II Samuel 1:19 - Nau Brah Ndu Ngơi 2023

¹⁹ “Ơ Israel! Bunuyh lư n'găr may bu nkhĭt jêh ta ntŭk klơ dor prêh! Mâm ƀư phung janh ktang nây cha lôt!

II Samuel 1:19 Iomraidhean Croise

II Samuel 1:23

Y-Sôl jêh ri Y-Jônathan rŏng ndrăng khân păng âk ngăn, Tâm nau rêh jêh ri tâm nau khĭt, khân păng mâu tâm nkhah ôh: Khân păng prăl lơn klang lêl, Ktang lơn yau mŭr!

II Samuel 1:25

Mâm dĭng phung tahan janh ktang Cha lôt ta nklang nau tâm lơh! Y-Jônathan chôt khĭt ta klơ yôk prêh.

II Samuel 1:27

Mâm dĭng phung janh ktang lĕ chôt jêh, Jêh ri ndơ tâm lơh khân păng jêng mâu khlay, mƀăr lơi!”

Êsai 4:2

Tâm nar nây, nkeh Brah Yêhôva mra jêng ueh jêh ri chrêk rmah; play do tâm bri neh jêng nau hâk răm jêh ri n'hao nuih ma phung Israel hôm klen.

Êsai 53:2

Păng văch ma toyh jêh tanăp Brah Yêhôva tâm ban ma du nkŭr chăt, Tâm ban ma reh luh bơh neh sơh. Păng mâu geh nau ueh ôh mâu lĕ geh nau rnam gay ma he ŭch uănh; Săk jăn Păng mâu geh ueh gay ăn he ŭch rŏng ôh.

Nau Nhĭm Vơl 2:1

Hơi, mâm dĭng Kôranh Brah hao ji nuih Nkŭm tŭk krăk klơ ta kon bu ur Siôn? Păng hŏ klŭp tă bơh trôk prêh jŭr tât ta neh Nau chrêk rmah Israel; Tâm nar ji nuih, Păng mâu hôm kah gĭt ôh ma rnơl chrong jâng Păng.

Nau Nhĭm Vơl 5:16

Đon hađăch tŭp jêh bơh klơ bôk hên, Rêh ni ngăn ma hên, yorlah hên ƀư tih jêh!

Sakari 11:10

Pônây, Gâp sŏk mâng jra Gâp ntơ Nau Yô̆ jêh ri nkê̆ch lơi păng, gay chalơi nau tâm rnglăp Gâp hŏ ƀư jêh đah lĕ rngôch phung ƀon lan.

Sakari 11:7

Pôri, Gâp chiăp phung biăp dăch bu sreh nkhĭt, jêng phung biăp rêh ni ngăn. Gâp dŏng bar mlâm mâng jra: du mlâm mâng bu ntơ jêng Nau Yô̆, du mlâm mâng bu ntơ Nau Tâm Rnglăp gay ma chiăp phung biăp.

I Samuel 31:8

Nar ôi taơ, phung Philistin tât sek uănh lĕ săk jăn khĭt, saơ Y-Sôl jêh ri pe nuyh kon bu klâu păng cha lôt khĭt ta klơ yôk Gilbôa.