II Samuel 10:16 - Nau Brah Ndu Ngơi 2023

¹⁶ Y-Hadadêser prơh bu hăn rgum phung tahan Aram gŭ đah ri dak krong Ơphrat; jêh ri Y-Sôbach, kôranh chiă uănh toyh phung tahan Y-Hadadêser, njŭn leo khân păng tât ta Hêlam.

II Samuel 10:16 Iomraidhean Croise

II Samuel 10:15

Phung Aram saơ phung Israel dơi jêh đah khân păng, khân păng tâm rƀŭn ndrel.

II Samuel 10:17

Tăng lư nau nây, Y-Đavit tâm rgum ndrel lĕ rngôch phung Israel, rgăn dak krong Yurdan, hăn tât ta Hêlam. Phung tahan Aram nkrĭp dăp tahan tâm lơh đah Y-Đavit.

I Phung Hađăch 11:23

Brah Ndu nsônh tay du huê êng đŏng dâk tâm rdâng đah Y-Salômôn, jêng Y-Rêson, kon Y-Êliada, Y-Rêson, jêng bunuyh du tă bơh kôranh păng jêng Y-Hadadêser, hađăch n'gor Sôba.

I Nau Rêh Jêng 18:3

Y-Đavit dơi đŏng đah Y-Hadadêser, hađăch ƀon Sôba, mpeh ma Hamat, dôl păng hăn ƀư ăn nâp nau chiă uănh tât ta dak krong Ơphrat.

I Nau Rêh Jêng 18:5

Tơlah phung Aram bơh Damas văch ŭch kơl ma Y-Hadadêser, hađăch Sôba, Y-Đavit nkhĭt bar rmưn bar rbăn nuyh tahan tâm phung Aram.

I Nau Rêh Jêng 19:16

Tơlah phung tahan Aram saơ phung Israel dơi jêh đah khân păng, khân păng prơh phung mbơh hăn gay đă phung Siri gŭ tă bơh kăl tê̆ dak krong kơl an, geh Y-Sôpach, kôranh chiă uănh toyh phung tahan, Y-Hadadêser, jêng nơm chiă uănh khân păng.