ហេឞ្រើ 9:27 - Nau Brah Ndu Ngơi 2023

²⁷ Tĭng nâm bu hŏ nal jêh ma kon bunuyh mra khĭt du tơ̆, jêh nây dơn nau phat dôih.

Bunong Bible Latin Script Cambodian dialect

²⁷ Dâng lĕ bunuyh geh khât du tơ̆ dơm, jêh ri Kôranh Brah nơm phat dôih,

Bunong

²⁷ ទឹង​លែៈ​ឞូនុយ្ស​គែស​ខឹត​ទូ​តឹ​ទើម ជេសរី​កោរាញ​ឞ្រាស​នើម​ផាត​ទោយ្ស‌

ហេឞ្រើ 9:27 Iomraidhean Croise

Nau Ntơm 3:19

May pah kan tât luh dak rhal ta ndăr kleng Ri mơ geh ndơ sông sa Kŏ tât nar may plơ̆ sĭt ta neh, Jêng ntŭk may luh bơh ta nây. Yorlah May jêng ndruyh neh, May mra plơ̆ sĭt tay ma ndruyh neh.”

II Samuel 14:14

Lĕ rngôch he mra khĭt yơh, tâm ban ma dak lĕ nkhŭt jêh klơ neh, mâu hôm blau rƀŭn ndrel ôh. Ƀiălah Brah Ndu mâu mra sŏk lơi ôh nau rêh; ƀiălah, Păng gĭt tĭng joi trong gay nơm bu mprơh jêh mâu ăn du ngai đah Păng.

Ndrom Samƀŭt bơh Yôp 14:5

Mrô nar ma nau rêh bunuyh bơh Kôranh Brah lĕ nal jêh, Mrô khay năm knŏng tâm Păng yơh, Jêh ri ndah dŭt May tâm nal jêh, mâm dơi rlau.

Ndrom Samƀŭt bơh Yôp 19:25

Bi gâp, gâp gĭt Nơm Tâm Chuai gâp hôm e rêh. Tât nglĕ dŭt Păng mra dâk ta neh ntu.

Ndrom Samƀŭt bơh Yôp 30:23

Gâp gĭt Kôranh Brah mra njŭn leo gâp lăp nau khĭt, Jêng ntŭk tâm nal ăn ma lĕ rngôch bunuyh rêh.

Nau Mprơ Ơm 89:48

Mbu jêng bunuyh gŭ rêh jêh ri mâu saơ nau khĭt ôh? Mbu mra tâm rklaih huêng păng nơm bơh nau dơi phung khĭt? (Sêla)

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Nơm Nti 12:14

Yorlah Brah Ndu mra djôt leo phat dôih lĕ rngôch kan, Ndrel ma lĕ rngôch nau ndâp, nđâp lah ueh mâu lah mhĭk.

Nơm Nti 12:7

Jêh ri ndruyh neh plơ̆ sĭt tâm neh nâm bu kơt saơm, Bi huêng plơ̆ sĭt ndrel Brah Ndu jêng Nơm hŏ ăn păng.

Nơm Nti 3:2

Geh năng deh, geh năng khĭt; Geh năng srih tăm, geh năng rôk ndơ hŏ tăm;

Nơm Nti 3:20

Lĕ rngôch nsum du ntŭk da dê; lĕ rngôch luh bơh ndruyh neh, lĕ rngôch mra plơ̆ sĭt ma ndruyh neh.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Nơm Nti 9:5

Bunuyh rêh gĭt ma nau păng nơm mra khĭt, Ƀiălah phung khĭt mâu mra gĭt du ntil ôh; Mâu hôm geh nau nkhôm ăn ma khân păng, Yorlah nau ndray ma khân păng hŏ tŭp tâm nau chuêl jêh.

Luka 20:32

Nglĕ dŭt, bu ur nây khĭt tâm ban lĕ.

Kôranh Oh Mon 17:31

Yorlah Păng tâm nal jêh du nar, Păng mra phat dôih neh ntu ma nau sŏng srăng bơh Bunuyh Păng hŏ rdâk jêh. Jêh ri gay ma nau mbơh ăn nanê̆ ma lĕ rngôch bunuyh saơ, Păng hŏ ƀư ma Bunuyh dâk rêh tay jêh bơh nau khĭt.”

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Samƀŭt Pôl Njuăl Ăn Ma Phung Nsing Ta Ƀon Rôm 5:12

Yor nây, tâm ban ntơm bơh du huê bunuyh nau tih lăp jêh tâm neh ntu, jêh ri bơh nau tih geh nau khĭt, pônây yơh nau khĭt hŏ hao lip tât ma lĕ rngôch bunuyh, yorlah lĕ rngôch bunuyh ƀư tih da dê.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

II Timôthê 4:1

Tanăp Brah Ndu jêh ri Brah Yêsu Krist, jêng Nơm mra phat dôih phung rêh jêh ri phung khĭt, jêh ri yor nau Păng tâm mpơl tât jêh ri ƀon bri hađăch Păng, gâp mbơh ăn ma may:

ហេឞ្រើ 10:27

ƀiălah klach ngăn gŭ kâp ma nau phat dôih jêh ri ŭnh hit ngăn mra sa phung tâm rdâng.

ហេឞ្រើ 6:2

nau ntĭm nti ma lĕ nau ƀư ƀaptem, nau pah ti, nau dâk rêh tay tă bơh nau khĭt jêh ri nau phat dôih n'ho ro.

I Yôhan 4:17

Tă bơh nau aơ, nau rŏng jêng nŭm rĭng tâm he gay ma he geh nuih n'hâm nâp tâm nar phat dôih; yor mâm nau Păng jêng, he jêng kơt nây đŏng tâm neh ntu aơ.

Yuđas 1:15

gay ƀư nau phat dôih ma lĕ rngôch bunuyh, jêh ri tâm rmal lĕ rngôch phung mâu yơk ma lĕ nau mâu yơk khân păng ƀư tih jêh, jêh ri ma lĕ nau ngơi sưr bơh phung tih mâu yơk hŏ lah jêh tâm rdâng đah Păng.”

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.