ហេឞ្រើ 8:9 - Nau Brah Ndu Ngơi 2023

⁹ Mâu di nâm bu nau tâm rnglăp Gâp ƀư jêh đah phung chô yau khân păng ôh, Tâm nar Gâp kuăn ti khân păng têk njŭn du luh tă bơh n'gor Êjipt. Yorlah khân păng mâu răp jăp djôt prăp nau tâm rnglăp Gâp, Pôri Gâp chalơi khân păng,” Kôranh Brah lah pônây:

Bunong Bible Latin Script Cambodian dialect

⁹ Nau tâm rnglăp mhe dja mâu ôh tâm ban ma nau tâm rnglăp nôk Gâp tâm rnglăp ndrel u che khân păng, Nôk Gâp têk khân păng du lôh bơh bri Êsip nơh. Khân păng mâu ôh gŭ răp jăp ndjôt tâng nau tâm rnglăp ndrel Gâp nây, Ndri Gâp kŏ mâu hôm gŭ ndrel ma khân păng đŏng’, dja jêng nau ngơi Kôranh Brah nơm.

Bunong

⁹ នាវ​តឹម​រាង្លាប់​មហែ​អ្យា​មោ​អោស​តឹម​ឞាន​មា​នាវ​តឹម​រាង្លាប់​នោក​គ៝ប់​តឹម​រាង្លាប់​នទ្រែល​អូ​ចែ​ខាន់​ពាង់‌ នោក​គ៝ប់​តេក​ខាន់​ពាង់​ទូ​លោស​ឞើស​ឞ្រី​អេឆីប  ​នើស។ ខាន់​ពាង់​មោ​អោស​គុ​រាប់​ជាប់​ញអោត​តឹង​នាវ​តឹម​រាង្លាប់​នទ្រែល​គ៝ប់​នៃ‌ នទ្រី​គ៝ប់​ក៝ៈ​មោ​ហោម​គុ​នទ្រែល​មា​ខាន់​ពាង់​ដ៝ង់» អ្យា​ជេង​នាវ​ងើយ​កោរាញ​ឞ្រាស​នើម។

ហេឞ្រើ 8:9 Iomraidhean Croise

Nau Ntơm 19:16

Yor nau yô̆ nđach Brah Yêhôva rĭ dĭng tâm nôk Y-Lot hôm bem ir, bar hê tông mpăr hŏ kuăn ti mphâk păng, ur păng jêh ri bar hê phung kon bu ur păng du luh bơh ƀon nây.

Ndrom Samƀŭt bơh Yôp 8:20

Ri, Brah Ndu mâu chalơi ôh bunuyh răp jăp, Mâu lĕ tâm rnglăp ma bunuyh djơh mhĭk.

Nau Mprơ Ơm 105:43

Tâm ban pônây, Păng njŭn phung ƀon lan Păng du luh ma nau răm maak, Leo phung Păng săch du luh tâm nau maak.

Nau Mprơ Ơm 77:20

May dŏng ti Y-Môis jêh ri Y-Arôn Gay ma njŭn leo phung ƀon lan May nâm bu du phung biăp.

Nau Mprơ Ơm 78:57

Ƀiălah khân păng rŭch jêh ri mâu răp jăp nâm bu phung chô yau khân păng; Khân păng kue kuăt nâm bu na geh nau kue.

Nau Ngluh Êjipt 32:8

Khân păng hŏ chalơi ndal trong Gâp hŏ ntĭm nti jêh, tŏ njêng jêh ma khân păng nơm du mlâm rup ndrôk kon, yơk mbah ma rup nây, nhhơr ndơ ƀư brah ma păng jêh ri lah: ‘Ơ phung Israel! Aơ jêng brah hŏ ngluh jêh khân may luh bơh n'gor Êjipt!’”

Nau Ngluh Êjipt 34:10

Brah Yêhôva ngơi: “Aơ, Gâp ƀư du nau tâm rnglăp tanăp lĕ rngôch phung ƀon lan may lĕ kan khlay hâu ngăn, lĕ nau kan ê hŏ mâp ƀư tâm neh ntu mâu lah tâm du bri dak. Lĕ rngôch ntil mpôl bunuyh gŭ jŭm may mra saơ nau kan bơh Brah Yêhôva, yorlah Gâp bơi ƀư du nau kan ma may jêng du nau klach krit ngăn.

Nau Mprơ Ueh 8:5

Mbu dôl bơh bri rdah hăn hao, Mbin nsing ma nơm păng rŏng? Tâm dâng tơm si mandragôr gâp hŏ rlay may, Ta ntŭk aơ yơh mê̆ may hŏ hŏt rgănh yor may, Ta ntŭk aơ yơh mê̆ may ma nau ji deh may.

