ហេឞ្រើ 6:10 - Nau Brah Ndu Ngơi 2023

¹⁰ Yorlah Brah Ndu mâu di jêng kue ôh, gay ƀư chuêl nau kan jêh ri nau rŏng khân may tâm mpơl jêh yor ma amoh Păng, nôk pah kan ma phung kloh ueh, jêh ri ăt hôm pah kan đŏng.

Bunong Bible Latin Script Cambodian dialect

¹⁰ Kôranh Brah sŏng ngăn, Păng mâu ôh chuêl ndơ i khân ay may gơyh jan nơh, Păng hôm kah gĭt nâng đŏng nau rŏng khân ay may lĕ nhhơ ma Păng ta nau sơm kơl ma phung ƀon lan Păng nơm, jêh ri khân ay may hôm jan kơt nây jât.

Bunong

¹⁰ កោរាញ​ឞ្រាស​ឆ៝ង់​ងាន់ ពាង់​មោ​អោស​ច្វេល​នទើ​អី​ខាន់​អៃ​មៃ​គើយ្ស​ជាន​នើស ពាង់​ហោម​កាស​គឹត​នឹង​ដ៝ង់​នាវ​រ៝ង់​ខាន់​អៃ​មៃ​លែៈ​ញហើ​មា​ពាង់​តា​នាវ​ឆើម​កើល​មា​ផូង​ប៝ន​លាន​ពាង់​នើម ជេសរី​ខាន់​អៃ​មៃ​ហោម​ជាន​កើត​នៃ​ជឹត។

ហេឞ្រើ 6:10 Iomraidhean Croise

Nêhêmi 13:22

Gâp ntĭnh ma phung Lêvi ăn khân păng ƀư kloh lơi khân păng nơm jêh ri hăn văch gak njrăng mpông pêr, gay prăp ma nar saƀat jêng nar kloh ueh. “Hơi Brah Ndu gâp! Dăn kah gĭt hom ma nau nây jêh ri dăn yô̆ nđach gâp tĭng nâm nau ueh toyh bơh May.”

Nêhêmi 13:31

Gâp đă đŏng phung ƀon lan nhhơr long tĭng tâm nal, tâm ban đŏng nhhơr lĕ play bôk yan bơh neh. “Hơi Brah Ndu gâp, dăn kah gĭt hom ma gâp jêh ri yô̆ an ma gâp!”

Nêhêmi 5:19

“Hơi Brah Ndu gâp! Dăn ma Kôranh Brah kah gĭt lĕ rngôch nau gâp hŏ ƀư jêh ma phung ƀon lan aơ jêh ri yô̆ an ma gâp.”

Nau Mprơ Ơm 20:3

Ăn Păng kah gĭt ma lĕ rngôch ndơ may nhhơr, Jêh ri maak dơn lĕ ndơ may ƀư brah gŭch! (Sêla)

Nau Ngluh Êjipt 1:20

Brah Ndu ăn nau ueh uĭn ma phung bu ur mât deh; rnoh phung ƀon lan Israel bĭk rơ̆ jêh ri khăn păng jêng dăng ngăn ngên.

Nau Hôr 14:31

Phung tŭn jot bunuyh o ach suai rak ma Nơm rhăk njêng păng, Mbu nơm yô̆ an ma bunuyh o ach jêng nau yơk ma Păng.

Nau Hôr 19:17

Mbu nơm gĭt yô̆ ma phung o ach jêng ăn Brah Yêhôva manh, Păng mra mplơ̆ sĭt nau kan ueh nây ăn ma păng.

Nơm Nti 11:1

Srih hom piăng let may ta klơ măt dak, Yorlah âk nar pakơi, may mra dơi joi tay.

Yêrêmi 18:20

Geh lĕ nơm sŏk nau mhĭk mplơ̆ ăn nau ueh? Ƀiălah khân păng kuyh jêh ntu ƀư rai lơi nau rêh gâp. Dăn May kah gĭt pô aơ gâp lĕ tă gŭ dâk tanăp măt May Gay dăn nau ueh ăn ma khân păng, Jêh ri dăn May mâu nkhŭt ôh nau ji nuih ta khân păng.

Yêrêmi 31:16

Brah Yêhôva lah: “Rlu hom bâr nhĭm vơl Jut sơh dak măt, Yorlah kan ay mra geh nau nkhôm; Khân păng mra plơ̆ sĭt tă bri phung rlăng,” Brah Yêhôva lah pônây.

