ហេឞ្រើ 9:14 - Nau Brah Ndu Ngơi 2023

¹⁴ rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!

Bunong Bible Latin Script Cambodian dialect

¹⁴ lah ndri ƀŏn rlau ma i nây ƀah, mham Brah Krist jan ăn nuih n'hâm nau mân bân ăn kloh bơh nau tih, gay ma bân dơi yơk mbah ngăn ma Kôranh Brah i rêh ngăn, yorlah Brah Krist i mâu ôh geh nau ma nduih, nhhơr săk Păng nơm ăn ma Kôranh Brah ta nau dơi Brah Huêng Ueh i hôm n'ho ro.

Bunong

¹⁴ លាស​នទ្រី​ប៝ន់​រាលាវ​មា​អី​នៃ​បាស មហាម​ឞ្រាស​ក្រីស  ​ជាន​អ៝ន់​នូយ្ស​នហ៝ម់​នាវ​មឹន​ឞ៝ន់​អ៝ន់​ក្ល៝ស​ឞើស​នាវ​តីស គៃ​មា​ឞ៝ន់​ទើយ​យើក​មឞាស​ងាន់​មា​កោរាញ​ឞ្រាស​អី​រេស​ងាន់ យ៝រ​លាស​ឞ្រាស​ក្រីស  ​អី​មោ​អោស​គែស​នាវ​មា​នទុយ្ស ញហើរ​ឆាក់​ពាង់​នើម​អ៝ន់​មា​កោរាញ​ឞ្រាស​តា​នាវ​ទើយ​ឞ្រាស​ហ្វេង​អ្វែស​អី​ហោម​នហ៝​រ៝។

ហេឞ្រើ 9:14 Iomraidhean Croise

II Samuel 4:11

Rlau lơn ma phung janh ƀai nkhĭt lơi du huê bunuyh sŏng srăng lâng bê̆ch ta klơ sưng bê̆ch tâm ngih păng nơm! Pôri aƀaơ, mâm ƀư gâp mâu kêh mham păng tâm ti khân may, jêh ri ƀư rai khân may bơh klơ neh ntu?”

II Phung Hađăch 19:16

Ơ Brah Yêhôva, dăn ma may rkêng hom tôr jêh ri iăt! Ơ Brah Yêhôva, dăn ma may lin hom măt jêh ri uănh treng! Iăt hom lĕ nau ngơi Y-Sênakêrip njuăl tât gay mưch rmot ma Brah Ndu gŭ rêh mro mrăng.

Ndrom Samƀŭt bơh Yôp 15:16

N'hơn lah ma du huê nơm tih mhĭk, bu rmot, Ƀư nau tih mhĭk nâm bu nhêt dak!

Nau Mprơ Ơm 51:2

Dăn rao kloh lĕ nau djơh mhĭk Jêh ri ƀư kloh lĕ nau tih gâp.

Nau Ngluh Êjipt 12:5

Nhŭp hom tâm mpôl phung biăp mâu lah tâm mpôl phung be khân may, du mlâm biăp kon nkuăng mâu lah be kon nkuăng tâm du năm, mâu geh têl khap ôh;

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 53:9

Bu ăn môch Păng ndrel ma phung ƀai, Ƀiălah tơlah khĭt, bu tâp Păng ndrel ma du huê bunuyh ndrŏng, Nđâp tơlah Păng mâu mâp ƀư nau mhĭk kđôi lĕ, Jêh ri trôm mbung Păng mâu mâp ngơi nau mƀruh ôh.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Êsêkiêl 45:18

Kôranh Brah Yêhôva lah: “Năng nguay khay nguay, ăn may sŏk hom du mlâm ndrôk nkuăng ndăm mâu geh têl khap jêh ri ƀư kloh ntŭk kloh ueh.

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Kan Lêvi 22:20

Khân may mâu dơi nhhơr ôh du mlâm mpô mpa geh têl khap yorlah mpa nây gâp mâu mra dơn ôh.

Nau Kơp Bunuyh 28:11

“Ăp tơ̆ bôk khay, ăn may nhhơr ma Brah Yêhôva bar mlâm ndrôk nkuăng rah, du mlâm biăp nkuăng jêh ri pơh mlâm biăp kon nkuăng bêng du năm mâu geh ôh ntŭk mhĭk jêng ndơ ƀư brah gŭch;

Nau Kơp Bunuyh 28:3

Pôri may lah hom ma phung ƀon lan Israel pô aơ: ‘Aơ jêng ndơ ƀư brah ăn ŭnh sa khân may mra nhhơr ma Brah Yêhôva: Ăp nar bar mlâm biăp kon nkuăng du năm deh, mâu geh ntŭk mhĭk ôh, jêng ndơ ƀư brah gŭch mro mrăng.

