II Samuel 13:4 - Nau Brah Ndu Ngơi 2023

⁴ Păng lah ma Y-Amnôn: “Hơi kon bu klâu hađăch, mâm ƀư ăp nar may rgay rdjoh tâm ban pônây? Mâu mbơh ma gâp gĭt?” Y-Amnôn lah ma păng: “Gâp rŏng ma H'Tamar, oh bu ur Y-Apsalôm jêng oh gâp.”

II Samuel 13:4 Iomraidhean Croise

II Samuel 13:3

Ƀiălah Y-Amnôn geh du huê băl amoh Y-Jêhônadap, kon Y-Simêa, jêng nâu Y-Đavit. Y-Jêhônadap jêng du huê bunuyh blau plĕch rlăm ngăn.

II Samuel 13:5

Y-Jêhônadap lah ma păng: “Kon bu klâu hađăch lâng bê̆ch hom ta klơ sưng bê̆ch, jan săk ji. Jêh nây tơlah mbơ̆ may hăn chop khâl, lah hom ma păng: ‘Dăn mbơ̆ ăn ma H'Tamar, oh bu ur gâp, văch nkra ndơ sông sa nhêt ma gâp. Oh gâp mra ndrăp ndơ sông sa ra năp măt gâp, gay gâp dơi saơ, jêh ri sŏk sa tă bơh ti păng.’”

I Phung Hađăch 21:5

Hađăch bu ur H'Jêsêbel hăn văch dăch ma păng jêh ri ôp: “Mâm ƀư hađăch rngot ngăn jêh ri mâu ŭch sông sa nhêt kơt nây?”

I Phung Hađăch 21:7

Hađăch bu ur H'Jêsêbel, lah: “Mâu di hĕ may chiă uănh phung Israel aƀaơ ri? Dâk hom, sông sa nhêt jêh ri geh nuih n'hâm maak. Gâp mra nkơ ma may đang krăk ƀâu Y-Nabôt, bunuyh Jesrêel.”

Êsai 3:9

Muh măt khân păng tâm mpơl an nau tâm rdâng đah khân păng nơm; Khân păng nkoch rah vah nau tih khân păng nâm bu ƀon Sôdôm, Mâu mo ôh. Rêh ni ngăn ma huêng khân păng, Yorlah khân păng hŏ ƀư nau mhĭk ma khân păng nơm!

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Kan Lêvi 18:9

Lơi bê̆ch nsum đah oh nur may nơm, nđâp lah geh du mê̆ du mbơ̆, mâu lah du mbơ̆, êng mê̆ mâu lah du mê̆, êng mbơ̆, gĭt lah bu deh jêh tâm ngih mâu lah ta ntŭk êng.

Kan Lêvi 20:17

Tơlah du huê bu klâu sŏk ruh mâu lah oh păng nơm, mâu lah du mbơ̆, mê̆ êng êng, mâu lah du mê̆, mbơ̆ êng êng, nây jêng du nau dŭt bêk prêng, bu mra ngluh lơi khân păng luh bơh phung ƀon lan. Nơm hŏ ƀư bêk jêh oh ruh păng, nơm nây mra tuy nau djơh păng.

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.