II Samuel 12:13 - Nau Brah Ndu Ngơi 2023

¹³ Y-Đavit lah ma Y-Nathan: “Gâp hŏ ƀư tih đah Brah Yêhôva.” Y-Nathan lah ma Y-Đavit: “Brah Yêhôva jut lơi jêh nau tih hađăch, hađăch mâu mra khĭt ôh.

II Samuel 12:13 Iomraidhean Croise

Nau Ntơm 39:9

Tâm ngih aơ, mâu hôm geh ôh bunuyh jêng toyh lơn ma gâp, jêh ri kôranh gâp mâu nhhuach ôh du ntil ndơ ma gâp, knŏng ay, yorlah ay jêng ur păng. Mâm gâp dơi nănh ƀư nau mhĭk toyh kơt nĕ jêh ri ƀư tih đah Brah Ndu?”

II Samuel 24:10

Tơlah jêh nau kơp phung ƀon lan nuih n'hâm Y-Đavit nâm bu sôch bu sôr. Y-Đavit ngơi ma Brah Yêhôva: “Gâp hŏ ƀư tih toyh ngăn jêh tâm nau gâp hŏ ƀư jêh. Ƀiălah aƀaơ, hơi Brah Yêhôva! Dăn jut lơi nau kue bơh oh mon May hŏ ƀư tih, yorlah gâp ƀư jêh ma nau rluk ngăn.”

II Samuel 24:17

Saơ tông mpăr rmal phung ƀon lan, Y-Đavit ngơi ma Brah Yêhôva: “Gâp nơm hŏ ƀư tih jêh, gâp nơm ƀư jêh ma nau ƀai. Ƀiălah phung biăp aơ, moh nau khân păng mâp ƀư jêh? Mbơh sơm ti Kôranh Brah rmal ma gâp jêh ri ma ngih mbơ̆ gâp!”

I Phung Hađăch 13:4

Tơlah tăng nau bunuyh Brah Ndu nter tâm rdâng đah nơng ƀư brah ta Bêthel, hađăch Jêrôbôam yơr ti tă bơh nơng ƀư brah jêh ri lah: “Nhŭp hom păng!” Ƀiălah dôl hađăch yơr ti tâm rdâng đah bunuyh nây, nting tur hađăch jêng dăng kro ro, mâu hôm blau kôn tay đŏng ôh.

I Phung Hađăch 21:20

Y-Ahap lah ma Y-Êli: “Hơi nơm rlăng gâp, may lĕ mâp jêh gâp?” Y-Êli plơ̆ lah: “Di ngăn, gâp saơ jêh may, yorlah may hŏ tăch jêh may nơm gay ƀư nau mhĭk tanăp măt Brah Yêhôva.

I Phung Hađăch 22:8

Hađăch Israel plơ̆ lah ma Y-Jôsaphat: “Hôm geh du huê, amoh Y-Mika, kon Y-Imla. He sâm đă păng ôp Brah Yêhôva. Ƀiălah gâp tâm rmot ngăn ma păng, yorlah păng mâu mâp mbơh lor nau ueh di ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây.”

II Phung Hađăch 1:9

Hađăch prơh du huê kôranh ma prăm jât bunuyh tahan djôt leo prăm jât bunuyh tahan păng hăn hao tâm mâp đah Y-Êli. Nôk nây, Y-Êli dôl gŭ ta klơ du n'gơn yôk. Kôranh nây lah ma păng: “Hơi bunuyh Brah Ndu, hađăch lah ma may: ‘Jŭr hom!’”

I Nau Rêh Jêng 21:8

Y-Đavit lah ma Brah Ndu: “Gâp hŏ ƀư tih toyh ngăn, dôl gâp ƀư nau nây. Ƀiălah aƀaơ ri, dăn ma Kôranh Brah lơi klăp ndăng lĕ nau kue bơh oh mon May; yorlah gâp ƀư jêh ma nau rluk ngăn.”

II Nau Rêh Jêng 16:10

Y-Asa ji nuih ma nơm geh nau tâm saơ jêh ri nhŭp krŭng păng yor ma nau nây, hađăch ji nuih ngăn ma păng. Dôl nôk nây, Y-Asa tŭn jot đŏng bunuyh êng ƀaƀă tâm phung ƀon lan.

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

Ndrom Samƀŭt bơh Yôp 33:27

Bunuyh nây mra mprơ tanăp kon bunuyh pô aơ: ‘Gâp hŏ ƀư tih jêh ri nkê̆ch ăn kue nau sŏng, Ƀiălah mâu geh ôh nau rmal nâm bu nau gâp mra dơn.

Nau Mprơ Ơm 103:12

Ndah nâm ngai mpeh luh nar đah mpeh nhâp nar, Pôri đŏng Păng sŏk nkhah lơi nau tih he ngai đah he dŭm âk.

Nau Mprơ Ơm 51:16

Yorlah May mâu maak ôh ma mpa ƀư brah, nđâp lah gâp mra nhhơr. Ndơ ƀư brah gŭch ăt mâu ƀư maak nuih n'hâm May.

Nau Mprơ Ơm 51:4

Gâp hŏ ƀư tih jêh đah May, knŏng đah du huê May dơm Jêh ri ƀư nau mhĭk tâm dâng măt May. Gay ma May tâm mpơl nau sŏng srăng tơlah May ngơi Jêh ri nau kloh ueh tơlah May phat dôih.

