ហេឞ្រើ 7:25 - Nau Brah Ndu Ngơi 2023

²⁵ Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

Bunong Bible Latin Script Cambodian dialect

²⁵ Kơt ndri dâng Păng dơi rklaih dadê dâng lĕ bunuyh i hăn a Kôranh Brah nđâp ma geh nau nsing ma Păng, yorlah Păng rêh n'ho ro, gay ma sơm kơl dăn Kôranh Brah ăn ma khân păng.

Bunong

²⁵ កើត​នទ្រី​ទឹង​ពាង់​ទើយ​រាក្លាយ្ស​ទាទេ​ទឹង​លែៈ​ឞូនុយ្ស​អី​ហាន់​អា​កោរាញ​ឞ្រាស​នអ៝ប់​មា​គែស​នាវ​ញឆីង​មា​ពាង់ យ៝រ​លាស​ពាង់​រេស​នហ៝​រ៝ គៃ​មា​ឆើម​កើល​ទាន់​កោរាញ​ឞ្រាស​អ៝ន់​មា​ខាន់​ពាង់។

ហេឞ្រើ 7:25 Iomraidhean Croise

Ndrom Samƀŭt bơh Yôp 22:17

Khân păng lah ma Brah Ndu: ‘Dăn du ngai đah hên! Moh ndơ Nơm Geh Lĕ Nau Brah dơi ƀư ma hên đŏng?’

Ndrom Samƀŭt bơh Yôp 23:3

Ŭch ma gâp gǐt ta ntŭk dơi joi Kôranh Brah, Gâp mra văch gŭ tanăp sưng hađăch Păng!

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 45:24

Bu mra lah ma Gâp pô aơ: “Knŏng tâm Brah Yêhôva yơh geh nau sŏng srăng jêh ri nau ktang;” Jêh ri bu mra văch ma Păng. Lĕ rngôch bunuyh ji nuih đah Păng mra bêk.

Êsai 53:12

Yor nây, Gâp mra tâm pă ma Păng du kô̆ ndrel ma phung toyh. Păng mra pă ndơ pit sŏk ndrel ma phung ktang; Yorlah Păng nkhŭt jêh nau rêh Păng kŏ tât khĭt, Bu kơp păng ndrel ma phung tih, Păng hŏ tuy jêh nau tih âk bunuyh, Jêh ri mbơh sơm kơl an ma phung tih.

Êsai 59:16

Păng saơ mâu geh du huê bunuyh sŏng srăng ôh, Jêh ri hih rhâl yor mâu geh nơm vah vơl. Păng dŏng ti păng nơm ƀư tât nau tâm rklaih; Nau sŏng Păng nơm kơl.

Êsai 63:1

Nơm bơh ƀon Bôsra bri Êđôm văch, Nsoh bok ao chăng rhưch, ndơ nsoh chrêk rmah, Nhuat hăn rnam ma nau ktang dŭt toyh, Mbu moh Nơm aơ? “Gâp yơh, Nơm mbơh nau sŏng srăng, Nơm brah dơi tâm rklaih!”

Yêrêmi 3:22

“Hơi phung kon mâu răp jăp, plơ̆ sĭt hom! Gâp mra ƀư bah nau mâu răp jăp khân may.” Khân may plơ̆ lah: “Aơ, phung hên tât ma May, Yorlah May jêng Yêhôva Brah Ndu hên.

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Daniel 3:17

Tơlah bu klŭp hên tâm ŭnh năk, pônây ơ hađăch, Brah Ndu nơm hên yơk mbah mra dơi tâm rklaih hên klaih bơh ŭnh năk jêh ri bơh ti may.

Daniel 3:29

Yor nây, gâp ăn samƀŭt nau ntrŭnh aơ: Lĕ rngôch mbu phung ƀon lan, mbu bri dak, mbu nau ngơi geh nau ngơi mhĭk ma Brah Ndu Y-Sadrak, Y-Mêsăk, Y-Abetnêgô bu mra choh săk jăn khân păng, jêh ri ngih khân păng mra jêng mbŭch djah; yorlah mâu geh brah êng ôh mra dơi tâm rklaih tâm ban pônây.”

Daniel 6:20

Tơlah păng tât dăch bâr trôm ntu, păng sŏk ma bâr rngot kuăl Y-Daniel. Hađăch kuăl: “Ơ Y-Daniel, oh mon Brah Ndu gŭ rêh mro mrăng! Brah Ndu may pah kan ƀaƀơ, mra dơi rklaih may bơh yau mŭr lĕ?”

Daniel 9:16

Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

Yôhan 14:13

Moh ndơ khân may dăn tâm amoh Gâp, Gâp mra ƀư, gay ma Mbơ̆ dơi geh nau tâm rnê tâm Kon.

Yôhan 14:16

Gâp mra dăn ma Mbơ̆, Păng mra ăn ma khân may du huê Nơm Bonh Leng êng gŭ ndrel ma khân may n'ho ro,

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Samƀŭt Pôl Njuăl Ăn Ma Phung Nsing Ta Ƀon Rôm 5:10

Yorlah tơlah dôl he jêng bunuyh tâm rdâng đah Brah Ndu, ƀiălah yor ma nau khĭt Kon Păng, he hôm dơi geh tâm rnglăp đah Brah Ndu, pôri rlau lơn ma nar aơ hŏ geh nau tâm rnglăp jêh, he lơ hô dơi tâm rklaih yor nau rêh Kon Păng.

