II Samuel 12:10 - Nau Brah Ndu Ngơi 2023

¹⁰ Aƀaơ, yorlah may mưch rmot Gâp, jêh ri ntŭng ur Y-Uri, bunuyh Hitit, njêng ur may, pôri đao mâu mra rlu ôh ƀư roh-rai tât ma ngih may.’

II Samuel 12:10 Iomraidhean Croise

Nau Ntơm 20:3

Ƀiălah tâm nôk măng, Brah Ndu tâm mpơl ma Y-Abimêlek tâm nau mbơi jêh ri lah ma păng: “May mra khĭt yor bu ur may hŏ nhŭp. Păng lĕ geh sai jêh.”

II Samuel 18:33

Hađăch phit nuih n'hâm hâu ngăn, hăn hao tâm jrô ta klơ mpông ƀon jêh ri nhĭm. Dôl păng chuat păng lah: “Hơi Y-Apsalôm, kon bu klâu gâp, kon bu klâu gâp! Y-Apsalôm, kon bu klâu gâp! Ueh lơn gâp khĭt ntrok may! Hơi Y-Apsalôm, kon bu klâu gâp, kon bu klâu gâp!”

I Phung Hađăch 15:5

Yorlah Y-Đavit ƀư jêh nau ueh jêng sŏng tanăp măt Brah Yêhôva, du njăr nau rêh păng mâu chalơi du ntil nau ôh bơh nau Brah Yêhôva hŏ ntĭnh ma păng, padih ma nau đah Y-Uri, bunuyh Hitit.

Nau Hôr 17:13

Mbu nơm sŏk nau mhĭk mplơ̆ ma nau ueh, Nau mhĭk mâu mra du ôh bơh ngih păng.

Amôt 7:9

Lĕ ntŭk prêh Y-Isăk mra jêng rngol, Lĕ ntŭk kloh ueh Israel mra rai, Jêh ri Gâp mra sŏk đao ƀư rai ngih Y-Jêrôbôam.”

Nau Kơp Bunuyh 11:20

ƀiălah sa lĕ du khay, kŏ tât dôl puăch nây luh du ta trôm muh jêh ri tâm rmot ma ndơ, yorlah khân may dun jêh ma Brah Yêhôva Nơm dôl gŭ ta nklang khân may, jêh ri nhĭm tanăp Păng pô aơ: “Mâm ƀư hên dĭng du luh tă bơh Êjipt?”’”

Mathay 26:52

Brah Yêsu lah ma păng: “Ntrŭp hom đao may tâm ndrop! Yorlah mbu nơm djôt đao mra nkhĭt ma đao đŏng.

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Samƀŭt Pôl Njuăl Ăn Ma Phung Nsing Ta Ƀon Rôm 2:4

Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm?

I Têsalônik 4:8

Yor ri, mbu nơm dun nau hên ngơi, mâu di dun kon bunuyh ôh, ƀiălah jêng dun Brah Ndu, Nơm ăn jêh Brah Huêng Ueh Păng ma khân may.

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.