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 41:13

Yorlah Gâp jêng Yêhôva Brah Ndu may, Nơm kuăn ti ma may Jêh ri lah ma may pô aơ: “Lơi klach ôh, Gâp yơh mra kơl may.”

Êsai 51:18

Tâm phung kon bu klâu Yêrusalem deh jêh, Mâu geh du huê têk păng ôh; Tâm lĕ rngôch phung kon bu klâu păng rong, Mâu geh ôh du huê tât kuăn ti păng.

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Yêrêmi 31:32

Nau tâm rnglăp aơ mâu di nâm bu nau tâm rnglăp Gâp ƀư jêh đah phung chô yau khân păng tâm nar Gâp kuăn ti têk njŭn khân păng du luh tă bơh n'gor Êjipt, nau tâm rnglăp khân păng hŏ ƀư rai lơi jêh, nđâp lah Gâp jêng Sai khân păng,” Brah Yêhôva lah pônây.

Nau Nhĭm Vơl 4:16

Brah Yêhôva hŏ ƀư chah rai khân păng, Păng mâu uănh treng khân păng đŏng ôh. Kôranh ƀư brah mâu nănh n'gơr măt, Phung bu ranh mâu geh nau bu yơk ôh.

Êsêkiêl 16:59

Yorlah Brah Yêhôva lah pô aơ: “Ay hŏ tâm rmot jêh nau ay ton ƀư rai lơi nau tâm rnglăp Gâp, yor nây Gâp mra ƀư ma ay tâm di đah ay ƀư jêh.

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Amôt 5:22

Nđâp tơlah khân may nhhơr ma Gâp ndơ ƀư brah gŭch jêh ri ndơ ƀư brah rnih môi, Gâp mâu mra dơn ôh ndơ nây; Gâp mâu treng uănh ôh ma lĕ mpô mpa lay khân may dŏng ƀư ndơ ƀư brah ma nau đăp mpăn.

Malachi 2:13

Aơ jêng nau tal bar khân may mra ƀư: Khân may sŏk dak măt, nau nhĭm nhhiăng, nau nter vơl gay nkŭm lơi nơng ƀư Brah Yêhôva, yor Păng mâu hôm rle uănh ôh jêh ri mâu dơn ôh lĕ ndơ ƀư brah nhhơr tă bơh ti khân may.

Markôs 8:23

Păng kuăn ta ti bunuyh chieh măt, njŭn leo păng luh bơh ƀon, mhĭng dak diu ta trôm măt jêh ri pah ti ta păng, jêh nây ôp: “May saơ lĕ ndô ndơ?”

Kôranh Oh Mon 13:11

Aơ, aƀaơ aơ ti Kôranh Brah rmal may; may mra chieh măt, mâu saơ nar tâm jŏ đê̆.” Ƀât lât, nau chieh măt, nau ngo tŭp ta Y-Êlimas; păng hăn but bi, joi bunuyh kuăn ti gay ma njŭn păng nơm hăn.

Kôranh Oh Mon 7:36

Păng hŏ njŭn leo khân păng luh, ƀư lĕ nau khlay, nau mbên khlay tâm n'gor Êjipt, ta Dak Mƀŭt Chăng, jêh ri ntŭk bri rdah tâm puăn jât năm.

Kôranh Oh Mon 9:8

Y-Sôl dâk tă bơh ta neh, măt păng hôm lin ƀiălah mâu saơ ôh. Bu kuăn ta ti njŭn leo păng sĭt ta ƀon Đamas.

Galati 4:24

Nau aơ tâm ntĭt lĕ bar hê nây jêng bar nau tâm rnglăp. Du nau tâm rnglăp ta yôk Sinai, deh ma kon ăn jêng dĭk, nây jêng H'Agar.

Nau Vay Nkah Tay 29:1

Aơ jêng lĕ nau ngơi tâm nau tâm rnglăp Brah Yêhôva ntĭm jêh ma Y-Môis ăn ƀư đah phung ƀon lan Israel ta n'gor Môap, rlau ma nau tâm rnglăp Păng hŏ ƀư jêh ma khân păng ta yôk Hôrep.

Nau Vay Nkah Tay 29:12

gay ma khân may dơi lăp tâm rnglăp đah Yêhôva Brah Ndu jêh ri nau Păng ton ƀư jêh đah khân may,

Nau Vay Nkah Tay 29:25

Bu mra ơh pô aơ: ‘Yorlah khân păng hŏ dun jêh nau tâm rnglăp đah Yêhôva Brah Ndu phung chô yau khân păng ƀư jêh đah khân păng nôk Păng njŭn leo khân păng luh bơh n'gor Êjipt.