ហេឞ្រើ 7:26 - Nau Brah Ndu Ngơi 2023

²⁶ N'hêl nanê̆ ngăn, Păng jêng kôranh ƀư brah toyh jêng Nơm he ŭch: kloh ueh, mâu geh nau tih, mâu geh nau ƀơ̆, tâm nkhah jêh đah phung tih, geh nau n'hao prêh rlau lơn ma lĕ ndâr trôk.

Bunong Bible Latin Script Cambodian dialect

²⁶ Iăt ma bân geh kôranh jan brah dŭt kuŏng i kloh ueh, mâu geh nau ma nduih, mâu ôh geh nau tih, Păng gŭ ta ntŭk mâu geh bunuyh tih, n'ho ma Kôranh Brah ăn Păng gŭ ta ntŭk dŭt prêh ta kalơ trôk i ntŭk Kôranh Brah nơm, Păng i nây Brah Yêsu.

Bunong

²⁶ អ្យាត់​មា​ឞ៝ន់​គែស​កោរាញ​ជាន​ឞ្រាស​ទុត​ក្វ៝ង់​អី​ក្ល៝ស​អ្វែស មោ​គែស​នាវ​មា​នទុយ្ស មោ​អោស​គែស​នាវ​តីស ពាង់​គុ​តា​នតុក​មោ​គែស​ឞូនុយ្ស​តីស នហ៝​មា​កោរាញ​ឞ្រាស​អ៝ន់​ពាង់​គុ​តា​នតុក​ទុត​ព្រេស​តា​កាលើ​ត្រោក​អី​នតុក​កោរាញ​ឞ្រាស​នើម ពាង់​អី​នៃ​ឞ្រាស​យេឆូ  ។

ហេឞ្រើ 7:26 Iomraidhean Croise

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Nau Ngluh Êjipt 28:36

Ăn may ƀư đŏng du pŏk jê̆ mah chrêk jêh ri chrăk klơ nây, tâm ban ma bu chrăk ndơ tâp pŏng, lĕ rplay samƀŭt: ‘KLOH UEH MA BRAH YÊHÔVA.’

Êsai 53:9

Bu ăn môch Păng ndrel ma phung ƀai, Ƀiălah tơlah khĭt, bu tâp Păng ndrel ma du huê bunuyh ndrŏng, Nđâp tơlah Păng mâu mâp ƀư nau mhĭk kđôi lĕ, Jêh ri trôm mbung Păng mâu mâp ngơi nau mƀruh ôh.

Êsêkiêl 44:27

Ta nar kôranh ƀư brah nây lăp tâm ntŭk kloh tâm nkual ta trôm gay pah kan ta nây, pôri păng mra nhhơr du ndơ ƀư brah chuai nau tih păng nơm, Kôranh Brah Yêhôva lah pônây.

Nau Kơp Bunuyh 29:26

Ta nar tal prăm, khân may nhhơr hom sĭn mlâm ndrôk nkuăng, bar mlâm biăp nkuăng, jêh ri jât ma puăn mlâm biăp kon nkuăng bêng du năm mâu geh têl khap.

Mathay 27:18

Yorlah păng gĭt, yor nau nach, khân păng jao Brah Yêsu jêh.

Markôs 16:19

Jêh ngơi kơt nây, Brah Ndu chông Păng hao klơ trôk, gŭ mpeh pa ma Brah Ndu.

Luka 1:35

Tông mpăr plơ̆ lah: “Brah Huêng Ueh mra gŭ ta klơ ay, jêh ri nau brah tă bơh Nơm Dŭt Prêh mra nkŭm nkâm ay; yor nây nau jŭr deh kon kloh ueh bu mra kuăl jêng Kon Brah Ndu.

Luka 23:22

Pilat lah tay ma khân păng tơ̆ tal pe: “Moh nau mhĭk Păng ƀư jêh? Gâp mâu joi saơ tâm păng geh nau tih khư nkhĭt ôh. Yor nây, gâp mra dong jêh ri mƀơk păng sĭt.”

Luka 23:41

He geh nau rmal jêng di jêh, yorlah he sŏk dơn nau rmal khư ma nau he ƀư; ƀiălah nơm aơ mâu mâp ƀư tih ôh.”

Luka 23:47

Saơ nau tât jêh, kôranh tahan tâm rnê Brah Ndu pô aơ: “Nanê̆ bunuyh aơ jêng bunuyh sŏng srăng!”

Luka 24:26

Mâu di hĕ Brah Krist dơn lĕ nau nđêh nji tâm ban pônây jêh nây Păng hăn lăp tâm nau chrêk rmah Păng?”

