II Kôrintô 3:3 - Nau Brah Ndu Ngơi 2023

³ Rah vah ngăn khân may jêng blah samƀŭt bơh Brah Krist, nchih jêh tă bơh nau pah kan hên, mâu di nchih ma dak ôch, ƀiălah ma Brah Huêng Ueh Brah Ndu gŭ rêh mro mrăng; mâu di nchih ta kađar lŭ, ƀiălah nchih ta lĕ kađar nuih n'hâm kon bunuyh.

Bunong Bible Latin Script Cambodian dialect

³ Hên jan kar ăn ma khân ay may nơh, ndri dâng khân ay may nây jêng tâm ban ma du mlŏm samƀŭt i bu say lĕ gĭt lah, kar hên jan nây tă bơh Brah Krist nơm ngăn. Samƀŭt i nây mâu ôh geh nchih ma dak krăk, jêng nchih ma Brah Huêng Ueh Kôranh Brah nơm, Kôranh Brah i rêh ngăn, mâu ôh di samƀŭt i nchih ta rlat lŭ tâm ban ma nau vay Môsê kăl e nơh, jêng samƀŭt i nchih ta nuih n'hâm bunuyh.

Bunong

³ ហេន​ជាន​ការ​អ៝ន់​មា​ខាន់​អៃ​មៃ​នើស នទ្រី​ទឹង​ខាន់​អៃ​មៃ​នៃ​ជេង​តឹម​ឞាន​មា​ទូ​មល៝ម់​ឆ៝ម់បុត​អី​ឞូ​ឆៃ​លែៈ​គឹត​លាស ការ​ហេន​ជាន​នៃ​តាៈ​ឞើស​ឞ្រាស​ក្រីស  ​នើម​ងាន់។ ឆ៝ម់បុត​អី​នៃ​មោ​អោស​គែស​ញចីស​មា​ទាក​ក្រាក់ ជេង​ញចីស​មា​ឞ្រាស​ហ្វេង​អ្វែស​កោរាញ​ឞ្រាស​នើម កោរាញ​ឞ្រាស​អី​រេស​ងាន់ មោ​អោស​ទី​ឆ៝ម់បុត​អី​ញចីស​តា​រាលាត​លុ​តឹម​ឞាន​មា​នាវ​វៃ​មោឆេ  ​កាល់​អែ​នើស ជេង​ឆ៝ម់បុត​អី​ញចីស​តា​នូយ្ស​នហ៝ម់​ឞូនុយ្ស។

II Kôrintô 3:3 Iomraidhean Croise

Nau Mprơ Ơm 40:8

Ơ Kôranh Brah Ndu gâp, gâp maak ngăn ƀư tĭng nau mĭn May ŭch. Nau vay May gŭ tâm nuih n'hâm gâp.

Nau Mprơ Ơm 42:2

Huêng gâp ji hir ma Brah Ndu, Jêng Brah Ndu gŭ rêh mro mrăng. Ndah jŏ gâp mra văch Jêh ri dơi mâp tanăp Brah Ndu?

Nau Mprơ Ơm 84:2

Huêng gâp ŭch ngăn kŏ tât huăr hươi Ma nkual nhuang Brah Yêhôva; Nuih n'hâm jêh ri nglay săk gâp hă bâr mprơ tâm rnê Ma Brah Ndu gŭ rêh mro mrăng.

Nau Ngluh Êjipt 24:12

Brah Yêhôva lah ma Y-Môis: “Hao hom ta yôk, tât ta Gâp jêh ri gŭ kâp Gâp ta nây. Gâp mra ăn ma may ndap lŭ ta nây Gâp hŏ nchih jêh nau vay jêh ri nau vay ntăm gay nti phung ƀon lan.”

Nau Ngluh Êjipt 31:18

Lôch jêh ngơi đah Y-Môis ta yôk Sinai, Brah Yêhôva ăn ma păng bar Rlat Nau Tâm Rnglăp ma lŭ tă bơh nglau ti Brah Ndu nchih.

Nau Ngluh Êjipt 32:15

Y-Môis hăn trŭnh bơh yôk, ti păng djôt bar Rlat Nau Tâm Rnglăp. Lĕ Rlat Nau Tâm Rnglăp nây nchih klơ lĕ bar ding, mpeh panăp jêh ri mpeh pakơi.

Nau Ngluh Êjipt 34:1

Brah Yêhôva ngơi ma Y-Môis: “Trah hom bar rlat lŭ nâm bu bar rlat alor, jêh nây Gâp mra nchih ta klơ bar rlat aơ lĕ nau ngơi hŏ geh ta klơ bar rlat may mbang nchah lơi jêh.

Nau Hôr 3:3

Lơi ta ăn nau ueh jêh ri nau nanê̆ ngăn chalơi may; Văn hom păng ta trô ko may, Nchih păng tâm trôm nuih n'hâm may.

Nau Hôr 7:3

Kât nâp hom păng ta nglau ti may, Nchih nsêr păng tâm trôm nuih n'hâm may.