Samƀŭt Pôl Njuăl Ăn Ma Phung Nsing Ta Ƀon Rôm 5:2

Tâm Păng, yor ma chroh he dơi lăp tâm nau yô̆ aơ jêng nau yô̆ tă bơh nĕ he dâk nâp jêh ri răm maak đah nau kâp gân dơi dơn nau chrêk rmah Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 8:34

Mbu mra jêng bunuyh tâm rmal khân păng, nôk Brah Yêsu Krist jêng Nơm hŏ khĭt jêh ri hŏ dâk rêh tay, Nơm gŭ mpeh pa ma Brah Ndu jêh ri mbơh sơm kơl an ma phung he?

I Kôrintô 1:21

Yor Brah Ndu, tă bơh nau blau mĭn Păng, hŏ ƀư ma neh ntu mâu dơi dŏng nau blau mĭn êng păng nơm gay gĭt vât Păng, yor ri Brah Ndu maak dŏng nau mbơh nkoch bu uănh ma he jêng brŭt ndrăng, gay tâm rklaih phung chroh.

Êphêsô 2:18

Yorlah tă bơh Păng lĕ bar mpôl he dơi văch ta Brah Ndu Mbơ̆ tâm nguay Brah Huêng Ueh.

Êphêsô 3:12

Tâm Păng jêh ri yor ma nau chroh tâm Păng, he geh nau janh nuih jêh ri nâp nuih n'hâm hăn dăch Brah Ndu.

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.

Philip 3:21

Păng mra tâm rgâl săk jăn jê̆ jănh he plơ̆ jêng nâm bu săk jăn chrêk rmah Păng, dŏng nau brah ƀư ăn lĕ rngôch ndơ plơ̆ sĭt tông ma Păng.

I Timôthê 2:5

Yorlah geh knŏng du huê Brah Ndu, jêh ri geh knŏng du huê Nơm Tâm Nklang vah vang Brah Ndu jêh ri kon bunuyh, jêng Brah Yêsu Krist, jêng bunuyh đŏng.

II Timôthê 1:12

nây yơh jêng nau gâp dơn nau rêh ni. Ƀiălah gâp mâu đit prêng ôh, yorlah gâp gĭt ma mbu Nơm gâp chroh, jêh ri gâp gĭt ngăn ma Nơm nây geh nau brah king n'gang ndơ gâp jao jêh kŏ tât nar nây.

ហេឞ្រើ 11:6

Mâu geh nau chroh, mâu dơi ƀư maak nuih n'hâm Brah Ndu; yorlah mbu nơm ŭch hăn dăch ta Brah Ndu, ăn păng chroh geh Brah Ndu ngăn, jêh ri Păng jêng Nơm ăn nau nkhôm ma mbu nơm joi Păng.

ហេឞ្រើ 13:15

Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

ហេឞ្រើ 2:18

Yorlah Păng yơh dơn jêh nau rêh ni tâm nôk geh nau ndơm, pôri Păng kơl an phung geh nau ndơm.

ហេឞ្រើ 2:9

Ƀiălah he saơ Brah Yêsu, Brah Ndu dơm Păng dêh lơn phung tông mpăr tâm ƀât lât, aƀaơ aơ ndô jêh đon hađăch nau chrêk rmah jêh ri nau yơk yor nau khĭt, Păng dơn jêh, yor ma nau yô̆ bơh Brah Ndu, Păng dơi dơn nau khĭt yor ma lĕ rngôch bunuyh.

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.

ហេឞ្រើ 7:16

jêng kôranh ƀư brah mâu di tĭng nâm nau vay bơh kon bunuyh ôh, ƀiălah tĭng nâm nau brah bơh nau rêh mâu blau khĭt.

ហេឞ្រើ 7:19

(yor nau vay mâu dơi ƀư ăn moh nau rah vah ôh); lah êng đŏng, geh du nau vay kâp gân ueh lơn, đah nau bu ăn, gay tâm nau nây he dơi hăn dăch Brah Ndu.

ហេឞ្រើ 7:24

Ƀiălah Brah Yêsu djôt prăp nau pah kan kôranh ƀư brah n'ho ro, yorlah Păng gŭ rêh ƀaƀơ n'ho ro.

ហេឞ្រើ 7:8

Tâm nau geh aơ, phung bunuyh sŏk dơn du kô̆ tâm jât jêng bunuyh nglay săk blau khĭt; tâm nau geh nây, bu mbơh bunuyh nây hôm rêh.

ហេឞ្រើ 9:24

Yorlah Brah Krist mâu lăp ôh tâm ntŭk kloh ueh bơh ti bunuyh ƀư, jêng rup ntŭk kloh ueh ngăn, ƀiălah Păng lăp jêh ƀon ueh klơ trôk, gay aƀaơ aơ Păng tâm tang he hăn tât tanăp Brah Ndu.

Yuđas 1:24

Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,