II Samuel 10:6 - Nau Brah Ndu Ngơi 2023

⁶ Tơlah phung Ammôn saơ ma khân păng nơm lĕ phung Y-Đavit tâm rmot, khân păng prơh phung tahan hăn lơh nkhôm klăp lah bar rmưn nuyh tahan hăn jâng bơh phung Aram ta Bêt-Rêhôp jêh ri ta Sôba, du rbăn nuyh bơh hađăch phung Maka jêh ri du rmưn bar rbăn nuyh bơh n'gor bri Tôp.

II Samuel 10:6 Iomraidhean Croise

Nau Ntơm 34:30

Y-Yakôb lah ma Y-Simêôn jêh ri Y-Lêvi: “Khân may ƀư nau uh ah tât ma gâp, ƀư ma phung bunuyh ƀon lan n'gor aơ, phung Kanaan jêh ri phung Pêrisit, mưch rmot ma gâp. Gâp knŏng geh djê̆ bunuyh, tơlah khân păng tâm rnglăp ndrel gay tâm rdâng jêh ri tâm lơh đah gâp, gâp jêh ri lĕ ngih gâp ro mra rai.”

II Samuel 10:5

Bu nkoch tay nau nây ma Y-Đavit; păng prơh hăn phung tâm mâp đah khân păng, yorlah khân păng bêng ma nau prêng. Hađăch lah ma khân păng: “Gŭ hom ta ƀon Yêrikô kŏ tât têp khân may hon tay, jêh nây plơ̆ sĭt hom.”

II Samuel 10:7

Y-Đavit tăng nau nây, păng prơh ro Y-Jôap ndrel ma phung tahan dăng ktang hăn tâm lơh đah khân păng.

II Samuel 16:21

Y-Ahitôpel lah ma Y-Apsalôm: “Hađăch hăn văch hom lăp gŭ ndrel phung ur yông mbơ̆ may, phung păng mât mray ngih hađăch. Tơlah phung Israel gĭt may hŏ tâm rmot jêh ma mbơ̆ may nây; pôri lĕ rngôch phung gŭ n'hanh may lơ jêng ktang lơn.”

II Samuel 23:34

Y-Êliphêlet kon Y-Ahasbai bơh Makatit, Y-Êliam kon Y-Ahitôpel bunuyh Gilô,

II Samuel 8:12

Phung Aram, phung Môap, phung Ammôn, phung Philistin, jêh ri phung Amalek, jêh ri păng ƀư tâm ban lĕ ndô ndơ sŏk gro bơh Y-Hadadêser kon bu klâu Y-Rêhôp hađăch n'gor Sôba.

II Samuel 8:3

Y-Đavit dơi lơh đŏng hađăch n'gor Sôba jêng Y-Hadadêser, kon Y-Rêhôp, dôl hađăch nây hăn gay ndâk đŏng nau chiă uănh ta n'gor dak krong Ơphrat.

II Samuel 8:5

Tơlah phung Aram bơh Damas văch ŭch kơl ma Y-Hadadêser, hađăch Sôba, Y-Đavit nkhĭt bar rmưn bar rbăn nuyh tahan tâm phung Aram.

I Phung Hađăch 11:24

Tơlah Y-Đavit lơh nkhĭt phung tahan hađăch n'gor Sôba, Y-Rêson rgum tay băl du rnoh bunuyh gŭ văr jŭm păng nơm jêh ri ƀư kôranh chiă uănh phung nây. Khân păng hăn rlet ma ƀon Damas, gŭ ta nây jêh ri chiă uănh ƀon nây.

II Phung Hađăch 7:6

Yorlah Kôranh Brah hŏ ƀư ăn ma phung tahan Aram tăng nteh ndeh seh, nteh seh jêh ri nteh du phung tahan toyh ngăn, pôri khân păng lah ndrăng khân păng pô aơ: “Aơ, hađăch Israel hŏ manh phung hađăch Hitit jêh ri Êjipt gay văch lơh he.”