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yêrêmi 17:1

“Nau tih ƀon lan Yuđa dơi nchih đah mâng nchih loih, Tor kach ma chiông lŭ mplanh diamôn, Ta klơ tâm trôm nuih n'hâm jêh ri ta nke lĕ nơng ƀư brah khân păng,

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Êsêkiêl 11:19

Gâp mra ăn ma khân păng nuih n'hâm mhe, dơm tâm khân păng nau mĭn mhe, sŏk lơi nuih n'hâm ma lŭ luh bơh nglay săk khân păng jêh ri ăn ma khân păng nuih n'hâm ma puăch

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Mathay 16:16

Y-Simôn Pêtrôs ơh: “May jêng Brah Krist, Kon Brah Ndu gŭ rêh mro mrăng.”

I Kôrintô 3:5

Lah ndrĭ, mbu nơm jêng Y-Apôlôs? Mbu nơm jêng Y-Pôl? Khân păng knŏng jêng phung oh mon, yor ma khân păng yơh khân may chroh jêh, tĭng nâm Kôranh Brah dăp jêh ma ăp nơm.

II Kôrintô 3:6

Păng yơh ăn ma hên geh nau blau gay pah kan ma nau tâm rnglăp mhe, mâu di nau tâm rnglăp ma rplay samƀŭt nchih ôh, ƀiălah nau tâm rnglăp tâm Brah Huêng Ueh, yorlah rplay samƀŭt djôt leo nau khĭt, ƀiălah Brah Huêng Ueh ăn nau rêh.

II Kôrintô 3:7

Yorlah, tơlah nau pah kan djôt leo tât nau khĭt, bu tor kach rplay samƀŭt ta kađar lŭ, ƀiălah hôm tât ma nau chrêk rmah, ƀư ma phung Israel mâu dơi uănh ta muh măt Y-Môis, yor nau ral chrêk rmah, nđâp tơlah nau chrêk rmah nây rgăn ngăch,

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

ហេឞ្រើ 10:16

Kôranh Brah lah: “Aơ jêng nau tâm rnglăp Gâp mra ƀư ma khân păng: Pakơi lĕ nar nây, Gâp mra dơm nau vay Gâp tâm nuih n'hâm khân păng Jêh ri nchih prăp tâm nau mĭn khân păng.”

ហេឞ្រើ 8:10

Kôranh Brah lah: “Aơ jêng nau tâm rnglăp Gâp mra ƀư ma ngih Israel: Pakơi lĕ nar nây, Gâp mra dơm nau vay Gâp tâm nau mĭn khân păng, Jêh ri nchih prăp tâm nuih n'hâm khân păng. Gâp mra jêng Brah Ndu khân păng, Jêh ri khân păng mra jêng phung ƀon lan Gâp.

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!

Yôsuê 3:10

Jêh ri Y-Yôsuê lah: “Yor nau nây, khân may mra gĭt ma Brah Ndu gŭ rêh mro mrăng gŭ ta nklang khân may, Păng mra mprơh lĕ phung Kanaan, phung Hitit, phung Hivit, phung Pêrisit, phung Girgasit, phung Amôrit, jêh ri Jêbusit du tă bơh năp khân may.

Nau Tâm Mpơl 2:1

“Nchih hom ma phung tông mpăr ma Phung Ngih Brah Ndu ta ƀon Êphêsô pô aơ: Aơ jêng nau ngơi Nơm djôt pơh mănh mbing tâm ti ma, jêh ri hăn ta nklang pơh jâng kađen mah:

Nau Tâm Mpơl 2:12

“Nchih hom ma phung tông mpăr Phung Ngih Brah Ndu ta ƀon Pergam nâm pô aơ: Aơ jêng nau ngơi bơh Nơm geh đao bar măt mplônh ngăn:

Nau Tâm Mpơl 2:18

“Nchih hom ma phung tông mpăr ma Phung Ngih Brah Ndu ta ƀon Thiatir pô aơ: Aơ jêng nau Kon Brah Ndu lah, Nơm geh măt tâm ban ma mpiăt ŭnh jêh ri jâng păng jêng nâm bu kông tho chrêk:

Nau Tâm Mpơl 2:8

“Nchih hom ma phung tông mpăr Phung Ngih Brah Ndu ta ƀon Smirna pô aơ: Aơ jêng nau ngơi Nơm Lor Lơn jêh ri Nglĕ Dŭt, Nơm hŏ khĭt jêh, jêh ri dâk rêh tay:

Nau Tâm Mpơl 3:1

“Nchih hom ma phung tông mpăr ma Phung Ngih Brah Ndu ta ƀon Sardis pô aơ: Aơ jêng nau ngơi Nơm geh pơh huêng Brah Ndu, jêh ri pơh mănh mbing: ‘Gâp gĭt lĕ kan may; may geh nau lư rêh ƀiălah may jêng khĭt.

Nau Tâm Mpơl 3:14

“Nchih hom ma tông mpăr Phung Ngih Brah Ndu ta ƀon Laođisê pô aơ: Aơ jêng nau ngơi Nơm Amen, Nơm mbơh nkoch răp jăp jêh ri nanê̆ ngăn, jêng tơm ma nau Brah Ndu rhăk njêng:

Nau Tâm Mpơl 3:22

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu.”

Nau Tâm Mpơl 3:7

“Nchih hom ma phung tông mpăr Phung Ngih Brah Ndu ta ƀon Philađelphi: Aơ jêng nau ngơi tă bơh Nơm Kloh Ueh jêh ri Nanê̆ Ngăn, jêng Nơm geh keh khuă Y-Đavit, jêng Nơm pơk mâu hôm geh bunuyh dơi nchăng, Nơm nchăng mâu hôm geh bunuyh dơi pơk:

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”