II Samuel 13:6 - Nau Brah Ndu Ngơi 2023

⁶ Pônây yơh, Y-Amnôn bê̆ch jan săk ƀư ji. Tơlah hađăch hăn chop khâl, Y-Amnôn lah ma hađăch: “Dăn ma may ăn H'Tamar, oh bu ur gâp, văch jêh ri nkra bar pe glo ƀănh tanăp măt gâp, jêh ri gâp mra dơi sa ƀănh bơh ti oh gâp.”

II Samuel 13:6 Iomraidhean Croise

Nau Ntơm 18:6

Y-Abraham hăn plơ̆ sĭt ndal ta ngih bok, lah ma H'Sara: “Ay sŏk gơnh hom bar jât kilô rnih ueh, pach jêh ri ƀư hom piăng let.”

II Samuel 13:5

Y-Jêhônadap lah ma păng: “Kon bu klâu hađăch lâng bê̆ch hom ta klơ sưng bê̆ch, jan săk ji. Jêh nây tơlah mbơ̆ may hăn chop khâl, lah hom ma păng: ‘Dăn mbơ̆ ăn ma H'Tamar, oh bu ur gâp, văch nkra ndơ sông sa nhêt ma gâp. Oh gâp mra ndrăp ndơ sông sa ra năp măt gâp, gay gâp dơi saơ, jêh ri sŏk sa tă bơh ti păng.’”

II Samuel 13:7

Y-Đavit prơh bu hăn tât ma H'Tamar jêh ri lah: “Hăn hom ma ngih Y-Amnôn, jêh ri nkra ndơ sông sa ma păng.”

Mathay 13:33

Păng lah ma khân păng ma nau ngơi hôr êng: “Ƀon bri hađăch klơ trôk jêng tâm ban ma ndrui, du huê bu ur ri sŏk pot tâm pe rbâng rnih, ma tât rnih dang hao âk.”