ហេឞ្រើ 6:2 - Nau Brah Ndu Ngơi 2023

² nau ntĭm nti ma lĕ nau ƀư ƀaptem, nau pah ti, nau dâk rêh tay tă bơh nau khĭt jêh ri nau phat dôih n'ho ro.

Bunong Bible Latin Script Cambodian dialect

² nau ƀăptem yŭk ma dak, nau mbơh sơm tê̆ ti, nau dâk rêh tay, mâu lah nau Kôranh Brah tê̆ dôih n'ho ro.

Bunong

² នាវ​បាប់តែម​យុក​មា​ទាក នាវ​មឞើស​ឆើម​តេៈ​តី នាវ​ទ៝ក់​រេស​តៃ មោ​លាស​នាវ​កោរាញ​ឞ្រាស​តេៈ​ទោយ្ស​នហ៝​រ៝។

ហេឞ្រើ 6:2 Iomraidhean Croise

Nơm Nti 12:14

Yorlah Brah Ndu mra djôt leo phat dôih lĕ rngôch kan, Ndrel ma lĕ rngôch nau ndâp, nđâp lah ueh mâu lah mhĭk.

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Mathay 3:14

Ƀiălah Y-Yôhan buay Păng jêh ri lah pô aơ: “Gâp yơh ŭch ăn May ƀư ƀaptem ma gâp, mâm ƀư May văch ma gâp?”

Markôs 16:16

Mbu nơm chroh jêh ri dơn nau ƀaptem mra rklaih; ƀiălah mbu nơm mâu chroh ôh mra dơn nau tâm rmal.

Markôs 7:4

nôk khân păng sĭt tă bơh ngih tăch drăp, tơlah ê hŏ rao ti khân păng mâu đŏng sông sa. Phung nây hôm djôt prăp âk ntil nau êng êng đŏng nâm bu nau rao kachok ngan, glah yăng jêh ri lĕ ndơ dŏng ma kông).

Markôs 7:8

Khân may chalơi jêh nau Brah Ndu ntăm, ƀiălah djôt nau vay bunuyh!”

Luka 11:38

Bunuyh Pharisi nây hih rhâl saơ Păng mâu rao ti êlor sông sa.

Luka 12:50

Geh nau ƀaptem gâp mra dơn, jêh ri Gâp geh nau nđêh nji âk ngăn kŏ tât nau nây dơi lôch jêh!

Luka 14:14

ri mơ may mra geh nau ueh maak, yorlah khân păng mâu dơi ôh mplơ̆ sĭt nau yô̆ ma may; tât nar bunuyh sŏng srăng dâk rêh tay, mra mplơ̆ sĭt nau yô̆ ma may.”

Luka 3:16

Yor ri, Y-Yôhan plơ̆ lah ma lĕ rngôch bunuyh: “Gâp ƀư ƀaptem ma khân may ma dak; ƀiălah geh Nơm geh nau dơi lơn ma gâp mra văch, gâp mâu khư ôh doh rse ntâu jot Păng. Păng mra ƀư ƀaptem ma khân may ma Brah Huêng Ueh jêh ri ma ŭnh.

Yôhan 1:33

Gâp mâu gĭt năl Păng, ƀiălah Nơm njuăl gâp ƀư ƀaptem ma dak hŏ lah jêh ma gâp: ‘Nơm may mra saơ Brah Huêng Ueh jŭr drâm klơ, nây jêng Nơm ƀư ƀaptem ma Brah Huêng Ueh.’

Yôhan 5:29

mbu hŏ ƀư nau ueh mra dâk rêh tay gay geh nau rêh ngăn, mbu hŏ ƀư mhĭk mra dâk rêh tay gay dơn nau phat dôih.

Kôranh Oh Mon 10:47

Nôk nây Y-Pêtrôs lah: “Dơi lĕ bu dun ƀaptem tâm dak ma phung bunuyh dơn jêh Brah Huêng Ueh tâm ban ma he ƀơh?”

Kôranh Oh Mon 13:3

Jêh khân păng ât sông sa jêh ri mbơh sơm, khân păng pah ti ma phung nây jêh ri njuăl phung nây hăn.

Kôranh Oh Mon 16:15

Tơlah păng dơn nau ƀaptem jêh ndrel ma phung tâm ngih păng, H'Lidi jă hên: “Tơlah khân may mĭn ma gâp răp jăp đah Kôranh Brah, dăn lăp gŭ hom tâm ngih gâp.” Jêh ri păng nchâp hên lăp.

Kôranh Oh Mon 16:33

Tâm măng nây, ta mông nây, kôranh ndrung djôt leo bar hê khân păng luh gay ma sâm rao lĕ sôt rmanh; jêh ri păng ndrel ma lĕ rnăk vâl dơn nau ƀaptem ro.

Kôranh Oh Mon 17:18

Geh ƀaƀă phung kan tâm nau mĭn tâm bar phung nti Nau Maak jêh ri Nau Dăng tâm nchră đah păng đŏng. Nơm ôp: “Moh nau bunuyh ƀôch ƀôr aơ ŭch lah?” Nơm êng lah: “Tâm ban ma păng mbơh nkoch ma lĕ brah bu năch” — yorlah Y-Pôl mbơh nkoch Nau Mhe Mhan Ueh ma Brah Yêsu jêh ri nau dâk rêh tay.