Nau Kơp Bunuyh 28:9

“Tâm nar saƀat, ăn may nhhơr bar mlâm biăp kon nkuăng bêng du năm, mâu geh ôh ntŭk mhĭk, ndrel ma ndơ nhhơr nhêt jêh ri ndơ ƀư brah rnih môi glom geh bar kilô rnih môi tâm pach đah dak ngi.

Mathay 12:28

Bi tơlah Gâp mprơh phung brah mhĭk tâm amoh Brah Huêng Ueh Brah Ndu, pôri ƀon bri hađăch Brah Ndu hŏ tât ma khân may jêh.

Mathay 16:16

Y-Simôn Pêtrôs ơh: “May jêng Brah Krist, Kon Brah Ndu gŭ rêh mro mrăng.”

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

Mathay 7:11

Kơt nây, tơlah khân may jêng bunuyh mhĭk, hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ khân may gŭ klơ trôk mâu mra ăn ndơ ueh ma mbu nơm dăn ma Păng mâm ƀư?

Luka 1:74

Pô aơ nôk he dơi kơl rklaih tă bơh ti phung rlăng, Păng mra ăn ma he dơi pah kan ma Păng mâu geh nau klach ôh,

Luka 12:24

Uănh hom ma phung nđak: Khân păng mâu mâp nsrih, mâu rek, mâu đŏng geh jay mâu lah jay prăp drăp ndơ khlay, ƀiălah Brah Ndu hôm siăm khân păng. Khân may jêng khlay rlau lơn ma phung sĭm nây!

Luka 12:28

Hơi phung bunuyh geh djê̆ nau chroh, tơlah kao gơ̆ nar aơ hôm rêh tâm mir, ôi taơ bu mra mƀăr păng tâm ŭnh năk, pôri Brah Ndu hôm ăn nsoh ueh kơt nĕ, rlau lơn ma khân may.

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.

Yôhan 3:34

Yorlah Nơm Brah Ndu hŏ njuăl văch jêh mbơh knoch nau ngơi Brah Ndu, yorlah Brah Ndu ăn Brah Huêng Ueh ma Păng mâu geh dŭt.

Kôranh Oh Mon 1:2

kŏ tât ta nar Brah Ndu sŏk Păng hao klơ trôk, jêh Păng nsing ma Brah Huêng Ueh gay ntĭm nti ma phung kôranh oh mon Păng săch jêh.

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Kôranh Oh Mon 15:9

Păng mâu tâm nkhah phung he đah phung bu năch jêng êng êng ôh, ƀiălah Păng ƀư kloh nuih n'hâm khân păng ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 1:20

Lĕ nau Brah Ndu măt kon bunuyh mâu dơi saơ, nâm bu ntĭt nau brah n'ho ro jêh ri nau brah Păng nơm, ntơm bơh rhăk njêng neh ntu, bu hŏ dơn gĭt jêh rah vah tơlah ntreng uănh lĕ ndơ Păng njêng; yor nây khân păng mâu dơi koh dŏng khân păng nơm ôh.

Samƀŭt Pôl Njuăl Ăn Ma Phung Nsing Ta Ƀon Rôm 1:4

tâm nau brah huêng kloh ueh, yorlah Păng dâk rêh tay jêh tă bơh nau khĭt, dơi mbơh nkoch jêng Kon Brah Ndu nau brah, jêng Brah Yêsu Krist Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 11:12

Tơlah nau ƀư tih khân păng ƀư ndrŏng jêh ma neh ntu, jêh ri tơlah nau rai yot khân păng hŏ ƀư ndrŏng ma phung bu năch, nau bêng ler khân păng mra lơ hô ƀư ndrŏng rlau lơn âk ngăn!

Samƀŭt Pôl Njuăl Ăn Ma Phung Nsing Ta Ƀon Rôm 11:24

Yorlah tơlah êng may, may ơm jêng tơm ôlive bri, Păng koh jêh ri ndop tâm tơm ôlive ueh, êng đah nau mơng, rlau lơn ma khân păng ơm jêng phung n'gĭng mơng khư dơi ndop lăp tơm ôlive khân păng nơm rlau lơn.