Mathay 10:42

Mbu nơm ăn ma du huê tâm phung jê̆ aơ nhêt du kachok dak me, yorlah bunuyh nây jêng oh mon Gâp; nanê̆ Gâp lah ma khân may, bunuyh nây mâu mra roh nau nkhôm ma păng ôh.”

Mathay 20:7

Phung nây plơ̆ lah: ‘Yorlah mâu geh bunuyh ŭch nkhôm hên.’ Păng lah ma khân păng: ‘Khân may hăn hom lăp tâm đang krăk ƀâu gâp.’

Mathay 25:17

Bunuyh dơn jêh bar talâng, dơi ntop bar talâng đŏng.

Markôs 9:41

Mbu nơm hôm sŏk amoh Gâp ăn ma khân may du kachok dak, yorlah khân may jêng phung ma Brah Krist. Nanê̆ ngăn, Gâp lah khân may, bunuyh nây mâu mra roh nau nkhôm ma păng ôh.

Yôhan 13:20

Nanê̆, Gâp lah ngăn ma khân may, mbu nơm rom bunuyh Gâp njuăl, jêng păng rom Gâp tâm ban lĕ; jêh ri mbu nơm rom Gâp, nâm bu ntĭt rom Nơm hŏ njuăl Gâp văch.”

Kôranh Oh Mon 10:31

jêh ri lah: ‘Hơi Kôrnei, Brah Ndu tăng jêh nau may mbơh sơm jêh ri Păng kah gĭt ma nau may ăn yô̆ ma bu.

Kôranh Oh Mon 10:4

Păng klach ntrâng uănh ta tông mpăr Brah Ndu jêh ri ơh: “Ô Kôranh Brah, moh nau geh?” Tông mpăr plơ̆ lah: “Nau may mbơh sơm jêh ri ndơ may ăn yô̆ hao tât ta Brah Ndu jêh ri Brah Ndu kah gĭt nau nây.

Kôranh Oh Mon 11:29

Phung oh mon mĭn ăp nơm tĭng nâm ndơ khân păng geh, njuăl ndơ kơl ma phung oh nâu chroh gŭ tâm n'gor Yuđa.

Samƀŭt Pôl Njuăl Ăn Ma Phung Nsing Ta Ƀon Rôm 12:13

Ăn hom nau ueh ma phung kloh ueh, ndơ khân păng pưt, ăn blau vơt rom bu năch.

II Kôrintô 9:1

Ma nau kơl ma phung kloh ueh, gâp mâu hôm ŭch nchih tay ma khân may đŏng.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Galati 6:10

Pôri, dôl geh mông găl, he ƀư hom nau ueh ma lĕ rngôch bunuyh, lor lơn jêng ma phung oh nâu tâm nau chroh.

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Kôlôh 3:17

Ăp ntil nau khân may ngơi mâu lah ƀư, ƀư hom lĕ rngôch nau tâm amoh Kôranh Brah jêng Brah Yêsu, yor tă Păng he lah ueh Brah Ndu, jêng Brah Ndu Mbơ̆.

I Têsalônik 1:3

Tanăp măt Brah Ndu, jêng Mbơ̆, hên kah gĭt ƀaƀơ ma kan nau chroh khân may, ma kan nau rŏng khân may, nau srôih tâm nau khân may kâp gân tâm Kôranh Brah he jêng Brah Yêsu Krist.

I Timôthê 6:18

Ăn khân păng ƀư kan ueh, ƀư âk kan ueh maak, geh nuih n'hâm lŏng, rơm ndrăp jêh tâm pă ma bu;

II Timôthê 4:8

Ntơm aƀaơ đon hađăch nau sŏng srăng rơm ndrăp jêh ma gâp; Kôranh Brah jêng kôranh phat dôih sŏng mra ăn đon nây ma gâp tâm nar nây, ƀiălah mâu di knŏng ma gâp ôh ƀiălah nđâp ma phung rŏng ma nau Păng văch.

ហេឞ្រើ 10:32

Ƀiălah kah gĭt tay hom ma lĕ nar lor, tơlah jêh geh nau sol ang, khân may sŏk dơn jêh nau tâm lơh toyh đah âk nau hŏt rgănh:

ហេឞ្រើ 13:16

Lơi chuêl ôh ƀư nau ueh jêh ri tâm pă ma bunuyh êng, yorlah lĕ ndơ ƀư brah tâm ban pônây ƀư maak nuih n'hâm Brah Ndu.

I Yôhan 1:9

Tơlah he mbơh nau tih he nơm, Păng jêng Nơm răp jăp jêh ri sŏng mra yô̆ an nau tih ma he jêh ri ƀư kloh he bơh lĕ rngôch nau kue.