal ăn ma lĕ rngôch bunuyh rêh.

Ndrom Samƀŭt bơh Yôp 34:15

Pôri lĕ rngôch phung nglay săk mra khĭt ndrel, Jêh ri kon bunuyh plơ̆ sĭt ma ndruyh neh.

Ndrom Samƀŭt bơh Yôp 34:19

N'hơn lah Nơm mâu gŭ nding mpeh ma phung kôranh, Mâu lĕ uănh khlay ma phung ndrŏng âk lơn ma đah phung o ach, Yorlah lĕ rngôch bơh ti Păng rhăk njêng da dê.

Nau Mprơ Ơm 22:14

Gâp bu nkhŭt lơi nâm bu dak, Jêh ri nting gâp lêt rgănh da dê; Play nuih gâp nâm bu mpêt Lêk tâm săk jăn gâp.

Nau Mprơ Ơm 22:15

N'hâm suan gâp sơh kro tâm ban ma neh bŏk pêt Jêh ri mpiăt gâp krêp ta trô ko; May dơm gâp bê̆ch tâm neh muy nau khĭt.

Nau Mprơ Ơm 58:7

Ăn khân păng jêng roh rai nâm bu dak hoch! Tơlah khân păng van na, ăn hăr khân păng lĕ ƀâl jêh!

Nau Mprơ Ơm 77:8

Nau ueh Păng lôch mro măng lĕ? Nau Păng ton roh n'ho ro mâu hôm lĕ?

Nau Mprơ Ơm 79:3

Khân păng nkhŭt mham phung ƀon lan luh tâm ban ma dak Lam ntŭk tâm ƀon Yêrusalem, Mâu geh bunuyh tâp brôi khân păng ôh.

Nau Mprơ Ơm 90:10

Nar năm hên gŭ rêh dơi tât pơh jât năm, Tơlah dăng ktang jêng tât pham jât năm, Ƀiălah nau sưr păng knŏng sŏk dơn nau hŏt rơah jêh ri nau rngot, Yorlah nau rêh păng rgăn ngăch, jêh nây hên mpăr du roh.

Nau Mprơ Ơm 90:3

May ăn kon bunuyh plơ̆ ma ndruyh neh Jêh ri lah pô aơ: “Ơ phung kon bunuyh, plơ̆ sĭt hom ma ndruyh neh.”

Nau Ngluh Êjipt 21:13

Ƀiălah, tơlah păng mâu ndra nkhĭt ôh ƀiălah Brah Ndu hŏ jao bunuyh bu mra nkhĭt tâm ti nơm nây, pôri Gâp mra nchŏng du ntŭk ma may gay păng dơi du krap.

Nơm Nti 9:5

Bunuyh rêh gĭt ma nau păng nơm mra khĭt, Ƀiălah phung khĭt mâu mra gĭt du ntil ôh; Mâu hôm geh nau nkhôm ăn ma khân păng, Yorlah nau ndray ma khân păng hŏ tŭp tâm nau chuêl jêh.

Nau Nhĭm Vơl 3:31

Yorlah Kôranh Brah mâu chalơi n'ho ro ôh.

Êsêkiêl 18:23

Kôranh Brah Yêhôva lah: ‘Di lĕ Gâp geh nau maak yor nau khĭt phung ƀai? Mâu di Gâp maak yor păng chalơi trong păng gay dơi rêh lĕ?

Kan Lêvi 26:40

Ƀiălah tơlah khân păng mbơh nau tih khân păng nơm jêh ri nau tih phung chô yau khân păng hŏ ƀư tih, jêng nau tih chuêl nau Gâp yô̆ jêh ri tâm rđâng đah Gâp,

Nau Kơp Bunuyh 35:15

Prao rplay ƀon toyh aơ mra dŏng ƀư ntŭk du krap ma phung ƀon lan Israel, ma nơm bu năch jêh ri ma nơm gŭ njơh ƀât lât ta nklang khân păng, gay ma mbu nơm mâu mĭn ŭch lơh khĭt bunuyh klăp lah nchuăt du ta nây.

Nau Kơp Bunuyh 35:25

Phung tâm rƀŭn mra rklaih nơm nkhĭt bunuyh bơh ti nơm har plơng ma mham jêh ri njuăl păng plơ̆ sĭt ma ƀon du krap jêng ntŭk păng nchuăt du jêh jêh ri ăn păng gŭ ta nây kŏ tât kôranh ƀư brah toyh lơn, jêng nơm bu tŏ jêh dak ƀâu kah kloh, khĭt.

Nau Kơp Bunuyh 35:28

Yorlah ăn bunuyh nkhĭt bunuyh gŭ tâm ƀon du krap kŏ tât nôk kôranh ƀư brah toyh lơn khĭt. Nơm nkhĭt bunuyh dơi plơ̆ sĭt ma neh jêng drăp ndơn păng jêh nây kôranh ƀư brah toyh khĭt.

Mathay 22:16

Khân păng njuăl phung oh mon khân păng ndrel ma phung bunuyh tâm mpôl Hêrôt hăn lah ma Brah Yêsu pô aơ: “Hơi Nơm Nti, hên gĭt May jêng bunuyh sŏng ngăn jêh ri nti trong Brah Ndu ma nau di, mâu chrê ma bu ôh, yorlah May mâu uănh ma bunuyh padih ôh.

Kôranh Oh Mon 10:34

Y-Pêtrôs ntơm ngơi: “Nanê̆, gâp gĭt năl ma Brah Ndu mâu gŭ du ding ôh,

Samƀŭt Pôl Njuăl Ăn Ma Phung Nsing Ta Ƀon Rôm 2:11

Yorlah Brah Ndu mâu gŭ du ding ma bu ôh.

Nau Vay Nkah Tay 10:17

yorlah Yêhôva Brah Ndu khân may jêng Brah Ndu ma phung brah jêh ri Kôranh Brah ma phung kôranh, jêng Brah Ndu toyh, bêng nau brah jêh ri ăn geh nau klach yơk, jêng Nơm mâu ôh tĭng du dĭng, jêh ri mâu dơn ôh drăp tâm blŏl.

ហេឞ្រើ 9:27

Tĭng nâm bu hŏ nal jêh ma kon bunuyh mra khĭt du tơ̆, jêh nây dơn nau phat dôih.

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.