Samƀŭt Pôl Njuăl Ăn Ma Phung Nsing Ta Ƀon Rôm 6:13

Lơi nhhơr lĕ kô̆ săk jăn khân may ƀư ndơ dŏng djơh mhĭk ma nau tih, ƀiălah nhhơr hom khân may nơm ma Brah Ndu tâm ban ma phung bunuyh hŏ dâk rêh tay jêh bơh nau khĭt, jêh ri nhhơr lĕ kô̆ săk jăn khân may nơm ƀư ndơ dŏng nau sŏng srăng ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 6:22

Ƀiălah aƀaơ khân may hŏ geh nau tâm rklaih jêh bơh nau tih jêh ri plơ̆ jêng ƀư dĭk ma Brah Ndu, khân may geh play kao jêng nau kloh ueh, jêh ri nglĕ dŭt geh nau rêh n'ho ro.

I Kôrintô 15:45

Nâm bu geh nau nchih: “Bunuyh lor lơn jêng Y-Ađam, hŏ plơ̆ jêng bunuyh rêh,” ƀiălah Y-Ađam nglĕ dŭt jêng brah ăn ma nau rêh.

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Galati 2:19

Yorlah ma nau vay yơh, gâp khĭt jêh ma nau vay nây gay gŭ rêh ma Brah Ndu.

Êphêsô 2:5

pôri nôk he lĕ khĭt jêh yor lĕ nau tih he, Păng ƀư ăn he dâk rêh tay ndrel ma Brah Krist — nây jêng tă bơh nau yô̆ yơh khân may dơi geh nau tâm rklaih —

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

Nau Vay Nkah Tay 15:21

Ƀiălah tơlah khân păng geh ntŭk kuet rvĕn, chieh măt, mâu lah geh nau mhĭk êng đŏng, lơi nhhơr ma Yêhôva Brah Ndu khân may ôh,

Nau Vay Nkah Tay 17:1

“Khân may mâu dơi ôh nhhơr ma Yêhôva Brah Ndu du mlâm ndrôk nkuăng mâu lah du mlâm biăp geh têl khap mâu lah geh ntŭk kuet, yorlah nau nây jêng nau Yêhôva Brah Ndu khân may tâm rmot.

Nau Vay Nkah Tay 31:27

yorlah gâp gĭt nau tâm rdâng jêh ri nau dăng bôk khân may. Nar aơ, dôl gâp hôm e rêh ndrel khân may khân may hŏ tâm rdâng đah Brah Yêhôva, sa ang lah gâp lĕ khĭt!

Nau Vay Nkah Tay 33:27

Brah Ndu gŭ rêh n'ho ro jêng ntŭk du krap, Ti n'ho ro bơh Păng kơl an he. Păng mra nsot phung rlăng du luh bơh măt khân may Jêh ri lah: ‘Ƀư rai hom khân păng!’

Nau Vay Nkah Tay 5:26

Yorlah mbu nơm tâm phung bunuyh tăng jêh bâr Brah Ndu gŭ rêh mro mrăng ngơi tă bơh tâm nklang ŭnh nâm bu phung hên ƀiălah hôm rêh?

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

I Timôthê 1:17

Dăn nau yơk jêh ri nau chrêk rmah n'ho ro mâu blau lôch jêng ndơ ma Hađăch lĕ rngôch rnôk, mâu blau khĭt, mâu geh rup, nâm bu ntĭt Brah Ndu, knŏng nguay! Amen.

I Timôthê 3:15

gay tơlah gâp băt tât, pô ri may gĭt đŏng nau gŭ ngao tâm ngih Brah Ndu, jêng Phung Ngih Brah Ndu rêh, ntur jêh ri meh ma nau ngăn.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 1:3

Kon jêng chrat ang nau chrêk rmah Brah Ndu jêh ri jêng rup di ngăn ma Brah Ndu nơm. Păng sŏk nau brah Păng gay ma kơl lĕ rngôch ndơ. Jêh Păng ƀư kloh nau tih, Păng gŭ mpeh pa ma Nơm Dŭt Prêh ta klơ trôk.

ហេឞ្រើ 10:10

Tĭng nau ŭch mĭn nây, he geh nau kloh ueh ma nau nhhơr săk jăn Brah Yêsu Krist du tơ̆ nây dơm rĭng jêh.

ហេឞ្រើ 10:12

Ƀiălah Brah Krist yor nau tih nhhơr jêh ƀư brah chuai nau tih knŏng du tơ̆ jêh ri n'ho ro, jêh nây gŭ mpeh pa ma Brah Ndu;

ហេឞ្រើ 10:2

Tơlah geh pônây khân păng rlu jêh nhhơr mpa ƀư brah, yorlah phung yơk mbah geh nau ƀư kloh du tơ̆ rĭng jêh; khân păng mâu hôm kah gĭt ma nau tih khân păng đŏng ôh?

