II Kôrintô 8:9 - Nau Brah Ndu Ngơi 2023

⁹ Yorlah khân may gĭt jêh nau yô̆ Kôranh Brah he jêng Brah Yêsu Krist, Păng ndrŏng ngăn, ƀiălah plơ̆ jêng o ach yor khân may, gay yor nau o ach Păng, khân may plơ̆ jêng ndrŏng.

Bunong Bible Latin Script Cambodian dialect

⁹ Khân ay may lĕ gĭt jêh nau ueh Brah Yêsu Krist, Păng ndrŏng ngăn ta kalơ trôk, yơn ma Păng rgâl jêng o ach jêng bunuyh ta neh ntu, yor ma khân ay may, gay ma ăn khân ay may jêng ndrŏng tă bơh nau o ach Păng nây.

Bunong

⁹ ខាន់​អៃ​មៃ​លែៈ​គឹត​ជេស​នាវ​អ្វែស​ឞ្រាស​យេឆូ​ក្រីស  ពាង់​នទ្រ៝ង់​ងាន់​តា​កាលើ​ត្រោក យើន​មា​ពាង់​រាគ៝ល់​ជេង​អ៝​អាច​ជេង​ឞូនុយ្ស​តា​នែស​នតូ យ៝រ​មា​ខាន់​អៃ​មៃ គៃ​មា​អ៝ន់​ខាន់​អៃ​មៃ​ជេង​នទ្រ៝ង់​តាៈ​ឞើស​នាវ​អ៝​អាច​ពាង់​នៃ។

II Kôrintô 8:9 Iomraidhean Croise

Êsai 53:2

Păng văch ma toyh jêh tanăp Brah Yêhôva tâm ban ma du nkŭr chăt, Tâm ban ma reh luh bơh neh sơh. Păng mâu geh nau ueh ôh mâu lĕ geh nau rnam gay ma he ŭch uănh; Săk jăn Păng mâu geh ueh gay ăn he ŭch rŏng ôh.

Êsai 62:1

Yorlah Siôn, Gâp mâu mra gŭ rklăk ôh, Yorlah Yêrusalem, Gâp mâu mra rlu ôh, Kŏ tât nau sŏng srăng păng nchrat tâm ban ma nau ang, Jêh ri nau tâm rklaih păng tâm ban ma ŭnh rdo hôm hit.

Êsai 65:8

Pô aơ Brah Yêhôva lah: “Lah bu saơ ndrănh mhe tâm rkŭm play krăk ƀâu Pôri bu lah: ‘Lơi ƀư rai păng ôh, Yorlah tâm păng geh nau ueh lăng;’ Gâp ăt mra ƀư tâm ban pônây yor phung oh mon Gâp, Gay ma Gâp mâu ƀư rai lĕ rngôch khân păng.

Mathay 17:27

Ƀiălah gay mâu ƀư nau chêh prah ma khân păng, ăn may hăn ta dak mƀŭt chê̆ ndar ka, sŏk ka geh ndar lor lơn, pơk mbung păng, mra saơ du rêl prăk. Sŏk hom rêl prăk nây chê̆ pi ma Gâp nđâp ma may!”

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

Mathay 8:20

Brah Yêsu plơ̆ lah: “Phung mpik geh trôm, phung sĭm klơ trôk geh rsuăn, ƀiălah Kon Bunuyh mâu geh ntŭk dâm bôk.”

Markôs 6:3

Mâu di bơh nơm aơ jêng bunuyh trah si, kon bu klâu H'Mari, nâu Y-Yakơ, Y-Yôsê, Y-Yuđas, jêh ri Y-Simôn ƀơh? Mâu di bơh phung oh bu ur păng gŭ ta aơ ndrel he ƀơh?” Jêh ri khân păng chêh prah yor Păng.

Luka 16:11

Pôri tơlah khân may mâu răp jăp ma drăp ndơ mâu sŏng, mbu mra djôt drăp ndơ ngăn jao ma khân may?

Luka 2:7

Păng deh kon bu klâu bôk rah, sŏk bok nkŭm kon păng nơm jêh ri n'gân lâng tâm hip gơ̆, yor ntŭk njưh mâu hôm tŏng ntŭk ma khân păng.

Luka 8:3

H'Yôana ur Y-Kusa, kôranh chiă uănh ngih hađăch Hêrôt; H'Susan jêh ri âk bunuyh êng hŏ sŏk drăp ndơ khân păng gay kơl ma Kôranh Brah jêh ri phung oh mon Păng.

Luka 9:58

Brah Yêsu plơ̆ lah: “Phung mpik geh trôm, phung sĭm klơ trôk geh rsuăn, ƀiălah Kon Bunuyh mâu geh ntŭk dâm bôk.”