Luka 24:46

Păng lah: “Geh nau bu nchih jêh ma Brah Krist dơn nau nđêh nji, tât nar rơh pe mra dâk rêh tay tă bơh nau khĭt;

Yôhan 14:30

Gâp mâu mra hôm ngơi âk ma khân may ôh, yorlah nơm chiă uănh neh ntu aơ văch. Păng mâu geh nau dơi đah Gâp ôh,

Yôhan 8:29

Nơm tơm njuăl Gâp gŭ ndrel ma Gâp, mâu ôh chalơi Gâp gŭ êng, yorlah Gâp ƀư ueh nuih n'hâm Păng ƀaƀơ.”

Kôranh Oh Mon 3:14

Khân may dun jêh Nơm Kloh Ueh jêh ri Nơm Sŏng Srăng, ƀiălah khân may dăn yô̆ an ma khân may du huê nơm vay nkhĭt bunuyh.

Kôranh Oh Mon 4:27

N'hêl nanê̆ ngăn, Hêrôt jêh ri Pôns Pilat ndrel ma phung bu năch jêh ri phung Israel hŏ rgum ndrel ta ƀon aơ, gay ma tâm rdâng đah Oh Mon kloh ueh May jêng Brah Yêsu, Nơm May hŏ tŏ dak ƀâu kah

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

ហេឞ្រើ 1:3

Kon jêng chrat ang nau chrêk rmah Brah Ndu jêh ri jêng rup di ngăn ma Brah Ndu nơm. Păng sŏk nau brah Păng gay ma kơl lĕ rngôch ndơ. Jêh Păng ƀư kloh nau tih, Păng gŭ mpeh pa ma Nơm Dŭt Prêh ta klơ trôk.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

ហេឞ្រើ 2:10

Yorlah lĕ rngôch ndơ tâm mpơl jêng bơh Brah Ndu jêh ri yor ma Brah Ndu, tơlah Păng ŭch njŭn leo âk kon sau tât ma nau chrêk rmah, Păng ƀư ăn Nơm jêng tơm nau yô̆ tâm rklaih khân păng tâm nau rêh ni gay ma dơn nau ueh rah vah ngăn jêng nau tâm di.

ហេឞ្រើ 2:17

Pôri, Păng jêng tâm ban ma phung oh nâu Păng tâm lĕ rngôch ndơ, gay ma jêng kôranh ƀư brah toyh nuih n'hâm bêng ma nau yô̆ nđach jêh ri răp jăp tâm nau pah kan ma Brah Ndu, gay tâm chuai nau tih ma lĕ rngôch bunuyh.

ហេឞ្រើ 3:1

Yor nây, hơi phung oh nâu kloh ueh, jêng phung bunuyh dơn nau kuăl tă bơh trôk, mĭn rvê hom ma phung mbơh jêh ri kôranh ƀư brah toyh he mbơh jêng Brah Yêsu.

ហេឞ្រើ 7:11

Tơlah nau pah kan kôranh ƀư brah ma phung Lêvi năng ai dơi geh nau rah vah ngăn (yorlah bơh nau nây phung ƀon lan sŏk dơn jêh nau vay), mâm ƀư hôm ŭch njêng du huê kôranh ƀư brah êng, tĭng mpôl Mêlkisedek, mâu di tĭng mpôl Y-Arôn?

ហេឞ្រើ 8:1

Nau khlay dôl he lah jêng: He geh du huê kôranh ƀư brah toyh lơn dŭt khlay, gŭ jêh mpeh pa ma sưng hađăch Nơm Dŭt Prêh ta klơ trôk,

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!

I Pêtrôs 1:19

ƀiălah ma mham khlay Brah Krist, nâm bu mham du mlâm kon biăp geh ntŭk kuet, mâu geh têl khap,

I Pêtrôs 2:22

“Păng mâu mâp ƀư tih ôh, Tâm trôm mbung Păng mâu mâp saơ nau mƀruh lĕ.”

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.

I Yôhan 2:2

Păng nơm jêng ndơ ƀư brah chuai nau tih ma he, mâu knŏng ma nau tih he ôh, ƀiălah nđâp ma nau tih ma lĕ neh ntu đŏng.

I Yôhan 3:5

Khân may gĭt Păng tâm mpơl jêh gay sŏk lơi nau tih; tâm Păng mâu geh nau tih ôh.

Nau Tâm Mpơl 3:7

“Nchih hom ma phung tông mpăr Phung Ngih Brah Ndu ta ƀon Philađelphi: Aơ jêng nau ngơi tă bơh Nơm Kloh Ueh jêh ri Nanê̆ Ngăn, jêng Nơm geh keh khuă Y-Đavit, jêng Nơm pơk mâu hôm geh bunuyh dơi nchăng, Nơm nchăng mâu hôm geh bunuyh dơi pơk: