ហេឞ្រើ 9:24 - Nau Brah Ndu Ngơi 2023

²⁴ Yorlah Brah Krist mâu lăp ôh tâm ntŭk kloh ueh bơh ti bunuyh ƀư, jêng rup ntŭk kloh ueh ngăn, ƀiălah Păng lăp jêh ƀon ueh klơ trôk, gay aƀaơ aơ Păng tâm tang he hăn tât tanăp Brah Ndu.

Bunong Bible Latin Script Cambodian dialect

²⁴ Brah Krist mâu ôh lăp ta chun bok ta jrô ntŭk kloh ueh i bunuyh jan gay ma mâp Kôranh Brah, jrô i nây mâu di ôh ndơ i ngăn, bu man ma jan tâng kơt ndơ ta kalơ trôk ri dơm. Yơn ma Brah Krist lĕ lăp ta ntŭk ta kalơ trôk ri, gay ma mâp Kôranh Brah nơm, Păng gŭ ta nây gay ma sơm dăn ăn ma bân.

Bunong

²⁴ ឞ្រាស​ក្រីស  ​មោ​អោស​លាប់​តា​ចូន​ឞ៝ក​តា​ជ្រោ​នតុក​ក្ល៝ស​អ្វែស​អី​ឞូនុយ្ស​ជាន​គៃ​មា​ម៝ប់​កោរាញ​ឞ្រាស ជ្រោ​អី​នៃ​មោ​ទី​អោស​នទើ​អី​ងាន់ ឞូ​មាន​មា​ជាន​តឹង​កើត​នទើ​តា​កាលើ​ត្រោក​រី​ទើម។ យើន​មា​ឞ្រាស​ក្រីស  ​លែៈ​លាប់​តា​នតុក​តា​កាលើ​ត្រោក​រី គៃ​មា​ម៝ប់​កោរាញ​ឞ្រាស​នើម ពាង់​គុ​តា​នៃ​គៃ​មា​ឆើម​ទាន់​អ៝ន់​មា​ឞ៝ន់។

ហេឞ្រើ 9:24 Iomraidhean Croise

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Nau Ngluh Êjipt 28:12

May mra nkrêp bar mlâm lŭ khlay nây ta klơ bar ding săng nglik êphôt, jêng ndray lĕ găr lŭ khlay ndray ma phung kon bu klâu Y-Israel. Y-Arôn mra văn amoh khân păng ta bar ding săng nglik păng jêng nau kah gĭt tanăp Brah Yêhôva nâm bu du nau ndray.

Nau Ngluh Êjipt 28:29

Kơt nây, lah lăp tâm Ntŭk Kloh Ueh, Y-Arôn mra văn ta ntơh păng amoh phung kon bu klâu Israel tâm ndơ văn ntang ntơh ma nau phat dôih, tâm ban du nau ndray ƀaƀơ tanăp Brah Yêhôva.

Sakari 3:1

Brah Yêhôva tâm mpơl đŏng ma gâp saơ kôranh ƀư brah toyh lơn Y-Yôsuê dâk panăp tông mpăr Brah Yêhôva, jêh ri Satan gŭ mpeh pa ma păng ŭch phong păng.

Mathay 18:10

“Njrăng hom, lơi tâm rmot ma du huê tâm phung kon se jê̆ aơ! Yorlah Gâp lah ma khân may, phung tông mpăr khân păng gŭ klơ trôk saơ ƀaƀơ muh măt Mbơ̆ Gâp jêng Nơm gŭ klơ trôk.

Markôs 14:58

“Hên tăng jêh păng lah: ‘Gâp mra ƀư rai lơi ngih brah ti kon bunuyh ndâk njêng; tâm pe nar Gâp mra ndâk tay du ngih brah êng, mâu di ti kon bunuyh ƀư ôh.’ ”

Markôs 16:19

Jêh ngơi kơt nây, Brah Ndu chông Păng hao klơ trôk, gŭ mpeh pa ma Brah Ndu.

Luka 24:51

Dôl ăn nau ueh uĭn, Păng du tă bơh phung oh mon jêh ri dơi djôt leo hao klơ trôk.

Yôhan 16:28

Gâp luh jêh tă bơh Mbơ̆ văch ta neh ntu, jêh ri Gâp du tă bơh neh ntu gay plơ̆ sĭt ma Mbơ̆.”

Yôhan 6:62

Pôri, tơlah khân may saơ Kon Bunuyh hao ta ntŭk Păng gŭ bơh saơm mâm mêh?

Kôranh Oh Mon 3:21

Nơm nây mra dơi prăp klơ trôk kŏ tât rnôk lĕ rngôch ndơ njêng tay, tâm ban Brah Ndu hŏ lah ma bâr mbung phung nơm mbơh lor kloh ueh ntơm bơh rbăn năm kăl e.

Samƀŭt Pôl Njuăl Ăn Ma Phung Nsing Ta Ƀon Rôm 8:33

Mbu nơm mra phong ma phung Brah Ndu săch, nôk Brah Ndu jêng Nơm kơp sŏng srăng ma phung bunuyh nây?

II Kôrintô 5:1

Yorlah he gĭt tơlah ngih njưh he ta neh ntu geh nau rai, he mra geh ngih tâm trôk n'ho ro gŭ ta klơ trôk, tă bơh Brah Ndu ndâk njêng, mâu di tă bơh ti kon bunuyh ôh.

Kôlôh 3:2

Rvê mĭn hom lĕ ndơ klơ trôk, lơi mĭn rvê ôh lĕ ndơ tâm neh ntu,

ហេឞ្រើ 1:3

Kon jêng chrat ang nau chrêk rmah Brah Ndu jêh ri jêng rup di ngăn ma Brah Ndu nơm. Păng sŏk nau brah Păng gay ma kơl lĕ rngôch ndơ. Jêh Păng ƀư kloh nau tih, Păng gŭ mpeh pa ma Nơm Dŭt Prêh ta klơ trôk.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

ហេឞ្រើ 4:14

Yor nây, yorlah he geh du huê kôranh ƀư brah toyh lơn găn jêh lĕ ndâr trôk jêng Brah Yêsu, Kon Brah Ndu, pôri djôt nâp hom lĕ nau he mbơh.

ហេឞ្រើ 6:20

jêng ntŭk Brah Yêsu, Nơm Lor Pa Năp, hăn lăp yor ma he, jêh ri jêng kôranh ƀư brah toyh lơn n'ho ro tĭng mpôl Mêlkisedek.

ហេឞ្រើ 8:2

jêng bunuyh pah kan tâm ntŭk kloh ueh, jêng ngih bok ngăn, bơh Kôranh Brah ndâk, mâu di bơh bunuyh ôh.

ហេឞ្រើ 8:5

Nau khân păng pah kan jêng rup jêh ri gui ma lĕ nau geh gŭ ta klơ trôk; yorlah tơlah Y-Môis ntơm ƀư ngih bok, Brah Ndu ntĭnh ntăm ma păng pô aơ: “Njrăng hom, ƀư lĕ kan tĭng nâm rup hŏ ntĭm ăn may ta klơ yôk.”

ហេឞ្រើ 9:1

Pôri, nau tâm rnglăp tal nguay geh đŏng lĕ nau tâm nal ma nau yơk mbah jêh ri du Ntŭk Kloh Ueh ta neh ntu.

ហេឞ្រើ 9:23

Pôri, tơlah lĕ rup ma lĕ ndơ gŭ klơ trôk rnơm lĕ mpa ƀư brah nây gay geh nau ƀư kloh, pôri lĕ ndơ klơ trôk rnơm ma mpa ƀư brah ueh lơn gay geh nau kloh.

ហេឞ្រើ 9:9

Nau nây jêng nau tâm ntĭt ma rnôk aƀaơ, tĭng nâm nau nây lĕ ndơ nhhơr jêh ri mpa ƀư brah nhhơr mâu dơi blau ƀư ma nuih n'hâm sŏng nơm yơk mbah geh nau dŭt ueh ngăn,

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.

Nau Tâm Mpơl 8:3

Geh du huê tông mpăr êng djôt khăl mah ndơ ƀâu kah văch dăch nơng ƀư brah. Bu ăn ma păng âk ndơ ƀâu kah gay ma păng nhhơr ndrel ma lĕ nau mbơh sơm bơh lĕ rngôch phung kloh ueh ta nơng ƀư brah mah gŭ panăp sưng hađăch.