Yôhan 1:10

Nau Ngơi gŭ tâm neh ntu jêh ri neh ntu hŏ njêng jêh tă bơh Păng, ƀiălah neh ntu mâu gĭt năl Păng ôh.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Yôhan 12:30

Brah Yêsu lah: “Mâu di yor Gâp ôh Păng ăn tăng bâr nteh aơ, ƀiălah yor ăn ma khân may.

Yôhan 16:15

Lĕ rngôch ntil ndơ Mbơ̆ geh jêng ndơ Gâp da dê, yor ri Gâp lah jêh, Păng mra sŏk lĕ nau Gâp gay mbơh ma khân may.”

Yôhan 17:19

Kon jao săk Kon ma khân păng, gay ma khân păng geh nau kloh ueh tâm nau ngăn.

Samƀŭt Pôl Njuăl Ăn Ma Phung Nsing Ta Ƀon Rôm 11:12

Tơlah nau ƀư tih khân păng ƀư ndrŏng jêh ma neh ntu, jêh ri tơlah nau rai yot khân păng hŏ ƀư ndrŏng ma phung bu năch, nau bêng ler khân păng mra lơ hô ƀư ndrŏng rlau lơn âk ngăn!

Samƀŭt Pôl Njuăl Ăn Ma Phung Nsing Ta Ƀon Rôm 15:3

Yorlah Brah Krist mâu mâp ƀư maak ma Păng nơm, tâm ban geh nau nchih: “Nau suai rak tă bơh phung mưch rmot ma May, tŭp jêh ta gâp.”

Samƀŭt Pôl Njuăl Ăn Ma Phung Nsing Ta Ƀon Rôm 5:8

Ƀiălah Brah Ndu tâm mpơl nau Păng rŏng ma he, dôl he hôm jêng bunuyh tih, Brah Krist khĭt ntrok an ma he.

Samƀŭt Pôl Njuăl Ăn Ma Phung Nsing Ta Ƀon Rôm 8:32

Brah Ndu mâu nhhuach Kon Păng nơm, ƀiălah Păng jao jêh Kon nây ma lĕ rngôch he, mâm ƀư Păng mâu ăn lĕ ntil ndơ ndrel Kon nây ma he?

I Kôrintô 1:4

Gâp tâm rnê lah ueh ma Brah Ndu mro yor khân may, yorlah Păng ăn nau yô̆ ma khân may tâm Brah Yêsu Krist;

I Kôrintô 15:47

Bunuyh lor lơn luh tă bơh neh jêng ndơ neh ntu; bunuyh rơh bar luh tă bơh trôk.

II Kôrintô 6:10

uănh nâm bu rngot, ƀiălah răm maak mro; uănh nâm bu nau ndĭt trơi, ƀiălah hên ƀư đŏng ma âk bunuyh ndrŏng; uănh nâm bu mâu geh ndơ ôh, ƀiălah geh đŏng lĕ rngôch.

Êphêsô 2:7

gay mpơl ma lĕ rnôk dăch tât gĭt năl nau rmeh ler mâu blau dŭt tâm nau yô̆ Păng, tă bơh nau ueh Păng ăn jêh ma he tâm Brah Yêsu Krist.

Êphêsô 3:19

jêh ri dơi gĭt năl nau rŏng Brah Krist, jêng nau rŏng rlau lơn ma lĕ rngôch nau gĭt rbăng, gay ma khân may bêng ler lĕ ntil ndơ âk rmeh bơh Brah Ndu.

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

I Timôthê 6:18

Ăn khân păng ƀư kan ueh, ƀư âk kan ueh maak, geh nuih n'hâm lŏng, rơm ndrăp jêh tâm pă ma bu;

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

Nau Tâm Mpơl 2:9

‘Gâp gĭt năl nau rêh ni jêh ri nau o ach may, ƀiălah may jêng ndrŏng ngăn! Gâp gĭt lĕ nau nchơt bơh phung kơp êng săk khân păng nơm jêng phung Yuđa, ƀiălah nanê̆ mâu di, ƀiălah khân păng jêng phung ngih rƀŭn Satan.

Nau Tâm Mpơl 21:7

Mbu nơm dơi, păng mra dơn lĕ nau aơ jêng drăp ndơn; Gâp mra jêng Brah Ndu păng, jêh ri păng mra jêng kon Gâp.

Nau Tâm Mpơl 3:18

Yor nây, Gâp nkah may rvăt hom mah Gâp hŏ srŏng jêh ma ŭnh, gay ma may mra jêng ndrŏng; rvăt lĕ ao nglang jêh ri nsoh gay ma nau rhôk may mâu mpơl ôh, jêh ri rvăt dak si mhĭng măt may gay ma may dơi saơ.