II Samuel 13:14 - Nau Brah Ndu Ngơi 2023

¹⁴ Ƀiălah Y-Amnôn mâu ŭch iăt păng ôh, jêh ri yorlah păng jêng dăng lơn, păng hŏ tom bê̆ch ndrel đah păng.

II Samuel 13:14 Iomraidhean Croise

Nau Ntơm 34:2

Y-Sichem, kon bu klâu kôranh n'gor Y-Hamôr, bunuyh Hivit, saơ H'Dina, păng nhŭp nchâp jêh nây bê̆ch ndrel ma păng.

II Samuel 12:11

Pô aơ Brah Yêhôva lah: ‘Aơ, tă bơh ngih may nơm, Gâp mra ƀư ăn nau mhĭk tât ma may. Gâp mra nhŭp phung ur may tanăp măt may jêh ri jao khân păng ma nơm chiau meng may, păng mra bê̆ch ndrel đah phung ur may ta nôk nar.

II Samuel 13:15

Jêh nau nây, Y-Amnôn tâm rmot hâu ngăn ma H'Tamar kŏ tât nau păng tâm rmot ma păng jêng toyh lơn ma đah nau rŏng ma păng ntơm saơm. Y-Amnôn lah ma păng: “Dâk hom, hăn luh!”

Êsther 7:8

Tơlah hađăch tă bơh n'gar kao ngih hađăch plơ̆ sĭt lăp ma ntŭk sông sa, Y-Haman dôl chon mon ta sưng bê̆ch ntŭk H'Êsther dôl gŭ. Hađăch lah: “Tâm ngih hađăch tanăp măt gâp, mâm dĭng păng hôm janh ƀư bêk hađăch bu ur?” Nau ngơi mhe luh bơh trôm mbung hađăch, bu nkŭm muh măt Y-Haman.

Kan Lêvi 18:9

Lơi bê̆ch nsum đah oh nur may nơm, nđâp lah geh du mê̆ du mbơ̆, mâu lah du mbơ̆, êng mê̆ mâu lah du mê̆, êng mbơ̆, gĭt lah bu deh jêh tâm ngih mâu lah ta ntŭk êng.

Nau Vay Nkah Tay 27:22

‘Di ma rak rtăp lơi ma nơm bê̆ch ndrel đah oh, ruh păng, mâu lah mbơ̆ nsum mê̆ êng mâu lah mê̆ nsum mbơ̆ êng!’ Ăn lĕ rngôch phung ƀon lan mra plơ̆ lah: ‘Amen!’

Phung Kôranh Phat Dôih 20:5

Ƀiălah phung Gibêa dâk tâm rdâng đah gâp, dôl măng khân păng nchueng jŭm ngih gâp gŭ jêh ri mĭn ŭch nkhĭt gâp. Khân păng tom ur yông gâp jêh ri păng khĭt jêh.