Kôranh Oh Mon 2:38

Y-Pêtrôs plơ̆ lah: “Rmal hom nau tih, ăn ăp nơm khân may dơn nau ƀaptem tâm amoh Brah Yêsu Krist gay geh nau yô̆ an nau tih khân may nơm, jêh nây mra sŏk dơn ndơ jêng Brah Huêng Ueh ăn.

Kôranh Oh Mon 2:41

Pôri, phung bunuyh dơn nau ngơi nây, dơn nau ƀaptem da dê, jêh ri tâm nar nây, geh klăp lah pe rbăn nuyh ntop tâm Phung Ngih Brah Ndu.

Kôranh Oh Mon 23:6

Y-Pôl gĭt geh ƀaƀă tâm phung khân păng jêng phung Sađusê, ƀaƀă êng jêng phung Pharisi, păng nter tanăp Mpôl Kôranh Phat Dôih: “Hơi phung oh nâu, gâp jêng bunuyh Pharisi, kon bunuyh Pharisi. Yor nau kâp gân ma nau dâk rêh tay tă bơh nau khĭt bu phat dôih gâp.”

Kôranh Oh Mon 24:15

Gâp geh nau kâp gân tâm Brah Ndu, tâm ban ma khân păng lĕ, nâm bu ntĭt phung sŏng srăng jêh ri phung kue mra geh nau dâk rêh tay.

Kôranh Oh Mon 24:21

tơlah geh, knŏng jêng du trong gâp ngơi tâm nklang khân păng: ‘Yor nau phung khĭt dâk rêh tay yơh bu phat dôih gâp tanăp khân may nar aơ.’ ”

Kôranh Oh Mon 24:25

Ƀiălah dôl Y-Pôl ngơi ma nau sŏng srăng, ma nau di keh jêh ri ma nau phat dôih tâm nar kăndơ̆, Phêlik klach râm sâr jêh ri lah: “Sĭt hom may aƀaơ ro; tơlah gâp ru, gâp mra kuăl may.”

Kôranh Oh Mon 26:8

Mâm ƀư khân may gŭ ta nây mâu chroh ma Brah Ndu ƀư ăn bunuyh khĭt dâk rêh tay?

Kôranh Oh Mon 4:2

Khân păng ji nuih ngăn yorlah bar hê khân păng ntĭm nti ma phung ƀon lan jêh ri mbơh pô aơ Brah Yêsu geh nau dâk rêh tay tă bơh nau khĭt.

Kôranh Oh Mon 6:6

Khân păng tâm mpơl măt pơh nuyh nây ma phung kôranh oh mon; phung kôranh oh mon mbơh sơm pah ti ma phung bunuyh nây.

Samƀŭt Pôl Njuăl Ăn Ma Phung Nsing Ta Ƀon Rôm 2:16

Ta nar nây, Brah Ndu ăn Yêsu Krist mra phat dôih lĕ nau kan ndâp kon bunuyh bơh Brah Yêsu Krist, tĭng nâm Nau Mhe Mhan Ueh gâp nti.

I Kôrintô 10:2

Lĕ rngôch khân păng dơn jêh nau ƀư ƀaptem tâm ndâr tŭk jêh ri tâm dak mƀŭt gay tĭng Y-Môis;

I Kôrintô 12:13

Yorlah he, nđâp tơlah phung Yuđa, phung Grek, phung dĭk mâu lah phung kon me, lĕ rngôch phung he hŏ dơn nau ƀaptem da dê tâm nguay Brah Huêng Ueh gay ma jêng du săk jăn; lĕ rngôch dơi nhêt tâm nguay Brah Huêng Ueh da dê.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

Philip 3:21

Păng mra tâm rgâl săk jăn jê̆ jănh he plơ̆ jêng nâm bu săk jăn chrêk rmah Păng, dŏng nau brah ƀư ăn lĕ rngôch ndơ plơ̆ sĭt tông ma Păng.

Kôlôh 2:12

Khân may hŏ tâp brôi jêh khân may ndrel ma Păng tâm nau ƀaptem, ri mơ dơi dâk rêh tay ndrel Păng bơh nau chroh tâm nau brah Brah Ndu, Nơm ƀư ăn Păng dâk rêh tay tă bơh nau khĭt.

II Timôthê 2:18

khân păng hăn teng bơh nau ngăn, lah khân păng ngơi nau dâk rêh tay lĕ rlau jêh. Khân păng ƀư rgâl ma nau chroh bunuyh ƀaƀă.

ហេឞ្រើ 11:35

Geh phung bu ur sŏk dơn tay phung oh nâu khân păng nơm dâk rêh tay tă bơh nau khĭt; geh ƀaƀă dơn nau bu ƀư rêh ni jêh ri mâu ŭch tâm rklaih gay dơi geh nau dâk rêh tay ueh lơn.

ហេឞ្រើ 9:10

ƀiălah jêng knŏng tât ma ndơ sông sa, ndơ nhêt jêh ri lĕ nau rƀŭn ƀư kloh êng, jêng lĕ nau vay nchâp nglay săk djôt prăp kŏ tât rnôk nau tâm rgâl.

II Pêtrôs 3:7

Ƀiălah tă bơh nau ngơi nây đŏng trôk neh aƀaơ aơ prăp ma ŭnh, jêh ri prăp tay ma tât nar phat dôih jêh ri ƀư rai lôch phung mâu ƀư tĭng nau vay.