ហេឞ្រើ 10:22

pôri ăn he sŏk hom nuih n'hâm nanê̆ ngăn ndrel ma nau chroh nâp, nuih n'hâm ăn dơi kloh jêh tă bơh nuih n'hâm djơh mhĭk, săk jăn rao kloh ma dak rsang văch dăch Brah Ndu.

ហេឞ្រើ 11:21

Yor ma nau chroh, Y-Yakôp nôk dăch khĭt ăn nau ueh uĭn jêh ma bar hê kon Y-Yôsep, jêh ri yơk mbah Brah Ndu dôl păng kuăn rdâng mâng jra păng nơm.

ហេឞ្រើ 13:12

Yor nau nây, Brah Yêsu dơn nau rêh ni padih mpông ƀon gay sŏk mham Păng nơm ƀư kloh ueh ma phung ƀon lan.

ហេឞ្រើ 3:12

Hơi phung oh nâu, njrăng hom, klach lah geh nơm tâm phung khân may geh nuih n'hâm mhĭk jêh ri mâu chroh kŏ tât chalơi Brah Ndu rêh.

ហេឞ្រើ 6:1

Pôri, ăn he lơi lĕ nau nti nơih ma nau chroh bơh Brah Krist, gay hăn tât nau văch ma toyh; lơi hôm dơm lĕ nau mbon đŏng: nau tâm rmal ma lĕ nau kan khĭt, nau chroh ma Brah Ndu,

ហេឞ្រើ 7:16

jêng kôranh ƀư brah mâu di tĭng nâm nau vay bơh kon bunuyh ôh, ƀiălah tĭng nâm nau brah bơh nau rêh mâu blau khĭt.

ហេឞ្រើ 7:27

Păng mâu tâm ban ma phung kôranh ƀư brah toyh êng, Păng mâu hôm nhhơr mpa ƀư brah ăp nar, lor lơn ma nau tih khân păng nơm, jêh ri ma nau tih phung ƀon lan. Păng nhhơr Păng nơm jêng mpa ƀư brah knŏng du tơ̆ rĭng jêh.

ហេឞ្រើ 9:12

Păng lăp jêh tâm Ntŭk Dŭt Kloh Ueh du tơ̆ rĭng jêh, mâu dŏng ma mham be nkuăng jêh ri kon ndrôk ôh, ƀiălah dŏng ma mham Păng nơm gay djôt leo tât nau tâm chuai n'ho ro ma he.

ហេឞ្រើ 9:26

Yorlah pônây, bơh ntơm rhăk njêng neh ntu kŏ tât nar aơ, Păng dơn jêh nau rêh ni âk tơ̆. Ƀiălah aƀaơ, Păng tâm mpơl jêh knŏng du tơ̆ rĭng jêh tâm nglĕ dŭt tâm lĕ rnôk rô̆ gay nhhơr Păng nơm ƀư mpa ƀư brah sŏk lơi nau tih.

ហេឞ្រើ 9:7

Ƀiălah tâm jrô tal bar, knŏng kôranh ƀư brah toyh lơn lăp ta nây du tơ̆ du năm, jêh ri djôt leo mham gay nhhơr ndơ ƀư brah chuai nau tih ma păng nơm jêh ri ma phung ƀon lan.

ហេឞ្រើ 9:9

Nau nây jêng nau tâm ntĭt ma rnôk aƀaơ, tĭng nâm nau nây lĕ ndơ nhhơr jêh ri mpa ƀư brah nhhơr mâu dơi blau ƀư ma nuih n'hâm sŏng nơm yơk mbah geh nau dŭt ueh ngăn,

I Pêtrôs 1:19

ƀiălah ma mham khlay Brah Krist, nâm bu mham du mlâm kon biăp geh ntŭk kuet, mâu geh têl khap,

I Pêtrôs 2:22

“Păng mâu mâp ƀư tih ôh, Tâm trôm mbung Păng mâu mâp saơ nau mƀruh lĕ.”

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

I Pêtrôs 4:2

gay ma dôl hôm gŭ rêh tâm nglay săk, khân may mâu hôm gŭ rêh tĭng nâm nau bunuyh kơnh ŭch ôh, ƀiălah tĭng nâm Brah Ndu ŭch.

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

I Yôhan 3:5

Khân may gĭt Păng tâm mpơl jêh gay sŏk lơi nau tih; tâm Păng mâu geh nau tih ôh.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”