ហេឞ្រើ 9:10 - Nau Brah Ndu Ngơi 2023

¹⁰ ƀiălah jêng knŏng tât ma ndơ sông sa, ndơ nhêt jêh ri lĕ nau rƀŭn ƀư kloh êng, jêng lĕ nau vay nchâp nglay săk djôt prăp kŏ tât rnôk nau tâm rgâl.

Bunong Bible Latin Script Cambodian dialect

¹⁰ Yorlah ndơ jan tâng nau đă ta nau tâm rnglăp ơm, đă ma ndơ sông sa, ndơ nhêt, ndrel ma ndơ jut rao săk êng êng dơm, nau đă i nây man ma geh ta săk jăn, jêh ri geh nau khlay n'ho ma tât nau đă ta nau tâm rnglăp i ueh rlau.

Bunong

¹⁰ យ៝រ​លាស​នទើ​ជាន​តឹង​នាវ​ដាៈ​តា​នាវ​តឹម​រាង្លាប់​អើម ដាៈ​មា​នទើ​ឆោង​ឆា នទើ​ញេត នទ្រែល​មា​នទើ​ជូត​រាវ​ឆាក់​អេងៗ​ទើម នាវ​ដាៈ​អី​នៃ​មាន​មា​គែស​តា​ឆាក់​ជាន់ ជេសរី​គែស​នាវ​ខ្លៃ​នហ៝​មា​ត៝ត់​នាវ​ដាៈ​តា​នាវ​តឹម​រាង្លាប់​អី​អ្វែស​រាលាវ។

ហេឞ្រើ 9:10 Iomraidhean Croise

Nau Ngluh Êjipt 29:4

May mra njŭn Y-Arôn jêh ri phung kon bu klâu păng tât ta mpông Ngih Bok Nau Tâm Rƀŭn jêh nây sŏk dak jut rao khân păng.

Nau Ngluh Êjipt 40:12

Jêh nây may njŭn leo Y-Arôn jêh ri phung kon bu klâu păng tât ta mpông Ngih Bok Nau Tâm Rƀŭn jêh ri rao khân păng ma dak.

Êsêkiêl 4:14

Gâp lah: “Ơ Yêhôva Brah Ndu! Huêng gâp mâu mâp ƀư ƀơ̆ ôh. Ntơm bơh jê̆ tât aƀaơ ri, gâp mâu mâp sa ôh mpô mpa khĭt măt mâu lah mpô mpa bri hêk sa, jêh ri mâu lĕ geh ndơ ƀơ̆ lăp jêh tâm trôm mbung gâp.”

Kan Lêvi 13:58

Ƀiălah kho ao, brai mhay, brai ek ndrŭng mâu lah moh ndơ ƀư ma ntâu, jêng ndơ khân may hŏ pih jêh ri têl mbrĭng roh jêh ăn bu djôt plơ̆ pih tal bar jêh ri ndơ nây mra jêng kloh.”

Kan Lêvi 16:24

Păng mra ŭm săk jăn păng tâm du ntŭk kloh ueh, nsoh tay bok ao păng nơm jêh ri hăn luh nhhơr ndơ ƀư brah gŭch ma păng nơm jêh ri ndơ ƀư brah gŭch ma phung ƀon lan, gay ƀư nau rƀŭn chuai nau tih ma păng nơm jêh ri ma phung ƀon lan.

Kan Lêvi 16:4

Y-Arôn mra nsoh ao jong kloh ueh ma bok mhay, kho gleh ma bok mhay, rêt rse vân bŭt ma bok mhay jêh ri ndô môk ma bok mhay đŏng. Nây jêng kôp bok ao kloh ueh Y-Arôn mra nsoh lah păng lôch jêh ŭm tâm dak.

Kan Lêvi 22:6

nơm nây mra jêng ƀơ̆ tât kêng măng jêh ri mâu dơi sa ôh ndơ nhhơr kloh ueh, lah păng ê hŏ ŭm tâm dak.

Nau Kơp Bunuyh 6:3

păng mra ver ndrănh jêh ri ndơ nhêt geh ndrui; mâu dơi nhêt ôh srat ƀư tă bơh ndrănh mâu lah ndơ nhêt geh ndrui. Bunuyh nây mâu dơi nhêt ôh dak krăk ƀâu mâu lah sa krăk ƀâu nse mâu lah krăk ƀâu kro jêh.