Nau Mprơ Ơm 48:4

Tơlah phung hađăch tâm rgum Jêh ri hăn lơh ƀon.

Nau Ngluh Êjipt 5:21

Phung kôranh mbŭch ngơi: “Bar hê khân may hŏ ƀư ma hên jêng ndơ ƀơ̆ bơch tanăp măt pharaôn jêh ri phung oh mon păng, hŏ ndơ̆ jêh đao gưm tâm ti khân păng gay ma nkhĭt hên. Dăn Brah Yêhôva sek uănh jêh ri phat dôih khân may!”

Nau Hôr 25:8

Lơi ir ndal ƀư nau phat dôih, Klach lah phung chiau meng may ƀư ma may bêk prêng Pôri nglĕ dŭt mâu hôm gĭt moh may mra ƀư.

Yêrêmi 40:8

khân păng hăn mâp ma Y-Gêdalia ta ƀon Mispa. Phung kôranh tahan nây geh: Y-Ismaêl kon bu klâu Y-Nêthania, Y-Jôhanan jêh ri Y-Jônathan jêng phung kon bu klâu Y-Karêa, Y-Sêraya, kon bu klâu Y-Tanhumet, phung kon bu klâu Y-Êphai gŭ tâm ƀon Nêtôphat, jêh ri Y-Jêsanian, kon bu klâu bunuyh Makatit, ndrel ma phung tahan khân păng.

Yêrêmi 46:21

Nđâp ma phung tahan tâm lơh nkhôm gŭ ta nklang păng Nâm bu kon ndrôk lay ueh; Ƀiălah ndôn kơi nchuăt du da dê, Mâu dơi tâm rđâng ôh. Yorlah nar mhĭk tât, nar tâm rmal, Hŏ tât jêh ta klơ khân păng.

Nau Vay Nkah Tay 3:14

Y-Jar bơh ndŭl mpôl Manasê hŏ sŏk lĕ n'gor Argôp kŏ tât n'har phung Gêsurit jêh ri phung Makatit, jêh ri rnha ma ƀon jê̆ Basan ma amoh păng nơm, jêng ƀon jê̆ Jar, kŏ tât ta nar aơ.)

Phung Kôranh Phat Dôih 11:3

Pônây, Y-Jêptê nchuăt du tă bơh phung oh nâu păng jêh ri gŭ tâm n'gor Tôp. Geh du phung blă blơ tâm rnglăp ndrel đah Y-Jêptê jêh ri nsong mblêng pit in ndơ ndrel ma păng.

Phung Kôranh Phat Dôih 11:5

Dôl phung Ammôn hăn tâm lơh đah phung Israel, phung bu ranh n'gor Gilêat hăn leo Y-Jêptê sĭt tă bơh n'gor Tôp.

Phung Kôranh Phat Dôih 18:28

Mâu geh ôh nơm sâm rklaih an ma phung ƀon lan ta ƀon toyh Lais, yorlah ƀon toyh nây gŭ ngai đah Sidôn, jêh ri khân păng mâu geh ôh nau tâm rnglăp đah phung êng. Ƀon toyh nây gŭ tâm rlŭng mpeh Bet-Rêhôp. Ndŭl mpôl Dan ndâk njêng tay ƀon toyh nây jêh ri gŭ tâm nây.

I Samuel 13:4

Pônây, lĕ rngôch phung Israel lĕ gĭt jêh Y-Sôl dơi lơh pôih phung tahan Philistin, jêh ri phung Philistin tâm rmot đah phung Israel. Rnôk nây, bu kuăl phung ƀon lan hăn tĭng Y-Sôl ta Gilgal.

I Samuel 27:12

Yor ri, hađăch Akis nsing ma Y-Đavit, yorlah gŭ mĭn: “Păng ƀư ma păng nơm jêng ndơ tâm rmot ngăn đah phung Israel, jêng phung ƀon lan păng, jêh ri păng mra jêng oh mon gâp mro mrăng.”