Nau Mprơ Ơm 51:6

Aơ, May ŭch nau nanê̆ ngăn tâm nuih n'hâm; May mra nti gâp ma nau blau mĭn ta ntŭk jru ndâp tâm nuih n'hâm gâp.

Nau Ngluh Êjipt 9:27

Pharaôn kuăl Y-Môis jêh ri Y-Arôn hăn văch jêh ri lah: “Tal aơ gâp hŏ ƀư tih jêh. Brah Yêhôva jêng sŏng srăng, bi gâp jêh ri phung ƀon lan gâp jêng tih da dê.

Nau Hôr 25:12

Ma đah tôr gĭt iăt, nau nduyh bơh bunuyh blau mĭn Nâm bu du mlâm rgên mah, du ndơ nkrơ̆ đah mah chrêk.

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Êsai 38:17

Aơ, nau rngot gâp Plăch jêng nau đăp mpăn! Kôranh Brah hŏ rŏng ma huêng gâp, Djôt ngai bơh ntu kuyh ƀư rai, Yorlah Kôranh Brah klŭp jêh lĕ rngôch nau tih gâp Luh pakơi May.

Êsai 43:24

Khân may mâu sŏk prăk rvăt rpho ƀâu kah ma Gâp, Jêh ri mâu sŏk ngi mpa ƀư brah ƀư ăn Gâp mpay. Ƀiălah may sŏk nau tih may nơm ƀư ma nuih n'hâm Gâp rngot, Jêh ri sŏk nau djơh mhĭk ƀư ma Gâp rgănh jêh.

Êsai 44:22

Gâp jut jêh nau tih may tâm ban ma tŭk mbâl, Jêh ri nau tih may tâm ban ma ndâr tŭk. Plơ̆ sĭt hom ma Gâp, yorlah Gâp tâm chuai jêh may.

Nau Nhĭm Vơl 3:32

Nđâp tơlah Păng ƀư nau rngot rvê, Păng hôm e yô̆ nđach Tĭng nuih n'hâm ueh Păng toyh ngăn;

Kan Lêvi 20:10

‘Tơlah du huê bu klâu ƀư tih văng tĭr đah du huê bu ur lĕ geh sai, mâu lah đah ur nơm chiau meng păng, lĕ bu ur jêh ri bu klâu nây mra nkhĭt da dê.

Kan Lêvi 24:17

‘Mbu nơm lơh nkhĭt du huê bunuyh, bu mra nkhĭt păng.

Sakari 3:4

Tông mpăr nây lah ma phung dôl dâk tanăp păng: “Doh hom ao uk tă bơh nơm nây.” Jêh ri tông mpăr lah ma Y-Yôsuê: “Uănh hom, Gâp hŏ sŏk lơi jêh nau kue tă bơh may, jêh ri Gâp mra ăn may nsoh ao ueh.”

Mathay 14:10

Hađăch njuăl bunuyh koh trô ko Y-Yôhan tâm ndrung,

Luka 15:21

Kon ri lah ma mbơ̆: ‘Hơi mbơ̆, gâp ƀư tih jêh đah trôk jêh ri đah mbơ̆, mâu hôm khư ôh ăn may kuăl gâp jêng kon may ôh.’

Luka 18:13

Bi bunuyh riu pi gŭ ngai ngai, kŏ tât mâu nănh n'gơr măt klơ trôk, knŏng tŭr ntang ntơh jêh ri lah: ‘Ơ Brah Ndu, dăn yô̆ nđach ma gâp, yorlah gâp jêng du huê bunuyh tih!’

Kôranh Oh Mon 2:37

Jêh tăng nau ngơi nây, nuih n'hâm khân păng rngot, khân păng ôp Y-Pêtrôs ro jêh ri phung kôranh oh mon êng pô aơ: “Hơi phung oh nâu, moh nau hên mra ƀư?”

ហេឞ្រើ 9:26

Yorlah pônây, bơh ntơm rhăk njêng neh ntu kŏ tât nar aơ, Păng dơn jêh nau rêh ni âk tơ̆. Ƀiălah aƀaơ, Păng tâm mpơl jêh knŏng du tơ̆ rĭng jêh tâm nglĕ dŭt tâm lĕ rnôk rô̆ gay nhhơr Păng nơm ƀư mpa ƀư brah sŏk lơi nau tih.

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

I Samuel 15:20

Y-Sôl plơ̆ sĭt lah ma Y-Samuel: “Gâp hŏ iăt tĭng jêh nau ngơi Brah Yêhôva. Gâp lĕ ƀư tĭng nâm nau Brah Yêhôva jao ma gâp. Gâp hŏ djôt leo Y-Agak, hađăch phung Amalek sĭt, jêh ri ƀư rai jêh lĕ rngôch phung Amalek.

I Samuel 15:30

Y-Sôl lah: “Gâp lĕ ƀư tih jêh, ƀiălah yơk hom ma gâp tanăp phung kôranh bu ranh phung ƀon lan gâp, jêh ri tanăp lĕ rngôch bunuyh ƀon lan Israel. Dăn may plơ̆ văch hom ndrel ma gâp, gay ăn gâp dơi yơk mbah ma Yêhôva Brah Ndu may.”