Markôs 7:4

nôk khân păng sĭt tă bơh ngih tăch drăp, tơlah ê hŏ rao ti khân păng mâu đŏng sông sa. Phung nây hôm djôt prăp âk ntil nau êng êng đŏng nâm bu nau rao kachok ngan, glah yăng jêh ri lĕ ndơ dŏng ma kông).

Galati 4:9

Ƀiălah aƀaơ khân may gĭt năl jêh Brah Ndu, mâu lah di lơn jêng Brah Ndu gĭt năl jêh khân may, mâm ƀư khân may ŭch plơ̆ sĭt ma lĕ ntil brah huêng rdja, o ach nây? Mâm ƀư khân may ŭch plơ̆ tay ƀư dĭk?

Êphêsô 1:10

gay tât nôk bêng rĭng, rgum lĕ rngôch ndơ tâm Brah Krist, nđâp ndơ klơ trôk jêh ri ndơ tâm neh ntu.

Êphêsô 2:15

Bơh săk jăn Păng nơm, Păng hŏ chalơi nau vay ndrel ma nau vay ntăm jêh ri nau ntrŭnh, gay bơh bar mpôl, Păng rhăk njêng jêng du kon bunuyh mhe tâm Păng nơm, kơt nây nau đăp mpăn dơi jêng;

Nau Vay Nkah Tay 21:6

Lĕ rngôch phung kôranh bu ranh ƀon êp lơn đah nơm bu nkhĭt mra rao ti khân păng ta klơ ndrôk me druh bu dong pă trô ko tâm dak n'hor,

Nau Vay Nkah Tay 23:11

Ƀiălah tât kêng mhaơ, păng mra ŭm tâm dak, jêh ri lah nar nhâp, păng mra plơ̆ lăp tay tâm rmlak tahan.

Kôlôh 2:16

Pôri, lơi ăn bu phat dôih khân may ma ndơ sông sa, ma ndơ nhêt, ma nar rƀŭn, ma nar khay mhe, mâu lah nar saƀat,

ហេឞ្រើ 10:22

pôri ăn he sŏk hom nuih n'hâm nanê̆ ngăn ndrel ma nau chroh nâp, nuih n'hâm ăn dơi kloh jêh tă bơh nuih n'hâm djơh mhĭk, săk jăn rao kloh ma dak rsang văch dăch Brah Ndu.

ហេឞ្រើ 13:9

Lơi ăn lĕ nau nti êng leo khân may; yorlah nuih n'hâm tă bơh nau yô̆ geh nau nâp ktang jêng ueh, mâu di tă bơh lĕ ma ndơ sông sa ôh, nau nây mâu jêng khlay ôh ma phung bunuyh djôt prăp lĕ nau nây.

ហេឞ្រើ 2:5

Ngăn, Brah Ndu mâu dơm neh ntu tâm nar kăndơ̆ dôl he ngơi nây gŭ tâm dâng nau dơi phung tông mpăr.

ហេឞ្រើ 6:2

nau ntĭm nti ma lĕ nau ƀư ƀaptem, nau pah ti, nau dâk rêh tay tă bơh nau khĭt jêh ri nau phat dôih n'ho ro.

ហេឞ្រើ 6:5

mâp chiăm jêh nau ueh tâm nau ngơi Brah Ndu, jêh ri nau brah ma rnôk rô̆ mra tât;

ហេឞ្រើ 7:12

Nau pah kan kôranh ƀư brah tâm rgâl jêh, pôri nau vay ŭch geh nau tâm rgâl đŏng.

ហេឞ្រើ 7:16

jêng kôranh ƀư brah mâu di tĭng nâm nau vay bơh kon bunuyh ôh, ƀiălah tĭng nâm nau brah bơh nau rêh mâu blau khĭt.

ហេឞ្រើ 9:1

Pôri, nau tâm rnglăp tal nguay geh đŏng lĕ nau tâm nal ma nau yơk mbah jêh ri du Ntŭk Kloh Ueh ta neh ntu.