II Samuel 12:17 - Nau Brah Ndu Ngơi 2023

¹⁷ Phung bu ranh tâm ngih hađăch dâk êp meng gay rdâk păng tă tâm neh, ƀiălah păng mâu ŭch, jêh ri mâu sông sa n'hanh khân păng.

II Samuel 12:17 Iomraidhean Croise

Nau Ntơm 24:2

Y-Abraham lah ma oh mon păng, hŏ gŭ jŏ năm âk lơn tâm ngih păng, jêng nơm mât uănh lĕ rngôch drăp ndơ păng: “Dơm hom ti may tâm dâng kuang gâp.

Nau Ntơm 37:35

Lĕ rngôch phung kon bu klâu jêh ri kon bu ur hăn văch bonh leng păng da dê, ƀiălah păng dun lĕ nau bonh leng. Păng lah: “Gâp rngot klâng kŏ tât trŭnh tâm ƀon phung khĭt n'hanh kon gâp!” Pôri, mbơ̆ păng nhĭm ndăng yor klâng ma Y-Yôsep.

II Samuel 12:18

Tât nar tal pơh, kon se jê̆ nây khĭt. Phung oh mon Y-Đavit kam ngăn lah ma păng gĭt kon se jê̆ lĕ khĭt; yorlah khân păng lah: “Dôl kon se jê̆ hôm rêh, hên hŏ lah ma hađăch, jêh ri păng mâu iăt he ôh. Pônây mâm ƀư he nănh mbơh ma păng ma kon se jê̆ nây khĭt jêh? Gĭt lah păng klăp lah ƀư mhĭk ma păng nơm!”

II Samuel 3:35

Jêh nau nây, lĕ rngôch phung ƀon lan tât nchâp Y-Đavit sông sa piăng let êlor lôch nar, ƀiălah Y-Đavit sơm ton lah: “Tơlah êlor nar nhâp, gâp sa du glo piăng let mâu lah ndơ êng, ăn Brah Ndu rmal jâk ngăn ma gâp.”

Nau Mprơ Ơm 102:4

Nuih n'hâm gâp nâm bu kao gơ̆ bu jot mpet jêh ri kro klêu; Gâp chuêl nđâp sông sa nhêt.

Daniel 6:18

Jêh nau nây, hađăch sĭt ta ngih hađăch păng, jêh ri ât sông sa tâm măng nây mâu dăn phung êng văch ƀư maak ma păng ôh. Păng mâu dơi bê̆ch ôh.

I Samuel 28:23

Y-Sôl dun jêh ri lah: “Gâp mâu mra sông sa ôh.” Ƀiălah phung oh mon păng nđâp bu ur nây nchâp păng ngăn pôri hađăch iăt nau khân păng. Hađăch dâk tă tâm neh jêh ri hao gŭ klơ sưng.