II Samuel 1:10 - Nau Brah Ndu Ngơi 2023

¹⁰ Pônây, gâp hăn văch dăch jêh ri nkhĭt păng, yorlah gâp gĭt păng mâu hôm rêh jêh nây păng lĕ cha lôt jêh. Jêh nau nây, gâp sŏk đon hađăch klơ bôk păng jêh ri kông ta ti păng gay djôt leo sĭt ma kôranh gâp ta aơ.”

II Samuel 1:10 Iomraidhean Croise

II Samuel 1:16

Y-Đavit lah ma păng: “Ăn mham may nkhŭt tay ta klơ bôk may nơm! Yorlah trôm mbung may nơm lĕ nkoch ma nau tih may nơm, yorlah may hŏ lah pô aơ: ‘Gâp nkhĭt jêh nơm Brah Yêhôva tŏ jêh ma dak ƀâu kah.’”

II Samuel 1:9

Păng lah tay: ‘Hăn dăch hom nkhĭt gâp, yorlah gâp rngot ngăn, ƀiălah nau rêh gâp hôm e.’

II Samuel 12:30

Hađăch sŏk lơi đon hađăch ta klơ bôk hađăch phung Ammôn jêh ri ndô ta klơ bôk păng. Đon hađăch nây njing jâk klăp lah pe jât puăn kilô mah, geh ndop lŭ khlay. Y-Đavit leo ndô ndơ sŏk gro tă bơh ƀon nây âk ngăn ngên.

II Phung Hađăch 11:12

Y-Jêhôida njŭn leo kon bu klâu hađăch luh, ndô đon hađăch jêh ri ăn Nau Tâm Rnglăp ma păng. Khân păng tŏ dak ƀâu kah mbơh nau njêng hađăch ma kon bu klâu hađăch, jêh nây khân păng tap ti jêh ri nter lah: “Hađăch gŭ rêh n'ho ro!”

Nau Nhĭm Vơl 5:16

Đon hađăch tŭp jêh bơh klơ bôk hên, Rêh ni ngăn ma hên, yorlah hên ƀư tih jêh!

Mathay 7:2

Yorlah khân may phat dôih bu pô ri bu mra phat dôih khân may tâm ban lĕ, khân may veh ma ndah âk pô ri khân păng ăt mra veh ma khân may lĕ.

Phung Kôranh Phat Dôih 1:7

Y-Adôni-Bêsek lah: “Geh pơh jât hađăch gâp koh jêh nglau ti me jêh ri nglau jâng me, dônh ndơ sông sa rmeh tŭp tâm dâng sưng gâp sông. Gâp hŏ ƀư nau nây yor ri Brah Ndu har plơng tay gâp.” Bu leo păng tât ta ƀon toyh Yêrusalem jêh ri păng khĭt ta nây.

Phung Kôranh Phat Dôih 9:54

Păng kuăl ma nau ndal du huê bu klâu ndăm nơm djôt khêl păng jêh ri lah: “Tŏk hom đao jêh ri nkhĭt lơi hom gâp, klach bu lah: ‘Du huê bu ur nkhĭt jêh gâp!’” Pônây, bu klâu ndăm nây ntâp păng jêh ri păng khĭt.

I Samuel 22:18

Yor ri, hađăch lah ma Y-Dôek: “May văch dăch hom jêh ri nkhĭt phung kôranh ƀư brah.” Y-Dôek, bunuyh Êđôm, rduh dăch nkhĭt phung kôranh ƀư brah. Tâm nar nây, păng nkhĭt pham jât ma prăm nuyh nsoh êphôt ƀư ma brai mhay.